സി.പി.ഐ നേതാവിന്റെ റേഷന് കടയില് പരിശോധന നടത്തി കണ്ടെത്തിയ വനിത താലൂക്ക് സപ്ലൈ ഓഫിസറെ വയനാട്ടിലേക്ക് സ്ഥലംമാറ്റി. കുന്നത്തൂര് ടി.എസ്.ഒ സുജ ഡാനിയേലിനെയാണ് സ്ഥലംമാറ്റിയത്. മാര്ച്ച് 10ന് സംസ്ഥാന ഭക്ഷ്യ കമ്മീഷന് കിട്ടിയ പരാതിയുടെ അടിസ്ഥാനത്തിലാണ് കുന്നത്തൂരിലെ റേഷന്കടയില് പരിശേധന നടത്താന് താലൂക്ക് സപ്ലൈ ഓഫിസറോട് നിര്ദേഷിച്ചത്. മാര്ച്ച് 13ന് സി.പി.ഐ നേതാവ് പിജി പ്രിയന് കുമാര് നടത്തുന്ന റേഷന് കടയില് പരിശോധന നടത്തി ക്രമക്കേട് കണ്ടെത്തി.
സി.പി.ഐ സംഘടനയായ കേരള റേഷന് എംപ്ലോയീസ് ഫെഡറേഷന് സംസ്ഥാന ജനറല് സെക്രട്ടറിയാണ് പ്രിയന് കുമാര്. അരി ഉള്പ്പടെ 21 ക്വിന്റല് ധാന്യത്തിന്റെ വ്യത്യാസമാണ് പരിശോധനയില് കണ്ടെത്തിയത്.