കൊച്ചി: നാല് വയസ്സുകാരിയെ ചട്ടുകം ചൂടാക്കി പൊള്ളിച്ച കേസില് കുട്ടിയുടെ അമ്മയെ പൊലീസ് അറസ്റ്റ് ചെയ്തു. കാട്ടിത്തറ സ്വദേശിനിയാണ് അറസ്റ്റിലായത്. കുട്ടിയുടെ സ്വകാര്യ ഭാഗം ഉള്പ്പെടെ ശരീരത്തിലെ പല ഭാഗങ്ങളിലും പൊള്ളലേറ്റ നിലയിലാണ് കണ്ടെത്തിയത്.
സംഭവത്തെക്കുറിച്ച് സ്കൂള് അധികൃതര് നല്കിയ പരാതിയെ തുടര്ന്ന് മരട് പൊലീസ് കേസ് രജിസ്റ്റര് ചെയ്തു. സ്ഥിരമായി അമ്മ തന്നെ മര്ദിക്കാറുണ്ടെന്നും പലവട്ടം പീഡനത്തിനിരയായിട്ടുണ്ടെന്നും കുട്ടി അധ്യാപകരോട് വെളിപ്പെടുത്തിയിട്ടുണ്ട്.
കുട്ടിയെ വൈദ്യപരിശോധനക്കും മേല്ചികിത്സക്കും ആശുപത്രിയില് പ്രവേശിപ്പിച്ചിരിക്കുകയാണ്. തുടര് നടപടികള് തുടരുന്നതായി പൊലീസ് അറിയിച്ചു.