പാലക്കാട് കാര് കത്തി ഒരാള് മരിച്ചു. വൈകുന്നേരം നാല് മണിയോടെയാണ് ധോണിയിലെ റോഡരികില് നിര്ത്തിയിട്ട കാര് കത്തുന്നത് കണ്ടത്. തുടര്ന്ന് നാട്ടുകാരും അഗ്നിരക്ഷാസേനയുമെത്തി തീ അണച്ചപ്പോഴാണ് കാറില് മൃതദേഹം കണ്ടത്.
മുണ്ടൂര് വേലിക്കാട് സ്വദേശി പോള് ജോസഫിന്റേതാണ് കാര്. സംഭവം ആത്മഹത്യയാണോ എന്നാണ് സംശയം. തീപിടിത്തത്തില് കാര് പൂര്ണമായി കത്തിനശിച്ചു. കാര് ഉടമയുടേതാണ് മൃതദേഹം എന്നാണ് പൊലീസ് നിഗമനം.