നടന് കൃഷ്ണകുമാറിന്റെ മകള് ദിയ കൃഷ്ണ നടത്തുന്ന സ്ഥാപനത്തില് നടന്ന സാമ്പത്തിക തട്ടിപ്പില് 66 ലക്ഷം രൂപ തട്ടിയെടുത്തതായി തെളിഞ്ഞു. ഇതുസംബന്ധിച്ച കുറ്റപത്രം ക്രൈം ബ്രാഞ്ച് സമര്പ്പിച്ചു. മൂന്ന് മുന് ജീവനക്കാരികളും ഒരാളുടെ ഭര്ത്താവും ഉള്പ്പെടെ നാലുപേരാണ് പ്രതിപ്പട്ടികയില്.
ജീവനക്കാരികളായ വിനീത ജൂലിയറ്റ്, ദിവ്യ ഫ്രാങ്ക്ലിന്, രാധാകുമാരി എന്നിവര്യും വിനീതയുടെ ഭര്ത്താവ് ആദര്ശും പ്രതികളാണ്. ക്യുആര് കോഡ് ഉപയോഗിച്ചാണ് തട്ടിപ്പ് നടന്നതെന്ന് ക്രൈം ബ്രാഞ്ച് അന്വേഷണത്തില് കണ്ടെത്തി. തട്ടിയെടുത്ത പണം സ്വര്ണവും വാഹനങ്ങളും വാങ്ങുന്നതിനും ആഡംബര ജീവിതത്തിനുമാണ് ഉപയോഗിച്ചതെന്ന് ആരോപണം.
രണ്ട് വര്ഷം നീണ്ടാണ് സാമ്പത്തിക വഞ്ചന നടന്നത്. വിശ്വാസവഞ്ചന, മോഷണം, കൈവശപ്പെടുത്തല്, ചതി തുടങ്ങിയ വകുപ്പുകള് പ്രകാരമാണ് പ്രതികള്ക്കെതിരെ കുറ്റം ചുമത്തിയിരിക്കുന്നത്.
ഇതിനിടെ, ജീവനക്കാരികളെ തട്ടിക്കൊണ്ടുപോയെന്ന കേസില് കൃഷ്ണകുമാര്ക്കെതിരെ നല്കിയ പരാതിയുടെ അന്വേഷണവും അവസാന ഘട്ടത്തിലാണ്. പരാതിയില് വസ്തുതകളില്ലെന്നു പൊലീസ് വ്യക്തമാക്കിയിട്ടുണ്ട്.