india
പ്രത്യേക സീറ്റില്ല; വേദി വിട്ട് ബി.ജെ.പി നേതാവ്
എന്താണ് കാര്യമെന്ന് ആളുകള് ചോദിച്ചപ്പോള് അതിഥികള്ക്കായി ക്രമീകരിച്ച ഇരിപ്പിടത്തില് അസ്വസ്ഥനാണെന്നും ഇക്കാര്യം സക്സേനയുമായി സംസാരിക്കുമെന്നും അദ്ദേഹം പറഞ്ഞു.
ഡല്ഹിയുടെ പുതിയ ലഫ്. ഗവര്ണര് വിനയ് കുമാര് സക്സേനയുടെ സത്യപ്രതിജ്ഞാ ചടങ്ങില്നിന്ന് മുന് കേന്ദ്രമന്ത്രിയും ബി.ജെ.പി നേതാവുമായ ഡോ.ഹര്ഷ് വര്ധന് ഇറങ്ങിപ്പോയി. ചടങ്ങില് പങ്കെടുക്കുന്നതിനായി തനിക്ക് പ്രത്യേക ഇരിപ്പിടം സജ്ജമാക്കിയില്ലെന്നു പറഞ്ഞാണ് ഹര്ഷ് വര്ധന് പരിപാടി ബഹിഷ്കരിച്ച് ഇറങ്ങിപ്പോയത്.
ഇതിന്റെ വിഡിയോ സമൂഹമാധ്യമങ്ങളില് വൈറലായി. ഡല്ഹിയിലെ രാജ് നിവാസില് ഇന്നലെ രാവിലെ സംഘടിപ്പിച്ച ചടങ്ങില്നിന്ന് ഹര്ഷ് വര്ധന് രോഷത്തോടെ ഇറങ്ങിപ്പോകുന്നതാണ് വിഡിയോ. എന്താണ് കാര്യമെന്ന് ആളുകള് ചോദിച്ചപ്പോള് അതിഥികള്ക്കായി ക്രമീകരിച്ച ഇരിപ്പിടത്തില് അസ്വസ്ഥനാണെന്നും ഇക്കാര്യം സക്സേനയുമായി സംസാരിക്കുമെന്നും അദ്ദേഹം പറഞ്ഞു.
കേന്ദ്ര ആരോഗ്യമന്ത്രിയായിരുന്ന ഹര്ഷ് വര്ധന് കഴിഞ്ഞ വര്ഷമാണ് രാജിവച്ചത്. അടുത്തിടെ വ്യക്തിപരമായ കാരണങ്ങളെ തുടര്ന്ന് അനില് ബൈജാല് രാജിവച്ചതോടെയാണ് ഡല്ഹി ലഫ്. ഗവര്ണറായി സക്സേനയെ തിരഞ്ഞെടുത്തത്. നേരത്തെ, ഖാദി ആന്ഡ് വില്ലേജ് ഇന്ഡസ്ട്രീസ് കമീഷന് ചെയര്മാനായിരുന്നു വി,കെ സക്സേന. ഡല്ഹി ഹൈക്കോടതി ആക്ടിങ് ചീഫ് ജസ്റ്റിസ് വിപിന് സാംഖി സത്യവാചകം ചൊല്ലിക്കൊടുത്തു. മുഖ്യമന്ത്രി അരവിന്ദ് കെജ്രിവാള്, മന്ത്രിസഭാ അംഗങ്ങള്, കേന്ദ്രമന്ത്രി ഗിരിരാജ് സിങ്, ഡല്ഹിയിലെ എം.പിമാര്, എം.എല്. എമാര്, ഉയര്ന്ന ഉദ്യോഗസ്ഥര് തുടങ്ങിയവര് പങ്കെടുത്തു.
ഡല്ഹിയുടെ ഭരണാധികാരം ലഫ്. ഗവര്ണര്ക്ക് നല്കിക്കൊണ്ടുള്ള നിയമഭേദഗതി കഴിഞ്ഞ വര്ഷമാണ് പ്രാബല്യത്തില് വന്നത്. ഇതിന് പിന്നാലെ ഡല്ഹി സര്ക്കാരും ലഫ്. ഗവര്ണറും തമ്മിലുള്ള അധികാര വടംവലികള് രൂക്ഷമായിരുന്നു.
Cricket
രാഹുൽ റിട്ടേൺസ്; ദക്ഷിണാഫ്രിക്കക്കെതിരായ ഏകദിന സ്ക്വാഡ് പ്രഖ്യാപിച്ചു; കെഎൽ രാഹുൽ ഇന്ത്യയെ നയിക്കും
മുംബൈ: പരിക്കേറ്റ നായകൻ ശുഭ്മൻ ഗില്ലിന്റെ അസാന്നിധ്യത്തിൽ ദക്ഷിണാഫ്രിക്കക്കെതിരായ ഏകദിന പരമ്പരയിൽ കെ എൽ രാഹുൽ ഇന്ത്യയെ നയിക്കും. ഋതുരാജ് ഗെയിക്വാദ്, രവീന്ദ്ര ജഡേജ, റിഷഭ് പന്ത്, തിലക് വർമ്മ എന്നിവർ സ്ക്വാഡിൽ തിരിച്ചെത്തി. പന്താണ് ടീമിന്റെ ഉപനായകൻ
ദക്ഷിണാഫ്രിക്കക്കെതിരായ ആദ്യ ടെസ്റ്റിൽ പരിക്കേറ്റതിനെ തുടർന്നാണ് ശുഭ്മാൻ ഗിൽ സ്ക്വാഡിൽ നിന്ന് പുറത്താവുന്നത്. പരിക്കിന്റെ പിടിയിലായ വൈസ് ക്യാപ്റ്റൻ ശ്രേയസ് അയ്യരും സ്ക്വാഡിൽ ഇല്ല. 2023ൽ ദക്ഷിണാഫ്രിക്കക്കെതിരെ ഇറങ്ങിയതിന് ശേഷം ആദ്യമായാണ് തിലക് വർമയും ഗെയിക്വാദും ഏകദിന ടീമിലേക്ക് തിരിച്ചെത്തുന്നത്. ഒരു വർഷത്തെ ഇടവേളക്ക് ശേഷമാണ് പന്ത് തിരികെ ടീമിലെത്തുന്നത്.
മൂന്ന് മത്സരങ്ങളുള്ള ഏകദിന പരമ്പര നവംബർ 30ന് ആരംഭിക്കും. റാഞ്ചിയിലെ ജെ.എസ്.സി.എ അന്താരാഷ്ട്ര ക്രിക്കറ്റ് സ്റ്റേഡിയത്തിലാണ് ആദ്യ മത്സരം.
Health
ബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
india
ദുബൈ എയര്ഷോയില് തേജസ് വിമാനം തകര്ന്ന സംഭവം: അവസാന നിമിഷം രക്ഷപ്പെടാന് ശ്രമിച്ചതായി റിപ്പോര്ട്ട്
അപകടത്തിന്റെ പുതിയ ദൃശ്യങ്ങള് വിശകലനം ചെയ്താണ് ഈ വിലയിരുത്തല്.
ന്യൂഡല്ഹി: ദുബൈ എയര്ഷോയിലുണ്ടായ ദുരന്തത്തില് ഇന്ത്യയുടെ അഭിമാനമായ തേജസ് യുദ്ധവിമാനം തകര്ന്നുവീഴുന്നതിന് നിമിഷങ്ങള് മുമ്പ് പൈലറ്റ് വിങ് കമാന്ഡര് നമന്ഷ് ശ്യാല് രക്ഷപ്പെടാന് ശ്രമിച്ചിരുന്നുവെന്ന റിപ്പോര്ട്ടാണ് പുറത്തുവന്നിരിക്കുന്നത്. അപകടത്തിന്റെ പുതിയ ദൃശ്യങ്ങള് വിശകലനം ചെയ്താണ് ഈ വിലയിരുത്തല്.
വീഡിയോയില് 49 മുതല് 52 സെക്കന്ഡ് വരെയുള്ള ഭാഗത്ത്, വിമാനം നിലത്ത് ഇടിച്ച് പൊട്ടിത്തെറിക്കുന്ന സമയത്ത് പാരച്യൂട്ടിനോട് സാമ്യമുള്ള ഒരു വസ്തു കാണപ്പെടുന്നുവെന്ന് വിദഗ്ധര് പറയുന്നു. ഇത് പൈലറ്റിന്റെ അവസാന നിമിഷ ശ്രമത്തിന് തെളിവാകാമെന്നാണ് വിലയിരുത്തല്. എന്നാല് വിമാനം അതിവേഗത്തില് താഴേക്ക് പതിച്ചതിനാല് പൈലറ്റിന് പൂര്ണമായി പുറത്തേക്ക് എത്താന് കഴിഞ്ഞില്ലെന്നാണ് സൂചന.
അതേസമയം, വീരമൃത്യു വരിച്ച നമന്ഷ് ശ്യാലിന്റെ സംസ്കാരം ഇന്ന് ഹിമാചല് പ്രദേശിലെ നാട്ടില് ഔദ്യോഗിക ബഹുമതികളോടെ നടക്കും. സുലൂര് ബേസ് ക്യാമ്പില് നിന്ന് മൃതദേഹം ഇന്നലെ നാട്ടിലെത്തി. വ്യോമ അഭ്യാസത്തിന്റെ ദൃശ്യങ്ങള് യൂട്യൂബില് കാണുന്നതിനിടെയാണ് തേജസ് തകര്ന്നുവെന്ന വാര്ത്ത പിതാവിന് ലഭിച്ചത്.
എയര് ഷോ ആരംഭിക്കുന്നതിന് തൊട്ടുമുമ്പ് പ്രതിരോധ സഹമന്ത്രി സഞ്ജു സേത്ത്, ഇന്ത്യന് നയതന്ത്ര പ്രതിനിധി ദീപക് മിത്തല്, അഡീഷണല് സെക്രട്ടറി അസീം മഹാജന് എന്നിവരോടൊപ്പം നമന്ഷ് ശ്യാല് നില്ക്കുന്ന ദൃശ്യവും കഴിഞ്ഞ ദിവസം പുറത്തുവന്നിരുന്നു.
അപകടം പ്രാദേശിക സമയം 2.15ഓടെയാണ് നടന്നത്. സംഭവത്തെ കുറിച്ച് വ്യോമസേന നടത്തുന്ന അന്വേഷണം പുരോഗമിക്കുകയാണ്. വിമാനത്തിന്റെ ബ്ലാക്ക് ബോക്സ് കണ്ടെത്താന് ദുബൈ ഏവിയേഷന് വകുപ്പിന്റെ സഹായം തേടിയിട്ടുണ്ടെന്നാണ് റിപ്പോര്ട്ട്.
24 വര്ഷത്തെ വികസനശേഷം സേവനത്തില് എത്തിയ തേജസ് യുദ്ധവിമാനത്തിന്റെ രണ്ടാമത്തെ അപകടമാണ് ഇത്. കഴിഞ്ഞ വര്ഷം മാര്ച്ചില് ജയ്സാല്മീറില് നടന്ന അപകടമാണ് ആദ്യത്തേത്. എച്ച്.എ.എല്എ.ഡി.എ സംയുക്തമായി വികസിപ്പിച്ച, വിദേശ എന്ജിന് ഉപയോഗിക്കുന്നതായിട്ടും ഇന്ത്യയുടെ ആദ്യ തദ്ദേശീയ യുദ്ധവിമാനം എന്ന നിലയില് തേജസ് ശ്രദ്ധേയമാണ്.
-
india2 days agoബി.ജെ.പി ശിവസേന നേതാക്കളെയും പ്രവര്ത്തകരെയും ചാക്കിലാക്കാന് ശ്രമിക്കുന്നു; പരാതിയുമായി ഏക്നാഥ് ഷിന്ഡെ
-
GULF2 days agoദുബൈ എയര്ഷോയില് ഇന്ത്യന് ജെറ്റ് തകര്ന്നുവീണു; പൈലറ്റിന് ദാരുണാന്ത്യം
-
world20 hours agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala2 days agoവിവാഹ ദിവസം വധുവിന് വാഹനാപകടത്തില് പരിക്ക്; ആശുപത്രിയില് എത്തി താലികെട്ടി വരന്
-
india2 days agoകേന്ദ്ര സര്ക്കാര് സംസ്കൃതത്തിന് 2400 കോടി രൂപ അനുവദിച്ചപ്പോള് തമിഴിന് 150 കോടി രൂപ മാത്രമാണ് അനുവദിച്ചത്: ഉദയനിധി സ്റ്റാലിന്
-
kerala2 days agoപാലത്തായി കേസ്; പെൺകുട്ടിയെ മാനസികമായി പീഡിപ്പിച്ച കൗൺസലറെ സസ്പെൻഡ് ചെയ്തു
-
kerala2 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
kerala3 days agoശബരിമല സ്വര്ണ്ണക്കൊള്ളയ്ക്ക് പിണറായി ടച്ച് ഉണ്ട്; പങ്ക് പിണറായിക്കും പോയിട്ടുണ്ട്: കെ സുധാകരന്