ആലപ്പുഴയില് ദേശീയപാതാ നിര്മ്മാണത്തിനിടെ തീപിടിച്ച് അപകടം. അരൂര് തുറവൂര് ഉയരപ്പാതയിലെ 189-ാം നമ്പര് പില്ലറിലാണ് തീപിടിത്തമുണ്ടായത്. അപകടത്തില് പാലത്തിന്റെ സേഫ്റ്റി നെറ്റ് കത്തി നശിച്ചു. പാലത്തിലെ വെല്ഡിങ് വര്ക്കിനിടെ സേഫ്റ്റി നെറ്റിന് തീ പിടിക്കുകയായിരുന്നു. സംഭവത്തില് ആര്ക്കും പരിക്കില്ല. അപകടം സംഭവിച്ച് അരമണിക്കൂറിന് ശേഷമാണ് തീ അണച്ചത്. പ്രദേശത്ത് ഒരു മണിക്കൂറോളം ഗതാഗതം തടസം നേരിട്ടു.