കോഴിക്കോട്: വടകരയില് ഒമ്പതുവയസുകാരി ദൃഷാന വാഹനം ഇടിച്ച് കോമയിലായ സംഭവത്തില് പ്രതി ഷജീലിന് മുന്കൂര് ജാമ്യമില്ല. പ്രോസിക്യൂഷന്റെ വാദങ്ങള് കോടതി അംഗികരിച്ചു. കോഴിക്കോട് പ്രിന്സിപ്പല് സെഷന്സ് കോടതിയാണ് മുന്കൂര് ജാമ്യാപേക്ഷ തള്ളിയത്.
കഴിഞ്ഞ ഫെബ്രുവരി 17നാണ് കേസിനാസ്പദമായ സംഭവം. ചോറോട് വച്ച് ഷജീല് ഓടിച്ച കാര് ഇടിച്ച് 62 വയസുകാരി മരിക്കുകയും ദൃഷാന എന്ന പെണ്കുട്ടി കോമയിലാവുകയുമായിരുന്നു. പുറമേരി സ്വദേശിയാണു ഷജീല്. ഇയാള്ക്കെതിരെ മനഃപൂര്വമല്ലാത്ത നരഹത്യയാണു ചുമത്തിയത്. അപകടത്തിനുശേഷം ഷജീല് ഇന്ഷുറന്സ് ക്ലെയിം എടുത്തതാണ് കേസില് വഴിത്തിരിവായത്. മതിലില് ഇടിച്ചു കാര് തകര്ന്നെന്നു പറഞ്ഞായിരുന്നു ഇന്ഷുറന്സ് നേടിയത്. പ്രോസിക്യൂഷന്റെ വാദങ്ങള് കോടതി അംഗികരിച്ചുഅപകടത്തില് 62 വയസുകാരി മരിക്കുകയും