kerala
ലോക്സഭാ തിരഞ്ഞെടുപ്പ്: ജില്ലാ അതിര്ത്തികളില് കര്ശന പരിശോധന; എല്ലാ ബേങ്കുകളിലെയും സംശയകരമായ ഇടപാടുകള് ഉള്പ്പെടെ നിരീക്ഷിക്കും
. മലപ്പുറം, എറണാകുളം, ആലപ്പുഴ, കോട്ടയം, തൃശൂർ, പാലക്കാട് ജില്ലകളിലെ തിരഞ്ഞെടുപ്പ് ഒരുക്കങ്ങള് വിലയിരുത്തുന്നതിനായി എറണാകുളത്ത് ചേർന്ന യോഗത്തില് സംസാരിക്കുകയായിരുന്നു അദ്ദേഹം.

ലോക്സഭാ തിരഞ്ഞെടുപ്പിനോട് അനുബന്ധിച്ച് അനധികൃത പണമിടപാട് കർശനമായി നിരീക്ഷിക്കാനും നടപടികള് സ്വീകരിക്കാനും സംസ്ഥാന മുഖ്യ തിരഞ്ഞെടുപ്പ് ഓഫീസർ സഞ്ജയ് കൗള് ജില്ലാ വരണാധികാരികള്ക്ക് നിർദേശം നല്കി. മലപ്പുറം, എറണാകുളം, ആലപ്പുഴ, കോട്ടയം, തൃശൂർ, പാലക്കാട് ജില്ലകളിലെ തിരഞ്ഞെടുപ്പ് ഒരുക്കങ്ങള് വിലയിരുത്തുന്നതിനായി എറണാകുളത്ത് ചേർന്ന യോഗത്തില് സംസാരിക്കുകയായിരുന്നു അദ്ദേഹം.
എല്ലാ ബേങ്കുകളിലെയും സംശയകരമായ ഇടപാടുകള് ഉള്പ്പെടെ നിരീക്ഷിക്കും. ആദായ നികുതി വകുപ്പ് പ്രത്യേക കണ്ട്രോള് റൂം സജ്ജമാക്കിയിട്ടുണ്ട്. അയല് സംസ്ഥാനങ്ങളുമായി അതിർത്തി പങ്കിടുന്ന ജില്ലകളിലും ജില്ലാ അതിർത്തികളിലും കർശന പരിശോധന ആവശ്യമാണ്. ചെക്പോസ്റ്റുകളില് സി സി ടി വി നിരീക്ഷണം കൂടുതല് ശക്തമാക്കും. വിവിധ എൻഫോഴ്സ്മെന്റ് ഏജൻസികളുടെ സംസ്ഥാന നോഡല് ഓഫീസർമാർ തിരഞ്ഞെടുപ്പുമായി ബന്ധപ്പെട്ട് സ്വീകരിക്കുന്ന നടപടികള് യോഗത്തില് വിശദീകരിച്ചു.
പരാതിരഹിതമായി തിരഞ്ഞെടുപ്പ് പ്രക്രിയ പൂർത്തിയാക്കണമെന്നും വോട്ടെടുപ്പില് മുതിർന്ന പൗരമാർക്ക് പ്രധാന പരിഗണന നല്കണമെന്നും മുഖ്യതിരഞ്ഞെടുപ്പ് ഓഫീസർ നിർദേശിച്ചു. കുട്ടികളെ ഒരു കാരണവശാലും പ്രചാരണത്തിന് ഉപയോഗിക്കരുത്. ചാനലുകളുടെ നേതൃത്വത്തില് പൊതുസ്ഥലങ്ങളില് നടത്തുന്ന തിരഞ്ഞെടുപ്പ് സംവാദ പരിപാടികള്ക്ക് നിർബന്ധമായും മുൻകൂർ അനുമതി വാങ്ങണം. ചില സ്ഥലങ്ങളില് സംഘർഷമുണ്ടായ സാഹചര്യത്തിലാണിതെന്നും അദ്ദേഹം കൂട്ടിച്ചേർത്തു.
kerala
കൊല്ലത്ത് വിദ്യാര്ഥി ഷോക്കേറ്റ് മരിച്ച സംഭവം: സ്വമേധയാ കേസെടുത്ത് ബാലാവകാശ കമീഷന്
സംഭവത്തില് അടിയന്തര റിപ്പോര്ട്ട് സമര്പ്പിക്കാന് കമീഷന് ആവശ്യപ്പെട്ടു.

കൊല്ലം തേവലക്കര ബോയ്സ് ഹൈസ്കൂളില് എട്ടാം ക്ലാസ് വിദ്യാര്ഥി ഷോക്കേറ്റ് മരിച്ച സംഭവത്തില് സ്വമേധയാ കേസെടുത്ത് സംസ്ഥാന ബാലാവകാശ കമീഷന്. സംഭവത്തില് അടിയന്തര റിപ്പോര്ട്ട് സമര്പ്പിക്കാന് കമീഷന് ആവശ്യപ്പെട്ടു.
വിദ്യാര്ഥി ഷോക്കേറ്റ് മരിച്ച സംഭവത്തില് പൊതുവിദ്യാഭ്യാസ മന്ത്രി വി. ശിവന്കുട്ടിയും റിപ്പോര്ട്ട് തേടി. പൊതുവിദ്യാഭ്യാസ ഡയറക്ടര്ക്കാണ് സംഭവം അന്വേഷിച്ച് അടിയന്തരമായി റിപ്പോര്ട്ട് നല്കാന് നിര്ദേശം നല്കിയത്. കൊല്ലം ജില്ലയിലെ ഉന്നത വിദ്യാഭ്യാസ ഓഫിസര്മാരോട് ആവശ്യമായ ക്രമീകരണങ്ങള് ഏര്പ്പെടുത്താനും മന്ത്രി നിര്ദേശം നല്കിയിട്ടുണ്ട്.
അതേസമയം, സംഭവത്തില് വിശദ അന്വേഷണം നടത്തി അടിയന്തരമായി റിപ്പോര്ട്ട് സമര്പ്പിക്കാന് വൈദ്യുതി മന്ത്രി കെ. കൃഷ്ണന്കുട്ടി നിര്ദേശം നല്കിയിട്ടുണ്ട്. കൊല്ലം ഇലക്ട്രിക്കല് സര്ക്കിള് ഡെപ്യൂട്ടി ചീഫ് എഞ്ചിനീയര്ക്കും ചീഫ് ഇലക്ട്രിക്കല് ഇന്സ്പെക്റ്റര്ക്കുമാണ് മന്ത്രി നിര്ദേശം നല്കിയത്. സ്കൂള് കെട്ടിടത്തോട് ചേര്ന്ന നിര്മിച്ച സൈക്കിള് ഷെഡിന് മുകളിലൂടെയാണ് വൈദ്യുതി ലൈന് കടന്നു പോകുന്നത്.
അപകടസാധ്യത സ്കൂളിനെ അറിയിച്ചിരുന്നുവെന്ന് കെ.എസ്.ഇ.ബി വ്യക്തമാക്കി.
ഇന്ന് രാവിലെ ഒമ്പതരയോടെ കൊല്ലം തേവലക്കര കോവൂര് ബോയ്സ് ഹൈസ്കൂളിലെ എട്ടാം ക്ലാസ് വിദ്യാര്ഥി മിഥുന് (13) ഷോക്കേറ്റ് മരിച്ചത്. കളിച്ച് കൊണ്ട് നില്ക്കെ സ്കൂള് സൈക്കിള് ഷെഡിന് മുകളില് വീണ ചെരുപ്പ് എടുക്കാന് കയറിപ്പോഴാണ് അപകടം.
kerala
സ്കൂളില് വിദ്യാര്ത്ഥി ഷോക്കേറ്റ് മരിച്ച സംഭവം: അസ്വാഭാവിക മരണത്തിന് പൊലീസ് കേസെടുത്തു
അപകടത്തിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്.

കൊല്ലം തേവലക്കര ബോയ്സ് സ്കൂളില് വിദ്യാര്ത്ഥി ഷോക്കേറ്റ് മരിച്ച സംഭവത്തില് അസ്വാഭാവിക മരണത്തിന് പൊലീസ് കേസെടുത്തു. ശാസ്താംകോട്ട പൊലീസാണ് കേസെടുത്തത്. അപകടത്തിന്റെ സിസിടിവി ദൃശ്യങ്ങളും പുറത്ത് വന്നിട്ടുണ്ട്.
കുറ്റക്കാര്ക്കെതിരെ കര്ശന നടപടിയെടുക്കുമെന്ന് വിദ്യാഭ്യാസ മന്ത്രി വി.ശിവന്കുട്ടി പറഞ്ഞു. വൈദ്യുതി ലൈന് സ്കൂളിന് മുകളിലൂടെ പോകുന്നുണ്ടെങ്കില് എങ്ങിനെ ഫിറ്റ്നസ് സര്ട്ടിഫിക്കറ്റ് ലഭിക്കുമെന്നും അപകടത്തെക്കുറിച്ച് പൊതുവിദ്യാഭ്യാസ ഡയറക്ടറോട് ആവശ്യപ്പെട്ടിട്ടുണ്ട്.
ഹെഡ് മാസ്റ്റര്ക്കും പ്രിന്സിപ്പലിനും എന്താണ് പണിയെന്നായിരുന്നു വിദ്യാഭ്യാസ മന്ത്രി നേരത്തെ പ്രതികരിച്ചത്. ഇലക്ട്രിക് ലൈന് പോകുന്നത് അധ്യാപകണ്ടില്ലേയെന്നും അനാസ്ഥ കണ്ടെത്തിയാല് കര്ശന നടപടിയെടുക്കുമെന്നും മന്ത്രി നേരത്തെ പറഞ്ഞിരുന്നു.
കൊല്ലം ഡെപ്യൂട്ടി ചീഫ് എന്ജിനീയറോട് വൈദ്യുതി മന്ത്രി കെ.കൃഷ്ണന്കുട്ടിയും റിപ്പോര്ട്ട് തേടിയിട്ടുണ്ട്. സംഭവത്തിന് പിന്നാലെ ഡിഇഒയുടെ നേതൃത്വത്തില് സ്കൂളില് യോഗം ചേര്ന്നു. കുറ്റക്കാര്ക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു.
ഇന്ന് രാവിലെയാണ് എട്ടാം ക്ലാസ് വിദ്യാര്ഥിയായ മിഥുന്(13) ഷോക്കേറ്റ് മരിച്ചത്. സ്കൂള് കെട്ടിടത്തിന് മുകളില് വീണ ചെരിപ്പെടുക്കാന് ശ്രമിക്കുമ്പോഴാണ് വിദ്യാര്ഥിക്ക് ഷോക്കേറ്റത്. വൈദ്യുതിലൈന് താഴ്ന്നു കിടക്കുന്നെന്ന് നാട്ടുകാര് പലവട്ടം പരാതി പറഞ്ഞിട്ടും കെഎസ്ഇബി തിരിഞ്ഞുനോക്കിയില്ലെന്ന് ആരോപണമുണ്ട്.
kerala
സിലബസില് വേടന്റെ പാട്ടുണ്ടാകും; വിദഗ്ധ സമിതിയുടെ പഠനത്തിന് നിയമ സാധുതയില്ല: എംഎസ് അജിത്
കാലിക്കറ്റ് സര്വ്വകലാശാല ബിഎ മൂന്നാം സെമസ്റ്റര് സിലബസില് വേടന്റെ പാട്ട് ഉള്പ്പെടുത്തിയ സംഭവത്തില് പ്രതികരണവുമായി മലയാളം യു ജി ബോര്ഡ് ചെയര്മാന് എംഎസ് അജിത്.

കാലിക്കറ്റ് സര്വ്വകലാശാല ബിഎ മൂന്നാം സെമസ്റ്റര് സിലബസില് വേടന്റെ പാട്ട് ഉള്പ്പെടുത്തിയ സംഭവത്തില് പ്രതികരണവുമായി മലയാളം യു ജി ബോര്ഡ് ചെയര്മാന് എംഎസ് അജിത്. സിലബസിനെക്കുറിച്ച് പരാതിയുണ്ടെങ്കില് ഭാഷാ വിഭാഗം ഡീനും പിന്നീട് അക്കാദമിക് കൗണ്സിലും പഠിച്ച് തിരുത്തുകയാണ് ചെയ്യേണ്ടതെന്നും പാദഭാഗവുമായി മുന്നോട്ട് പോകുമെന്നും എം എസ് അജിത് പറഞ്ഞു.
പുറത്ത് നിന്ന് ഒരാള്ക്കും പരാതിയെക്കുറിച്ച് പഠിക്കാനാകില്ലെന്നും വൈസ് ചാന്സലര് അംഗീകരിച്ച സിലബസ് ആണ് മലയാളം യുജി ബോര്ഡിന്റേതെന്നും അജിത് പറഞ്ഞു.
സര്വ്വകലാശാല ബിഎ മൂന്നാം സെമസ്റ്റര് മലയാളം സിലബസില് നിന്നും വേടന്റേയും ഗൗരിലക്ഷ്മിയുടേയും പാട്ടുകള് ഒഴിവാക്കാനായിരുന്നു വൈസ് ചാന്സലര് നിയോഗിച്ച വിദഗ്ധ സമിതിയുടെ ശുപാര്ശ. മലയാളം വിഭാഗം മുന് മേധാവി ഡോ. എം എം ബഷീര് ആണ് പഠനം നടത്തി വൈസ് ചാന്സലര്ക്ക് റിപ്പോര്ട്ട് സമര്പ്പിച്ചത്. റാപ് ജനപ്രിയ സംഗീതമായി അംഗീകരിക്കാന് കഴിയില്ലെന്ന് ചൂണ്ടിക്കാട്ടിയാണ് വേടന്റെ പാട്ട് പിന്വലിക്കാന് ശുപാര്ശ ചെയ്തത്.
ഗൗരി ലക്ഷ്മിയുടെ ‘അജിത ഹരേ’ എന്ന പാട്ട് കഥകളി സംഗീതവുമായി താരതമ്യപഠനം നടത്താനാണ് നിര്ദേശിച്ചിരിക്കുന്നത്. എന്നാല് ബി എ മലയാളം പഠിക്കാന് എത്തുന്ന വിദ്യാര്ത്ഥികള്ക്ക് ഇതിന്റെ അടിസ്ഥാന കാര്യങ്ങളില് പോലും ധാരണയുണ്ടാവില്ലെന്നും ഇത്തരം താരതമ്യപഠനം കഠിനമായിരിക്കുമെന്നും ചൂണ്ടിക്കാട്ടിയാണ് പാട്ട് പിന്വലിക്കാന് ശുപാര്ശ ചെയ്തത്.
-
india3 days ago
നിമിഷ പ്രിയയുടെ മോചനം; കാന്തപുരം മുസ്ലിയാരുടെ ഇടപെടലില് യെമനില് അടിയന്തര യോഗം
-
kerala2 days ago
എഴുത്തുകാരി വിനീത കുട്ടഞ്ചേരി തൂങ്ങി മരിച്ച നിലയില്
-
india2 days ago
നിമിഷപ്രിയ കേസ്; ‘വിഷയത്തില് ഇടപെട്ടത് ഒരു മനുഷ്യന് എന്ന നിലക്ക്’: കാന്തപുരം
-
Film3 days ago
സ്റ്റണ്ട് മാസ്റ്റര് എസ്. എം രാജുവിന്റെ മരണം: സംവിധായകന് പാ രഞ്ജിത്തിനെതിരെ കേസ്
-
kerala2 days ago
നിപ; സംസ്ഥാനത്ത് 675 പേര് സമ്പര്ക്ക പട്ടികയില്
-
Film2 days ago
സുരേഷ് ഗോപി ചിത്രം “ജെ എസ് കെ- ജാനകി വി vs സ്റ്റേറ്റ് ഓഫ് കേരള” ട്രെയ്ലർ പുറത്ത്; റിലീസ് ജൂലൈ 17ന്
-
News2 days ago
സമൂസ, ജിലേബി, ലഡു എന്നിവയില് മുന്നറിയിപ്പ് ലേബലുകളില്ല; ഉപദേശങ്ങളുള്ള ബോര്ഡുകള് മാത്രം: ആരോഗ്യ മന്ത്രാലയം
-
india2 days ago
കോളേജില് വിദ്യാര്ത്ഥിനിയെ പീഡിപ്പിച്ചു; ബെംഗളൂരുവില് 2 അധ്യാപകരടക്കം 3 പേര് അറസ്റ്റില്