ഭക്ഷണം കഴിക്കുന്നതിനിടെ കടല ശ്വാസകോശത്തിൽ കുടുങ്ങിയ ഒന്നരവയസ്സുകാരനെ പീഡിയാട്രിക് ബ്രോങ്കോസ്കോപിയിലൂടെ കോട്ടയ്ക്കൽ സ്വകാര്യ ആശുപത്രിയിലെ ഡോക്ടർമാർ രക്ഷിച്ചു.
ശ്വാസകോശത്തിന്റെ ഒരു ഭാഗം നിശ്ചലമാവുകയും ന്യൂമോണിയ പിടിപെട്ട് ഗുരുതരാവസ്ഥയിലാവുകയും ചെയ്ത കുട്ടിയെയാണ് രക്ഷിച്ചത്.
പനിയും നിർത്താതെയുള്ള ചുമയും ശ്രദ്ധയിൽപ്പെട്ടതിനെത്തുടർന്നാണ് കുട്ടിയെ വളാഞ്ചേരിയിലുള്ള ആശുപത്രിയിലെത്തിച്ചത്. എക്സ്-റേ പരിശോധനയിൽ കടല ശ്വാസകോശത്തിൽ കുടുങ്ങിയതായി കണ്ടെത്തി. തുടർന്ന് മറ്റൊരു ആശുപത്രിയിലെക് റഫർ ചെയ്തു.
കുഞ്ഞിനെ പീഡിയാട്രിക് ബ്രോങ്കോസ്കോപ്പിക്ക് വിധേയനാക്കി കടല നീക്കംചെയ്തു. കൺസൾട്ടന്റ് അനസ്തേഷ്യ നൽകിയാണ് ദൗത്യം പൂർത്തിയാക്കിയത്.