തൃപ്പൂണിത്തുറയില് പുതിയകാവ് വടക്കപുറം കരയോഗത്തിന്റെ ഊരക്കാട്ടുള്ള പടക്കപ്പുരയ്ക്കു തീപിടിച്ചുണ്ടായ സ്ഫോടത്തില് ഒരു മരണം. പടക്കശാല ജീവനക്കാരനായ തിരുവനന്തപുരം ഉള്ളൂര് സ്വദേശി വിഷ്ണു ആണ് മരിച്ചത്. 16 പേര്ക്ക് പരിക്കേറ്റു.
ജനസാന്ദ്രതയുള്ള പ്രദേശമാണ് ഇതെന്നതിനാല് അപകടത്തിന്റെ വ്യാപ്തി വര്ദ്ധിച്ചേക്കാമെന്നാണ് ആശങ്ക. ഉത്സവത്തോടനുബന്ധിച്ച് വര്ഷങ്ങളായി ഈ പ്രദേശത്ത് വെടിക്കെട്ട് നടക്കുന്നതാണ്. 25 വീടുകള് പൂര്ണമായോ ഭാഗികമായോ തകര്ന്നിട്ടുണ്ട്. ഇതില് നാല് വീടുകളുടെ മേല്ക്കൂര തകര്ന്നു. മൂന്ന്, നാല് കിലോമീറ്റര് ദൂരം ഭൂകമ്പസമാനമായ പ്രകമ്പനമുണ്ടായതായാണ് ലഭിക്കുന്ന വിവരം.