ഉത്തര്പ്രദേശില് ട്രൈസെറാടോപ്പ്സ് വിഭാഗത്തിലെ ദിനോസറിന്റെതെന്ന് കരുതപ്പെടുന്ന ഫോസില് ഭാഗങ്ങള് കണ്ടെത്തി. സഹറന്പൂര് ജില്ലയിലെ സഹന്സറ നദീതീരത്താണ് ദശലക്ഷക്കണക്കിന് വര്ഷങ്ങള് പഴക്കമുള്ള ഫോസിലുകള് കണ്ടെടുത്തത്.
മൂന്ന് കൊമ്പുകളുള്ള ദിനോസര് വിഭാഗമായ ട്രൈസെറാടോപ്പ്സിന്റെ മൂക്കിന്റെ ഭാഗമാണ് കണ്ടെത്തിയതെന്ന് നാച്ചുറല് ഹിസ്റ്ററി ആന്ഡ് കണ്സര്വേഷന് സെന്ററിന്റെ സ്ഥാപകന് മുഹമ്മദ് ഉമര് സെയ്ഫ് പറഞ്ഞു.
100.5 ദശലക്ഷം വര്ഷങ്ങള്ക്കും 66 ദശലക്ഷം വര്ഷങ്ങള്ക്കും ഇടയിലുള്ള അവസാന ക്രിറ്റേഷ്യസ് കാലഘട്ടത്തിലാണ് െ്രെടസെറാടോപ്പ്സുകള് ജീവിച്ചിരുന്നത്. ദശലക്ഷക്കണക്കിന് വര്ഷങ്ങള് പഴക്കമുള്ള നിരവധി ഫോസിലുകള് സമീപ വര്ഷങ്ങളില് ഈ പ്രദേശത്ത് നിന്ന് ഖനനം ചെയ്തതെടുത്തിട്ടുണ്ട്.