2023 ലെ മൂന്നാം കേരള ബഡ്ജറ്റിലും ക്ഷേമ പെന്ഷനില് വര്ധനയില്ല. സംസ്ഥാനത്ത് 62 ലക്ഷം പേര്ക്കു 1600 രൂപ നിരക്കില് പെന്ഷന് നല്കുന്നുണ്ടെന്നും ഇതു തുടരണമെന്നുമാണ് ബജറ്റ് പ്രസംഗത്തില് ധനമന്ത്രി പറഞ്ഞത്. അനര്ഹരെ പെന്ഷന് വാങ്ങുന്നവരില് നിന്ന് ഒഴിവാക്കുമെന്നും മന്ത്രി അറിയിച്ചു. സാമൂഹ്യ ക്ഷേമ പെന്ഷന് നല്കുന്നതിനായി സര്ക്കാര് രൂപീകരിച്ച കേരള സോഷ്യല് സെക്യൂരിറ്റി പെന്ഷന് ലിമിറ്റഡ് നടക്കുന്ന താല്ക്കാലിക കടമെടുപ്പ് സര്ക്കാരിന്റെ പൊതു കടമായി കേന്ദ്ര സര്ക്കാര് കണക്കാക്കുകയാണെന്ന് മന്ത്രി പറഞ്ഞു. ഇത് സര്ക്കാരിന്റെ അനുവദനീയ കടമെടുപ്പു പരിധിയില് കുറവു വരുത്തുന്നുണ്ട്.