ലോകായുക്തയുടെ അധികാരം കവരുന്ന സംസ്ഥാന സര്ക്കാരിന്റെ ഭേദഗതി ഓര്ഡിനന്സ് ഒപ്പ് വയ്ക്കരുതെന്ന് ആവശ്യം ഉന്നയിച്ച് പ്രതിപക്ഷ നേതാവ് വിഡി സതീശന്റെ നേതൃത്വത്തില് യു.ഡി.എഫ് പ്രതിനിധി സംഘം ഗവര്ണറെ കാണും. ജനുവരി 27 വ്യാഴാഴ്ച രാവിലെയാണ് യു.ഡി.എഫ് പ്രതിനിധി സംഘം ഗവര്ണറെ കാണാന് അനുമതി തേടിയിരിക്കുന്നത്. ലോകായുക്ത ഭേദഗതി ഓര്ഡിനന്സില് ഒപ്പുവയ്ക്കരുതെന്ന ആവശ്യം ഉന്നയിച്ച് പ്രതിപക്ഷ നേതാവ് ഗവര്ണര്ക്ക് കത്ത് നല്കിയിരുന്നു. ഗവര്ണറെ നേരില്ക്കണ്ട് ഇക്കാര്യം ആവശ്യപ്പെടാന് യു.ഡി.എഫ് തീരുമാനം എടുത്തത് ഇതിന് പിന്നാലെയാണ്.