എവറസ്റ്റ് പുതിയ സീസ്മിക് സൊണേഷന് മാപ്പില് ഭൂകമ്പ സാധ്യത കൂടിയ മേഖലയില് ഉള്പ്പെട്ടതിനാല് ഇന്ത്യയിലെ 61 ശതമാനം പ്രദേശവും ഭൂകമ്പ സാധ്യതയില്. ഇതനുസരിച്ച് രാജ്യത്തെ 75 ശതമാനം ജനങ്ങളും ജീവിക്കുന്നത് ഭുകമ്പ സാധ്യതാ മേഖയിലാണ്. രാജ്യത്തെ പുതിയ ഭൂകമ്പ ഡിസൈന് കോഡ് അനുസരിച്ചാണ് ഈ നിഗമനം.
നേരത്തെ ഹൈ റിസ്ക് സോണ് നാലിലും അഞ്ചിലുമായി മാറിമാറി നിന്ന ഹിമാലയം ഇന്ന് അഞ്ചിലാണ് കാണുന്നത്. വാദിയ ഇന്സ്റ്റിറ്റ്യൂട്ട് ഓഫ് ഹിമാലയന് ജിയോളജി ഡയറക്ടറും നാഷണല് സെന്റര് ഫോര് സീസ്മോളജി മുന് ഡയറക്ടറുമായ വിനീത് ഗെലോട്ടിന്റെ നേതൃത്വത്തിലാണ് പുതിയ മാപ്പ് തയ്യാറാക്കിയത്. നിലവില് ഹിമാലയത്തില് വന് തോതിലുള്ള ഭൂകമ്പം സംഭവിച്ചിട്ട് 200 വര്ഷം കഴിഞ്ഞു. ഇന്ത്യയുടെ സാധ്യത കഴിഞ്ഞ ദശകത്തില് കൂടുതലായി വര്ധിച്ച് കാണുന്നു.
ഹിമായലയത്തിന് ചുറ്റുമുള്ള പ്രദേശത്ത് സാധ്യത തെക്കോട്ട് വര്ധിച്ച് ഹിമാലയത്തിന്റെ മുന് ഭാഗത്തായാണ് കാണുന്നത്. ഡെറാഡൂണിലെ മൊഹന്ദില് തുടങ്ങി ഹിമാലയന് ബെല്റ്റിലാകെ ഒരുപോലെയാണ് ഇതെന്ന് മുതിര്ന്ന ശാസ്ത്രജ്ഞര് പറയുന്നതായി ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നു.
ഈ മേഖലകളിലുള്ളവര് നഗരങ്ങള് പ്ലാന് ചെയ്യുമ്പോള് ശ്രദ്ധിക്കണമെന്ന് ഇവര് മുന്നറിയിപ്പ് നല്കുന്നു. മുന് സാധ്യതാ മേഖലകള്, പഴയ കണക്കുകള്, ജിയോളജി, മണ്ണ് ഘടനകള് എനിങ്ങനെയുള്ള നിലവിലുളള കണക്കുകൂട്ടലുകള്കൊണ്ട് കാര്യമില്ലെന്നും അന്തര്ദേശീയമായി അംഗീകരിച്ച പുതിയ മാനദണ്ഡങ്ങളാണ് കണക്കാക്കേണ്ടതെന്നും വിദഗ്ധര് പറയുന്നു.