കോട്ടക്കലില് പെട്രോള് പമ്പില് ഇന്ധനം നിറക്കുന്നതിനിടെ കാറിന് തീപിടിച്ചു. മലപ്പുറം കോട്ടക്കലിന് സമീപം പുത്തൂര് പെട്രോള് പമ്പില് ഇന്നലെ വൈകിട്ടാണ് സംഭവം. പമ്പ് ജീവനക്കാരുടെ സമയോചിതമായ ഇടപെടലാണ് വന് അപകടം ഒഴിവാക്കിയത്.
കുട്ടികളടക്കമുള്ള യാത്രക്കാരെ വേഗത്തില് കാറില് നിന്ന് ഇറക്കി രക്ഷപ്രവര്ത്തനം നടത്തുകയായിരുന്നു. ബിഹാര് സ്വദേശി അനില്, നിയാസ്, രത്നാകരന് എന്നിവര് സുരക്ഷ സംവിധാനം ഉപയോഗിച്ച് തീ കെടുത്തുകയായിരുന്നു.