കോഴിക്കോട് സംസ്ഥാനപാതയിലുണ്ടായ വാഹനാപകടത്തില് മൂന്ന് വയസ്സുകാരന് മരിച്ചു. മലപ്പുറം കീഴുപറമ്പ് ഓത്തുപള്ളിപ്പുറായ സ്വദേശി ജസിലിന്റെ മകന് മുഹമ്മദ് ഇബാന് (3) ആണ് മരിച്ചത്.
ഇന്ന് വൈകുന്നേരം എടവണ്ണ – കൊയിലാണ്ടി സംസ്ഥാനപാതയില് അരീക്കോട് ഭാഗത്തുനിന്നും അമിതവേഗതയില് എത്തിയ സ്വകാര്യ ബസ് ബൈക്കിലിടിച്ചാണ് അപകടം. വളവില് വെച്ച് ഓവര്ടേക്ക് ചെയ്തതാണ് അപകടകാരണം. അപകടത്തെ തുടര്ന്ന് നാട്ടുകാര് സംസ്ഥാനപാത ഉപരോധിച്ചു.