ലോക്സഭാ തെരഞ്ഞെടുപ്പ് പ്രചാരണത്തിനിടെ വടകര അഴിയൂരില് ആര്.എം.പി.ഐ പ്രവര്ത്തകരെ മര്ദിച്ച് സി.പി.എം. ആക്രമണത്തില് രണ്ട് ആര്.എം.പി.ഐ പ്രവര്ത്തകര്ക്ക് പരിക്കേറ്റു. ഡി.വൈ.എഫ്.ഐ-സി.പി.എം പ്രവര്ത്തകര് സംഘടിച്ചെത്തി ആക്രമിക്കുകയായിരുന്നുവെന്ന് ആര്.എം.പി.ഐ നേതാക്കള് ആരോപിച്ചു.
റവല്യുഷനറി യൂത്ത് ഒഞ്ചിയം ബ്ലോക്ക് കമ്മിറ്റി അംഗം റോഷിന്, മേഖലാ കമ്മിറ്റി അംഗം രതുന് എന്നിവര്ക്കാണ് പരിക്കേറ്റത്. ഒരാളുടെ തലയ്ക്കാണ് പരിക്കുള്ളത്. ഇവര് വടകരയിലെ സ്വകാര്യ ആശുപത്രിയില് ചികിത്സയിലാണ്. പോസ്റ്റര് ഒട്ടിക്കുന്നതുമായി ബന്ധപ്പെട്ട തര്ക്കമാണ് സംഘര്ഷത്തില് കലാശിച്ചതെന്നാണ് റിപ്പോര്ട്ട്.
സംഭവത്തില് എട്ടുപേര്ക്കെതിരെ ചോമ്പാല പൊലീസ് കേസെടുത്തു.