വീട്ടുവരാന്തയില്‍ കളിച്ചുകൊണ്ടിരുന്ന മൂന്നുവയസുകാരന് നേരെ തെരുവുനായ ആക്രമണം; ചെറുവിരല്‍ കടിച്ചെടുത്തു

ആലപ്പുഴ: ഹരിപ്പാട്ടില്‍ മൂന്നുവയസുകാരന് നേരെ തെരുവുനായയുടെ ആക്രമണം. ഇന്നലെ ഉച്ചയ്ക്കാണ് സംഭവം നടന്നത്. വീടിന്റെ മുറ്റത്തെ വരാന്തയില്‍ കളിച്ചുകൊണ്ടിരുന്ന കുട്ടിയെ തെരുവുനായ ആക്രമിക്കുകയായിരുന്നു. ആക്രമണത്തില്‍ കുട്ടിയുടെ ചെറുവിരല്‍ നായ കടിച്ചെടുത്തു.

കുട്ടിയുടെ കരച്ചില്‍ കേട്ട് വീട്ടുകാര്‍ ഓടിയെത്തിയെങ്കിലും അതിനുമുമ്പ് നായ സ്ഥലത്തുനിന്ന് ഓടി രക്ഷപ്പെട്ടു. ഹരിപ്പാട് പിലാപ്പുഴ നന്ദനം വീട്ടില്‍ ജിതേഷിന്റെ മകന്‍ ശിവാംശിതിനെയാണ് തെരുവുനായ ആക്രമിച്ചത്.