ലൈംഗിക അപവാദ കേസില് മുന് മുഖ്യമന്ത്രിയും അന്തരിച്ച കോണ്ഗ്രസ് നേതാവുമായ ഉമ്മന്ചാണ്ടിയെ കുറ്റവിമുക്തമാക്കിയ സിബിഐ യുടെ കോടതി റിപ്പോര്ട്ട് ചര്ച്ച ചെയ്യാമെന്ന് മുഖ്യമന്ത്രി നിയമസഭയില് അറിയിച്ചു.
മാധ്യമങ്ങളിലൂടെ വന്ന ഊഹാപോഹങ്ങള് മാത്രമാണ് സര്ക്കാറിന് ഇതേപ്പറ്റി അറിയുന്നത്. അതിന്മേല് നടപടിയെടുക്കണമെന്ന് പറയുന്നത് യുക്തിക്ക് നിരക്കാത്തതാണ്. റിപ്പോര്ട്ട് രേഖാമൂലം സര്ക്കാരിന് കിട്ടിയാല് പരിശോധിച്ചു നിയമപദേശം തേടി മാത്രമേ അതിന്മേല് നിയമനടപടി തീരുമാനിക്കാനാകൂ. എങ്കിലും പത്രവാര്ത്തകളുടെ അടിസ്ഥാനത്തില് പ്രതിപക്ഷ അംഗങ്ങളുടെ ആവശ്യത്തിന്മേല് നിയമസഭയില് ചര്ച്ച ആവാമെന്ന് പിണറായി വിജയന് സഭയെ അറിയിച്ചു .ഉച്ചയ്ക്ക് ഒരു മണിക്ക് ശേഷം വിഷയത്തില് ചര്ച്ച നടക്കും.