സമകാലിക വിവാദ വിഷയങ്ങളില്‍ നിയമസഭയില്‍ പിണറായി സര്‍ക്കാറിനെതിരെ രൂക്ഷ വിമര്‍ശനവുമായി രംഗത്തെത്തിയ കെ.എം ഷാജി എം.എല്‍.എയുടെ പ്രസംഗം ഏറ്റെടുത്ത് സോഷ്യല്‍ മീഡിയ. അതേസമയം പ്രസംഗത്തില്‍ ഉന്നയിച്ച വളരെ പ്രാധാന്യമുള്ളൊരു വിഷയത്തില്‍ ശ്രദ്ധ കൊടുക്കാതെ കുറ്റം കണ്ടെത്തിയ വിമര്‍ശകര്‍ക്ക് മറുപടിയുമായി കെ.എം ഷാജി എം.എല്‍.എ തന്നെ രംഗത്തെത്തി.
തന്റെ പ്രസംഗത്തിലെ ചില വാചകങ്ങളെ സന്ദര്‍ഭങ്ങളില്‍ നിന്നു അടര്‍ത്തിയെടുത്ത് ഉപയോഗിച്ചവര്‍ക്ക് വിശദീകരണവുമായാണ് തന്റെ ഔദ്യോഗിക ഫെയ്‌സ്ബുക് പേജിലൂടെ ഷാജി രംഗത്തെത്തിയത്.
കെ.എം ഷാജിയുടെ ഫെയ്‌സ്ബുക് പോസ്റ്റിന്റെ പൂര്‍ണരൂപം വായിക്കാം…
വളരെ പ്രാധാന്യമുള്ളൊരു വിഷയം അതിലേറെ പ്രാധാന്യമുള്ളൊരു സമയത്ത്‌ സഭയുടെ ശ്രദ്ധയിൽ കൊണ്ടുവരാനാണു കഴിഞ്ഞ സഭാ പ്രസംഗത്തിൽ ഞാൻ ശ്രമിച്ചത്‌. അതിനു സമൂഹവും സമുദായവും നൽകിയ പിന്തുണയും പിൻബലവും ഞാൻ മനസ്സിലാക്കുന്നു .
അപ്പോഴും പക്ഷെ ചിലർ “ക്ഷീരമുള്ളോരകിടിൻ ചുവട്ടിലും ചോരതന്നെ കൊതുകിന്നു കൗതുകം ” എന്നു പറഞ്ഞതു പോലെ ഈ പ്രസംഗത്തിലെ ചില വാചകങ്ങളെ സന്ദർഭങ്ങളിൽ നിന്നു അടർത്തിയെടുത്ത്‌ ഉപയോഗിക്കുന്നത്‌ കാണുമ്പോൾ അവരോട്‌ സഹതാപമാണു തോന്നുന്നതു .
10 മിനിറ്റിനുള്ളിൽ വിഷയങ്ങൾ അവതരിപ്പിച്ചു തീർക്കുമ്പോഴുണ്ടാകുന്ന ധൃതിക്കിടയിൽ സംഭവിക്കാവുന്ന വിശദീകരണത്തിന്റെ കുറവിനെ ഉപയോഗിച്ചുണ്ടാക്കുന്ന ഈ ആശയക്കുഴപ്പത്തിനുള്ള ശ്രമം സാമാന്യ ബോധമുള്ള ആരും ഗൗരവത്തിൽ എടുത്തിട്ടില്ല .
സമുദായത്തെ ബാധിക്കുന്ന ഒരുപാടു വിഷയങ്ങളിൽ ഗൗരവമുള്ള ഇടപെടലുകൾ ആവശ്യമുള്ളൊരു കാലമാണിത്‌ .. മത പ്രബോധകർക്കു നേരെ നടക്കുന്ന വായടപ്പിക്കൽ ശ്രമം മാത്രമല്ല, ലക്ഷോപലക്ഷം കുഞുങ്ങൾക്ക്‌ അഭയമാകുന്ന യതീംഖാനകൾ അടക്കം അടച്ചുപൂട്ടെണ്ട നിയമകുരുക്കുകളിലേക്കു കാര്യങ്ങൾ പോകുകയാണു .
ഇത്തരത്തിലുള്ള നിരവധി പ്രശ്നങ്ങൾ നിലനിൽക്കെയാണു ഞാനീ വിഷയം ഉന്നയിക്കുന്നത്‌ .
കേരളത്തിലെ പോലീസ്‌ ഫാസിസ്റ്റ്‌ അജണ്ടകളോടു സ്വീകരിക്കുന്ന സമീപനമല്ല മുസ്‌ ലിം സമുദായത്തിൽപ്പെട്ടവർക്കെതിരായുള്ള കേസുകളിൽ സ്വീകരിക്കുന്നത്‌ എന്ന കാര്യമാണു പറഞ്ഞത്‌. തുല്യ നീതി നടപ്പിലാവുന്നില്ല എന്നതാണു പ്രധാന പ്രശ്നം.അതിലേക്കാണു പല ഉദാഹരണങ്ങളും എടുത്തു പറഞ്ഞത്‌.
ആശയപരമായി പല യോജിപ്പുകളും വിയോജിപ്പുകളും ഉള്ളത്‌ വ്യക്തിപരമാണു.
നീതി ലഭിക്കുക എന്നത്‌ ഒരു മനുഷ്യാവകാശ പ്രശ്നവുമാണു
ബാബരിക്കനന്തരമുള്ള കേരളത്തെ മതതീവ്രതയിലേക്കു നയിക്കാൻ ചിലർ നടത്തിയ ശ്രമത്തെ അന്നു ചെറുക്കാൻ മുൻപന്തിയിൽ ഉണ്ടായിരുന്നതു SKSSF ,ISM തുടങ്ങിയ സംഘടനകളായിരുന്നു , അനാവശ്യമായ ഈഗൊ കാണിച്ചു അന്നതിനു പാരവെക്കാൻ പിറകിലൂടെ കളിച്ച ചില ടൈഗറുകളെ കുറിച്ചറിയണമെങ്കിൽ നാസർ ഫൈസിയോടും സലീമിനോടും മുജീബിനൊടുമൊക്കെ ചോദിചാൽ മനസ്സിലാകും ..
തികച്ചും ആശയപരവും സർഗ്ഗാത്മകവുമായ ആ പോരാട്ടത്തിനു ബുദ്ധിപരമായ പിൻബലം നൽകാൻ സമദ്‌ പൂക്കോട്ടൂരിനെ പോലെയും MM അഖ്‌ബറിനെ പൊലെയുള്ളവരും ഞങ്ങളുടെ പിറകിലുണ്ടായിരുന്നു .
ഈ വസ്തുതയെ അറിയാത്തവരല്ല ഈ ദുഷ്ട ബുദ്ധികൾ , മറിച്ചു ചില പട്ടങ്ങൾ എനിക്കു ചാർത്തി മാറ്റി നിർത്താനാള്ള വ്യഗ്രതയാണു ചിലർക്ക്‌ ..
ഇത്തരം വേലത്തരങ്ങൾ കണ്ടു വിരളുന്നവരോ വീഴുന്നവരൊ ഭയപ്പെടുന്നവരൊ ഉണ്ടെങ്കിൽ സമയം കളയാതെ അവരെ തിരഞ്ഞു പൊകുന്നതാവും സമയ നഷ്ടം കുറക്കാൻ ഇവർക്കു നല്ലത്‌.
ഞാൻ ജനിചു വളർന്നതു ഉഗാണ്ടയിലൊന്നുമല്ല
വയനാട്ടിലെ കണിയാമ്പറ്റയിലെ മുല്ലഹാജി മദ്രസ്സയിൽ പത്താംതരവും പഠിച്ചിറങ്ങിയ എന്നെ ആ നാട്ടിലെ ഉസ്താതുമാർക്കറിയാം ആ നാട്ടുകാർക്കറിയാം.
ഒരു ചെറിയ ആവശ്യത്തിന് സംസാരിക്കാൻ ഒരിക്കൽ മർഹൂം കാളമ്പാടി ഉസ്താതിനെ കാണാൻ പോയതു ഞാനോർക്കുന്നു .
ജാഡകളേതുമില്ലാതെ ചുറ്റും ആൾകൂട്ടത്തെ കൂലികൊടുത്ത്‌ നിർത്തി ആരവത്തിന്റെ ആദരവുണ്ടാക്കാത്ത ആ മഹാ മനീഷി അന്നു പറഞ്ഞു തന്ന ചില കാര്യങ്ങളുണ്ട്‌ ..
എന്റെ ജീവിതത്തിൽ ചിലപ്പോൾ ചിലർ നടത്തുന്ന ബോധപൂർവ്വമായ പ്രകോപനങ്ങളെ അവഗണിക്കുന്നതു ആ വാക്കുകൾ നെഞ്ചിലുള്ളതു കൊണ്ടാണു . അതൊരു ദുർബലതയായി എനിക്കിന്നുവരെ തോന്നിയിട്ടുമില്ല ..
പിളർന്നതൊന്നും പോര , പിന്നെയും പിന്നെയും പിളർത്താൻ കച്ചകെട്ടിയിറങ്ങുന്നവരെ പലപ്പോഴും അവഗണിക്കുന്നതു അതൊക്കെകൊണ്ടു തന്നെയാണു ..
സമസ്ഥയെയും ലീഗിനെയും ഒക്കെ തമ്മിൽ തല്ലിച്ചു അതിന്റെ ചലം കുടിചു ജീവിക്കാൻ ആഗ്രഹിക്കുന്നവർ കെ എം ഷാജിയെ അതിനുപയോഗിക്കാം എന്നു വിചാരിക്കരുത്‌
എന്റെ നിലപാടുകൾ സുതരാം വ്യക്തമാണു !!
ഏതെങ്കിലും ഒരു മതസംഘടനയിൽ അംഗത്വമെടുത്തു പ്രവർത്തിക്കുന്നവനല്ല ഞാൻ .
സമുദായവുമായി ബന്ധപെട്ട വിഷയങ്ങളിൽ ശരിയെന്നു തോന്നുന്ന ബോധ്യങ്ങൾ ഇനിയും പറഞ്ഞുകൊണ്ടെയിരിക്കും , അതേതു കൊമ്പത്തവന്റെ മുന്നിലായാലും ..
അതു തെറ്റാണെങ്കിൽ തിരുത്തിതരാൻ അവകാശമുള്ള പണ്ഡിത നേതൃത്വവും ഇവിടെയുണ്ട്‌ .
സമുദായത്തെ കൊണ്ടുപോയി സി പി എമ്മിന്റെ ആലയിൽ കെട്ടാൻ അച്ചാരം വാങ്ങിയവർ ഉപദേശകരുടെയും വിമർശ്ശകരുടെയുമൊക്കെ വേഷംകെട്ടി വരുന്നത് തിരിച്ചറിയാനുള്ള സാമാന്യ ബുദ്ധിയുള്ളതുകൊണ്ടാണു പലപ്പോഴുമുള്ള ഈ മൗനം ::
അതല്ലാതെ ഭീരുത്വമൊ ഉത്തരമില്ലായ്മയൊ ആണെന്നു കരുതി വെറുതെ സന്തോഷിക്കരുത്
india3 days ago
kerala3 days ago
Cricket3 days ago
india3 days ago
Health2 days ago
kerala2 days ago
india3 days ago