ഡൽഹിയിൽ ഭൂചലനം. റിക്ടർ സ്കെയിലിൽ 6.2 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. നേപ്പാളാണ് ഭൂചലനത്തിന്റെ പ്രഭവ കേന്ദ്രം. പലയിടത്തും ഒരേസമയം പ്രകമ്പനമുണ്ടായി.നേപ്പാളിൽ രണ്ട് ഭൂചലനങ്ങൾക്ക് ശേഷം ഡൽഹിയിൽ ഇന്ന് വൻ ഭൂചലനം അനുഭവപ്പെട്ടു – ഒന്ന് റിക്ടർ സ്കെയിലിൽ 4.6 ഉം മറ്റൊന്ന് 6.2 ഉം. ഉച്ചയ്ക്ക് 2:25 ന് നേപ്പാളിൽ ആദ്യത്തെ ഭൂചലനം ഉണ്ടായപ്പോൾ 2:51 ന് രണ്ടാമത്തെ ഭൂചലനം ഉണ്ടായി.ഡൽഹിയിലും ദേശീയ തലസ്ഥാന മേഖലയുടെ (എൻസിആർ) മറ്റ് ഭാഗങ്ങളിലും ഭൂചലനം അനുഭവപ്പെട്ടു. ഉത്തർപ്രദേശിലെ ലഖ്നൗ, ഹാപൂർ, അംറോഹ എന്നിവിടങ്ങളിലും ഭൂചലനം അനുഭവപ്പെട്ടതായി റിപ്പോർട്ടുകളുണ്ട്. നേപ്പാളിൽ ഉണ്ടായ ഭൂചലനത്തെ തുടർന്ന് ഉത്തരാഖണ്ഡിന്റെ ചില ഭാഗങ്ങളിലും ഭൂചലനം അനുഭവപ്പെട്ടു.