വളാഞ്ചേരി: കാലിക്കറ്റ് യൂണിവേഴ്സിറ്റി ഇൻ്റർസോൺ കലോത്സവം ഫെബ്രുവരി 22 മുതൽ 26 വരെ വളാഞ്ചേരി പുറമണ്ണൂർ മജ്ലിസ് ആർട്സ് & സയൻസ് കോളേജിൽ വെച്ച് നടത്തപ്പെടും. തൃശൂർ, പാലക്കാട്, മലപ്പുറം, കോഴിക്കോട്, വയനാട് എന്നീ അഞ്ച് ജില്ലകളിൽ നിന്നായി അയ്യായിരത്തോളം കലാ പ്രതിഭകളാണ് കലോത്സവത്തിൽ മാറ്റുരക്കുന്നത്. നേരത്തെ ജില്ലാ അടിസ്ഥാനത്തിൽ നടന്ന എ, ബി, സി, ഡി, എഫ് എന്നീ സോണൽ കലോത്സവങ്ങളിൽ നിന്നും ഒന്ന്, രണ്ട് സ്ഥാനക്കാരും അപ്പീൽ മുഖേന എത്തിയവരുമാണ് ഇൻ്റർസോൺ കലോത്സവത്തിന് യോഗ്യരായി മത്സരത്തിൽ പങ്കെടുക്കുന്നത്. കലോത്സവത്തിന്റെ ഒരുക്കങ്ങൾ മജ്ലിസ് കോളേജിൽ പുരോഗമിച്ചു കൊണ്ടിരിക്കുകയാണ്.
കലോത്സവത്തിൻ്റെ സ്വാഗതസംഘം ഓഫീസ് ഉദ്ഘാടനം പെരിന്തൽമണ്ണ നിയോജക മണ്ഡലം എം.എൽ.എ നജീബ് കാന്തപുരം നിർവ്വഹിച്ചു. ചടങ്ങിൽ അഡ്വ: എ.എം.രോഹിത്ത്, റിയാസ് മുക്കോളി എന്നിവർ മുഖ്യാതിഥികളായി. കോളേജ് പ്രിൻസിപ്പാൾ ഡോ: കെ.കെ.മുഹമ്മദ്കുട്ടി, യൂണിവേഴ്സിറ്റി സിണ്ടിക്കേറ്റ് മെമ്പർമാരായ സി.പി.ഹംസ ഹാജി, ടി.ജെ.മാർട്ടിൻ, മധു രാമനാട്ടുകര, യൂണിവേഴ്സിറ്റി യൂണിയൻ ചെയർപേഴ്സൺ നിതിൻ ഫാത്തിമ, ജനറൽ സെക്രട്ടറി സഫ്വാൻ പത്തിൽ, പി.കെ.അർഷാദ്, പി.കെ.മുബഷിർ, സലീം കുരുവമ്പലം, കെ.എം.അബ്ദുറഹ്മാൻ, അഷ്റഫ് അമ്പലത്തിങ്ങൽ, പി.സി.എ.നൂർ, ഷഹാനാസ് മാസ്റ്റർ, വിനു പുല്ലാനൂർ, മൊയ്തു മാസ്റ്റർ, അഷ്ഹർ പെരുമുക്ക്, ഷറഫുദ്ധീൻ പിലാക്കൽ, അഖിൽ കുമാർ ആനക്കയം, ആദിൽ കെ.കെ.ബി, കബീർ മുതുപറമ്പ്, വി.എ.വഹാബ്, പി.കെ.എം.ഷഫീഖ്, ബദരിയ്യ മുനീർ, സമീർ എടയൂർ, അസൈനാർ നെല്ലിശ്ശേരി, അമീൻ റാഷിദ്, ജലീൽ കാടാമ്പുഴ, എ.വി.നബീൽ, റാഷിദ് കോക്കൂർ, നിയാസ് കോഡൂർ, ശരത് മേനോക്കി, ഫർഹാൻ ബിയ്യം, ഉവൈസ് പൊന്നാനി, അഡ്വ: ഒ.പി.റഊഫ്, സിദ്ധീഖ് പാലറ, പി.ഷമീം മാസ്റ്റർ, അഡ്വ: പി.പി.ഹമീദ്, ആഷിഖ് പുറമണ്ണൂർ, ഹക്കീം പൈങ്കണ്ണൂർ, ജംഷീദ് എടയൂർ, ശിഹാബ് എടയൂർ, അബ്ബാസ് മൂർക്കനാട്, അയ്യൂബ് ഇരിമ്പിളിയം, യൂനുസ് ഇരിമ്പിളിയം, സി.സി.മുനീർ, റിയാസ് എടയൂർ, ഷഹീൻ കോട്ടപ്പുറം, റിസ്സാൻ പയ്യോളി, ഇംത്യാസ് എടപ്പാൾ, ഹാഷിം ജമാൻ, കോളേജ് യൂണിയൻ ഭാരവാഹികൾ, മറ്റു അദ്ധ്യാപക-അനദ്ധ്യാപക, വിദ്യാർത്ഥി പ്രതിനിധികൾ എന്നിവർ പങ്കെടുത്തു.