ഇടുക്കിയില് ഒരു കുടുംബത്തിലെ നാല് പേരെ മരിച്ച നിലയില് കണ്ടെത്തി. ഉപ്പുതറ ഒമ്പതേക്കറില് പട്ടത്തമ്പലം സ്വദേശി സജീവ് മോഹനന്, ഭാര്യ രേഷ്മ, മകന് ദേവന് (6), മകള് ദിയ (4) എന്നിവരെയാണ് മരിച്ച നിലയില് കണ്ടെത്തിയത്. വീടിനുള്ളില് തൂങ്ങിയ നിലയിലാണ് മൃതദേഹം കണ്ടെത്തിയത്.
സാമ്പത്തിക ബുദ്ധിമുട്ടിനെത്തുടര്ന്ന് കുടുംബം ജീവനൊടുക്കിയതായാണ് പൊലീസിന്റെ പ്രാഥമിക നിഗമനം. കുടുംബത്തെ പുറത്തു കാണാത്തതിനെ തുടര്ന്ന് അന്വേഷിച്ചിരുന്നതായി നാട്ടുകാര് പറഞ്ഞു. സജീവ് മോഹനന് ഓട്ടോറിക്ഷ ഡ്രൈവറാണ്.