കൊച്ചി: സ്വര്ണക്കടത്തു കേസ് മലയാള സിനിമാ മേഖലയിലേക്കും. കേസുമായി ബന്ധപ്പെട്ട് യു.എ.ഇയില് അറസ്റ്റിലായ ഫൈസല് ഫരീദ് നാലു മലയാള സിനിമകള് നിര്മിക്കാന് പണം മുടക്കി എന്നാണ് റിപ്പോര്ട്ട്. ഇതുസംബന്ധിച്ച തെളിവുകള് ദേശീയ അന്വേഷണ ഏജന്സിക്കു ലഭിച്ചു.
മലയാളത്തിലെ ന്യൂജനറേഷന് പുതുമുഖ സംവിധായകന്റെയും മുതിര്ന്ന സംവിധായകന്റേയും ചിത്രത്തിന്റെ നിര്മ്മാണത്തിനാണ് ഇയാള് പണം മുടക്കിയത്. നാലു ചിത്രങ്ങള്ക്കാണ് ഫൈസല് ഫരീദ് കള്ളകടത്ത് പണം ഉപയോഗിച്ചത്. മുഖ്യമന്ത്രിയുടെ മുന് ഐടി ഫെലോ അരുണ് ബാലചന്ദ്രന് വഴിയായിരുന്നു പണം സിനിമ മേഖലയില് എത്തിച്ചത്.