സംസ്ഥാനത്ത് വീണ്ടും കാട്ടാനക്കൊല. കണ്ണൂരില് ആറളം ഫാമില് ആദിവാസി ദമ്പതികളെ കാട്ടാന ചവിട്ടിക്കൊന്നു. കശുവണ്ടി ശേഖരിക്കാന് പോയ വെള്ളി (70), ഭാര്യ ലീല (68) എന്നിവരാണ് കൊല്ലപ്പെട്ടത്. പതിമൂന്നാം ബ്ലോക്കിലാണ് സംഭവമുണ്ടായത്.
ഇന്ന് രാവിലെയായിരുന്നു ദമ്പതികള് കശുവണ്ടി ശേഖരിക്കുന്നതിനായി പതിമൂന്നാം ബ്ലോക്കിലെ ഇവരുടെ ഭൂമിയിലേക്ക് പോയത്. ഇവരെ കാണാതായതിനെ തുടര്ന്ന് ഉച്ചയ്ക്ക് ശേഷം നടത്തിയ തിരച്ചിലിലാണ് ഇരുവരുടെയും മൃതദേഹം കണ്ടെത്തിയത്.