സംസ്ഥാനത്ത് സ്വര്ണവിലയില് വീണ്ടും വര്ധന. ഇന്ന് പവന് 360 രൂപ ഉയര്ന്ന് 1,12,080 രൂപയായി. ഗ്രാമിന് 45 രൂപ വര്ധിച്ച് 14,010 രൂപയുമായി. ഇന്നലെ രാവിലെ സ്വര്ണവില വര്ധിച്ചിരുന്നു. എന്നാല് വൈകീട്ടോടെ തിരിച്ചിറങ്ങിയിരുന്നു. ആഗോള വിപണിയില് ട്രോയ് ഔണ്സിന് 4748 ഡോളര് എന്ന നിലയിലാണ് സ്വര്ണം വ്യാപാരം തുടരുന്നത്. വെള്ളി 75.99 ഡോളര് എന്ന നിലയിലുമാണ്. പശ്ചിമേഷ്യയിലെ സംഘര്ഷ സാഹചര്യത്തില് ആഗോള സ്വര്ണവിലയിലുണ്ടാകുന്ന ചാഞ്ചാട്ടമാണ് കേരളത്തിലെയും വിലയെ സ്വാധീനിക്കുന്നത്. യുദ്ധത്തിന്റെ പശ്ചാത്തലത്തില് സ്വര്ണത്തിന് കന്ത്ത് ഇടിവ് നേരിട്ടിരുന്നു. എന്നാല് വെടിനിര്ത്തല് പ്രഖ്യാപനത്തോടെ വില വീണ്ടും ഉയരുകയായിരുന്നു. യുദ്ധത്തോടെ അസംസ്കൃത എണ്ണവിലയിലുണ്ടായ വന് വര്ധനവും ഡോളര് ശക്തിപ്പെട്ടതുമാണ് സ്വര്ണത്തിന്റെ വിലയിടിച്ചത്.