എറണാകുളം ചെമ്പുമുക്കിന് സമീപം ആക്രിക്കടയില് വന് തീപിടിത്തം. ജനവാസമേഖലയിലുള്ള ആക്രിക്കടയിലാണ് വന് തീപിടിത്തം ഉണ്ടായത്. സുരക്ഷയുടെ ഭാഗമായി സ്ഥലത്ത് നിന്ന് ആളുകളെ മാറ്റിയിട്ടുണ്ട്. ഫയര്ഫോഴ്സെത്തി തീ അണയ്ക്കാന് ശ്രമം തുടരുകയാണ്.
രാവിലെയാണ് തീപിടിത്തമുണ്ടായത്. ആക്രിക്കടയില് നിന്ന് ഉയര്ന്ന തീ വലിയ രീതിയില് ആളി പടരുകയായിരുന്നു. പ്രദേശത്താകെ വലിയരീതിയിലാണ് പുക ഉയര്ന്നത്. തീ നിയന്ത്രണവിധേയമാക്കുന്നതിന്റെ ഭാഗമായി കൂടുതല് ഫയര്ഫോഴ്സ് യൂണിറ്റുകളും സ്ഥലത്തെത്തിയിട്ടുണ്ട്. തീ പിടിത്തത്തിന്റെ കാരണം വ്യക്തമല്ല.
ആക്രി കട ഉടമ ഉള്പ്പെടെ സ്ഥലത്തുണ്ട്. മേരി മാതാ സ്കൂള് ഉള്പ്പെടെയുള്ള സ്ഥലത്തിന് സമീപമാണ് തീപിടിത്തം ഉണ്ടായത്. ഞായറാഴ്ചയായതിനാല് സ്കൂള് ഉള്പ്പെടെ പ്രവര്ത്തിക്കാത്തതിനാല് വലിയ ആശങ്ക ഒഴിഞ്ഞു. എന്നാല് വലിയ രീതിയില് തീ ആളി പടര്ന്നത് ജനങ്ങളെ ഭയചകിതരാക്കി. നിലവില് കൂടുതല് സ്ഥലത്തേക്ക് തീ വ്യാപിച്ചിട്ടില്ലെങ്കിലും എത്രയും വേഗം തീ നിയന്ത്രണ വിധേയമാക്കാനുള്ള ശ്രമമാണ് തുടരുന്നത്.