Connect with us

india

യു.പി മുതല്‍ ഡല്‍ഹി വരെ ബി.ജെ.പി ബുള്‍ഡോസര്‍ രാഷ്ട്രീയം വ്യാപിപ്പിക്കുന്നത് എന്തിന്‌

യു.പി തിരഞ്ഞെടുപ്പില്‍ വര്‍ഗീയ ധ്രുവീകരണത്തിന് ഒരു പരിധി വരെ സഹായിച്ചത് ഈ ബുള്‍ഡോസര്‍ രാഷ്ട്രീയമാണെന്ന് ബി.ജെ.പി കണക്കു കൂട്ടുന്നു. അക്രമികളും കലാപകാരികളുമാണെന്ന് ആരോപിച്ച് ഒരു വിഭാഗത്തിന് നേരെ ഏകപക്ഷീയമായി ബുള്‍ഡോസര്‍ ഉപയോഗിച്ച് അവരുടെ ജീവിതോപാധിയും വീടുകളും ഇടിച്ച് നിരത്തി തീര്‍ത്തും നിസ്സഹായരാക്കി മാറ്റുക എന്നതാണ് ബുള്‍ഡോസര്‍ രാഷ്ട്രീയ തന്ത്രം.

Published

on

ന്യൂഡല്‍ഹി: പ്രതിപക്ഷ പ്രതിഷേധങ്ങള്‍ക്കിടയിലും ഉത്തര്‍ പ്രദേശില്‍ യോഗി ആദിത്യനാഥിന്റെ നേതൃത്വത്തിലുള്ള ബി. ജെ.പി സര്‍ക്കാര്‍ ന്യൂനപക്ഷങ്ങള്‍ക്കെതിരെ പ്രയോഗിച്ച് വിജയിച്ച ഇടിച്ചു നിരത്തല്‍ കുതന്ത്രം മധ്യപ്രദേശും കടന്ന് രാജ്യതലസ്ഥാനത്ത് എത്തിയിരിക്കുന്നു.

യു.പി തിരഞ്ഞെടുപ്പില്‍ വര്‍ഗീയ ധ്രുവീകരണത്തിന് ഒരു പരിധി വരെ സഹായിച്ചത് ഈ ബുള്‍ഡോസര്‍ രാഷ്ട്രീയമാണെന്ന് ബി.ജെ.പി കണക്കു കൂട്ടുന്നു. അക്രമികളും കലാപകാരികളുമാണെന്ന് ആരോപിച്ച് ഒരു വിഭാഗത്തിന് നേരെ ഏകപക്ഷീയമായി ബുള്‍ഡോസര്‍ ഉപയോഗിച്ച് അവരുടെ ജീവിതോപാധിയും വീടുകളും ഇടിച്ച് നിരത്തി തീര്‍ത്തും നിസ്സഹായരാക്കി മാറ്റുക എന്നതാണ് ബുള്‍ഡോസര്‍ രാഷ്ട്രീയ തന്ത്രം.

യു.പി തിരഞ്ഞെടുപ്പില്‍ ബി.ജെ.പി വന്‍ വിജയം നേടിയതോടെ അടുത്ത് തിരഞ്ഞെടുപ്പ് നടക്കാനിരിക്കുന്ന മധ്യപ്രദേശിലും ബി.ജെ.പി സര്‍ക്കാര്‍ ഇതേ തന്ത്രമാണ് കഴിഞ്ഞ കുറച്ചു നാളുകളായി പ്രയോഗിക്കുന്നത്. ഖാര്‍ഗോണില്‍ രാമനവമി ആഘോഷത്തിനിടെ നടന്ന അതിക്രമങ്ങളുടെ പേരില്‍ ന്യൂനപക്ഷ വിഭാഗക്കാരുടെ വീടുകളും കടകമ്പോളങ്ങളും ബുള്‍ഡോസര്‍ ഉപയോഗിച്ച് അധികൃതര്‍ ഇടിച്ചു നിരത്തുകയായിരുന്നു. രാമനവമി ഘോഷയാത്രക്കു നേരെ കല്ലേറ് നടത്തിയെന്നാരോപിച്ചായിരുന്നു ഇരു കൈകളുമില്ലാത്ത വസീം ഷെയ്ഖിന്റെ കടപോലും അധികൃതര്‍ ഇടിച്ചു നിരത്തിയത്. ഏകപക്ഷീയമായ ഈ ഇടിച്ചു നിരത്തലിന് നിയമത്തിന്റെ യാതൊരു സാധുതയും ഇല്ലെന്നതാണ് പ്രത്യേകത. മധ്യപ്രദേശില്‍ തിരഞ്ഞെടുപ്പിന് മുമ്പ് പരമാവധി വര്‍ഗീയ ദ്രുവീകരണമാണ് ഈ നീക്കത്തിലൂടെ ബി.ജെ.പി ലക്ഷ്യമിടുന്നത്. സമാന രീതി തന്നെയാണ് ഇന്നലെ ഡല്‍ഹിയിലെ ജഹാന്‍ഗീര്‍പുരിയിലും കണ്ടത്. കഴിഞ്ഞ ദിവസം ഹനുമാന്‍ ജയന്തി ഘോഷയാത്രയ്ക്കിടെ ജഹാന്‍ഗീര്‍പുരിയില്‍ ഇരുവിഭാഗങ്ങള്‍ തമ്മില്‍ സംഘര്‍ഷമുണ്ടായിരുന്നു.

ജഹാന്‍ഗീര്‍പുരിയില്‍ അനുവാദമില്ലാതെ ഘോഷയാത്ര നടത്തിയതിന് പൊലീസ് കേസെടുക്കുക കൂടി ചെയ്തിട്ടുണ്ട്. മുസ്്‌ലിം ഭൂരിപക്ഷ പ്രദേശത്തു നിന്നും ഘോഷയാത്രയ്ക്കു നേരെ കല്ലേറുണ്ടായെന്ന് ആരോപിച്ച് ബി.ജെ.പി സംസ്ഥാനാധ്യക്ഷന്‍ ജഹാന്‍ഗീര്‍പുരിയില്‍ ബുള്‍ഡോസര്‍ ഉപയോഗിക്കണമെന്നാവശ്യപ്പെട്ട് കഴിഞ്ഞ ദിവസം രംഗത്തു വന്നിരുന്നു.

ഇതിന് പിന്നാലെ പ്രദേശത്തെ അനധികൃത നിര്‍മാണങ്ങള്‍ പൊളിച്ചു നീക്കണമെന്നാവശ്യപ്പെട്ട് മുനിസിപ്പല്‍ ചെയര്‍മാന് കത്ത് നല്‍കുകയും ചെയ്തു. ഒരു ദിവസത്തെ ഇടവേളയില്‍ നടപടിയുമായി ബി.ജെ.പി ഭരിക്കുന്ന മുനിസിപ്പല്‍ കോര്‍പറേഷന്‍ രംഗത്തു വന്നത് തന്നെ ഇതിന് പിന്നിലെ തിരക്കഥ വെളിപ്പെടുത്തുന്നതാണ്. പാവപ്പെട്ടവരും ന്യൂനപക്ഷ വിഭാഗക്കാരും തിങ്ങിപ്പാര്‍ക്കുന്ന പ്രദേശങ്ങളില്‍ മാത്രം എന്തു കൊണ്ട് ഇത്തരത്തിലുള്ള നടപടി എന്ന ചോദ്യത്തിന് കലാപകാരികളെ അമര്‍ച്ച ചെയ്യാനെന്ന ന്യായീകരണമാണ് ബി.ജെ.പി നല്‍കുന്നത്.

ബുള്‍ഡോസര്‍ രാഷ്ട്രീയം കേവലം യു.പിയിലും മധ്യപ്രദേശിലും മാത്രം ഒതുങ്ങില്ലെന്നതിന്റെ സൂചനയാണ് ഡല്‍ഹി നല്‍കുന്നത്. വരും ദിവസങ്ങളില്‍ ബി.ജെ. പി ഭരിക്കുന്ന മറ്റ് സംസ്ഥാനങ്ങളിലും ഇതേ നടപടി വരാനും സാധ്യതയുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

india

പിഎച്ച്ഡി പ്രവേശനത്തിനുള്ള മാനദണ്ഡങ്ങള്‍ പരിഷ്ക്കരിച്ച് യുജിസി, നെറ്റ് യോഗ്യതയുള്ളവര്‍ക്ക് നേരിട്ട് പ്രവേശനം

ഇനി മുതല്‍ നെറ്റ് സ്കോർ ഉള്ളവർക്ക് സർവകലാശാലകളുടെ എൻട്രൻസ് പരീക്ഷ ഇല്ലാതെ പ്രവേശനം നൽകണമെന്നാണ് നിര്‍ദേശം

Published

on

ദില്ലി:പിഎച്ച്ഡി പ്രവേശനത്തിനുള്ള മാനദണ്ഡങ്ങള്‍ പരിഷ്ക്കരിച്ച് യൂണിവേഴ്സിറ്റി ഗ്രാന്‍റ്സ് കമ്മീഷൻ (യുജിസി). ഇനി മുതല്‍ നെറ്റ് സ്കോർ ഉള്ളവർക്ക് സർവകലാശാലകളുടെ എൻട്രൻസ് പരീക്ഷ ഇല്ലാതെ പ്രവേശനം നൽകണമെന്നാണ് നിര്‍ദേശം.

ഇതുസംബന്ധിച്ച വിശദമായ ഉത്തരവും യുജിസി പുറത്തിറക്കി. നേരത്തെ നെറ്റിന് പുറമെ ജെആര്‍എഫ് കൂടി ലഭിച്ചവർക്ക് മാത്രമായിരുന്നു നേരിട്ട് ഗവേഷണത്തിന് പ്രവേശനം അനുവദിച്ചിരുന്നത്. ജെആര്‍എഫ് ഇല്ലാത്തവര്‍ക്ക് എന്‍ട്രസ് പരീക്ഷ എഴുതിയാലെ പിഎച്ച്ഡിക്ക് പ്രവേശനം ലഭിച്ചിരുന്നുള്ളു. ഇനി നെറ്റ് പാസായി നിശ്ചിത കട്ട്ഓഫ് മാര്‍ക്ക് നേടിയവര്‍ക്ക് പിഎച്ച്ഡിക്ക് നേരിട്ട് പ്രവേശനം നേടാനാകും.

Continue Reading

india

കെജ്‌രിവാളിന്റെ ഇ.ഡി കസ്റ്റഡി ഏപ്രില്‍ ഒന്ന് വരെ നീട്ടി

ഡൽഹി റോസ് അവന്യു പ്രത്യേക കോടതി ജഡ്ജ് കാവേരി ബവേജയുടെതാണ് ഉത്തരവ്

Published

on

ഡൽഹി: മദ്യനയ അഴിമതി കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്‍രിവാളിന്റെ കസ്റ്റഡി കാലാവധി നീട്ടി. കെജ്‍രിവാളിനെ ഏപ്രിൽ ഒന്ന് വരെ ഇഡി കസ്റ്റഡിയിൽ വിട്ട് കോടതി ഉത്തരവായി. ഡൽഹി റോസ് അവന്യു പ്രത്യേക കോടതി ജഡ്ജ് കാവേരി ബവേജയുടെതാണ് ഉത്തരവ്.

തനിക്ക് കുറച്ച് കാര്യങ്ങൾ പറയാനുണ്ടെന്ന് കെജ്‌രിവാൾ കോടതിയെ അറിയിക്കുകയും കോടതി ഇതിന് അനുവാദം നല്‍കുകയുമായിരുന്നു. പറയാനുള്ളത് ആദ്യം എഴുതിനല്‍കാൻ കോടതി പറഞ്ഞെങ്കിലും നേരിട്ട് ബോധിപ്പിക്കണമെന്ന് കെജ്‌രിവാള്‍ അറിയിക്കുകയായിരുന്നു.

എല്ലാ അംഗീകാരവും നേടിയാണ് മദ്യനയം നടപ്പാക്കിയതെന്ന് കെജ്‍രിവാൾ ഇന്ന് കോടതിയിൽ പറഞ്ഞു. സിബിഐ കുറ്റപത്രത്തിൽ താൻ പ്രതിയല്ല. സാക്ഷികളെ ഭീഷണിപ്പെടുത്തിയാണ് ഇഡി തനിക്കെതിരെ നടപടിയിലേക്ക് നീങ്ങിയത്. 200 സാക്ഷികളെ ഇതുവരെ വിളിപ്പിച്ചു, സാക്ഷികളുടെ മക്കളെ അടക്കം അറസ്റ്റ് ചെയ്യുമെന്ന് ഇ ഡി ഭീഷണിപ്പെടുത്തി. നൂറ് കോടിയുടെ അഴിമതിയെങ്കിൽ പണം എവിടെ എന്നും കെജ്‍രിവാള്‍ ചോദിച്ചു.

Continue Reading

india

ഇഡി അന്വേഷണം: ഉമ്മന്‍ ചാണ്ടിയെ വേട്ടയാടിയ പിണറായിക്ക് കാലം കരുതിവച്ച കാവ്യനീതിയെന്ന് എം.എം ഹസന്‍

2016 ൽ അധികാരമേറ്റത് മുതൽ മരിക്കുന്നതുവരെ സംസ്ഥാന പൊലീസിനെയും സി.ബി.ഐ യേയും ഉപയോഗിച്ച് പിണറായി വിജയൻ ഉമ്മൻചാണ്ടിയെ വേട്ടയാടി. അദ്ദേഹം രോഗിയായതും അകാല മരണം വരിച്ചതും അതുമൂലമെന്നും എം.എം ഹസ്സൻ.

Published

on

മുന്‍ മുഖ്യമന്ത്രി ഉമ്മന്‍ ചാണ്ടിയെയും അദ്ദേഹത്തിന്റെ കുടുംബാംഗങ്ങളെയും വേട്ടയാടിയ മുഖ്യമന്ത്രി പിണറായി വിജയന് കാലം കരുതിവച്ച കാവ്യനീതിയാണ് മുഖ്യമന്ത്രി പിണറായി വിജയന്റെ മകള്‍ക്കെതിരേയുള്ള എന്‍ഫോഴ്സ്‌മെന്റ് ഡയറക്ടറേറ്റ് അന്വേഷണമെന്ന് കെപിസിസി ആക്ടിംഗ് പ്രസിഡന്റ് എം.എം ഹസന്‍.

2016 ൽ അധികാരമേറ്റത് മുതൽ മരിക്കുന്നതുവരെ സംസ്ഥാന പൊലീസിനെയും സി.ബി.ഐ യേയും ഉപയോഗിച്ച് പിണറായി വിജയൻ ഉമ്മൻചാണ്ടിയെ വേട്ടയാടി. അദ്ദേഹം രോഗിയായതും അകാല മരണം വരിച്ചതും അതുമൂലമെന്നും എം.എം ഹസ്സൻ.

ഉമ്മന്‍ ചാണ്ടിയുടെ മക്കള്‍ക്കെതിരേ നട്ടാല്‍കുരുക്കാത്ത നുണകള്‍ പ്രചരിപ്പിച്ചു. പിതൃതുല്യനെന്ന് പറഞ്ഞ സ്ത്രീയെ ഉപയോഗിച്ച് അദ്ദേഹത്തിനെതിരേ ലൈംഗികാരോപണം വരെ ഉയര്‍ത്തി. മുഖ്യമന്ത്രി പിണറായി വിജയന്റെ നിര്‍ദേശ പ്രകാരം ഡിജിപി രാജേഷ് ദിവാന്‍, എഡിജിപിമാരായ അനില്‍കാന്ത്, ഷെയ്ഖ് ദര്‍വേഷ് സാഹിബ് എന്നിവരുടെ നേതൃത്വത്തില്‍ അരിച്ചുപെറുക്കി. എന്നിട്ടും കുടുക്കാന്‍ കഴിയാതെ വന്നപ്പോഴാണ് പരാതിക്കാരിയെ വിളിച്ചുവരുത്തി വെള്ളക്കടലാസില്‍ പരാതി എഴുതിവാങ്ങി സിബിഐ അന്വേഷണത്തിനു വിട്ടതെന്നും ഹസ്സൻ.

സോളാര്‍ കമ്മീഷന് പലതവണ കാലാവധി നീട്ടിക്കൊടുത്ത് ആ രീതിയിലും സ്വാധീനിക്കാന്‍ ശ്രമിച്ചു. ഇത്രയും വ്യാപകമായ വേട്ടയാടല്‍ നടത്തിയിട്ടും ഉമ്മന്‍ ചാണ്ടി അഗ്നിശുദ്ധി വരുത്തി അതില്‍ നിന്ന് പുറത്തുവരുകയും ജനഹൃദയങ്ങളില്‍ അമരത്വം നേടുകയും ചെയ്തു. ഇതിനെല്ലാം കണക്കുചോദിച്ച് കാലം കടന്നുവരുമെന്നും പിണറായിക്കുള്ള വടി വെട്ടാന്‍ പോയിരിക്കുന്നതേയുള്ളുവെന്നും ഹസന്‍ കൂട്ടിച്ചേര്‍ത്തു.

ലാവ്ലിന്‍ കേസ്, സ്വര്‍ണക്കടത്തുകേസ്, ഡോളര്‍ കടത്തുകേസ് ലൈഫ് മിഷന്‍ കേസ്, കരുവന്നൂര്‍ ഇഡി കേസ്, മാസപ്പടി കേസ് എന്നിങ്ങനെ 7 കേസുകള്‍ക്കിടയിലും സുരക്ഷിതനായിരിക്കാന്‍ ഇന്ത്യയില്‍ പിണറായിക്കു മാത്രമേ കഴിയൂ. ഇതില്‍ ഏതെങ്കിലുമൊരു കേസ് ആത്മാര്‍ത്ഥമായി അന്വേഷിച്ചാല്‍ പിണറായി വിജയന്‍ അകത്തുപോകുമെന്ന് ഉറപ്പാണെന്നും കാലം അതിനു കാത്തിരിക്കുകയാണെന്നും ഹസന്‍ ചൂണ്ടിക്കാട്ടി.

Continue Reading

Trending