വണ്ടൂര്: മരംമുറിക്കുന്നതിനിടെ ഉണ്ടായ അപകടത്തില് യുവാവിന് ദാരുണാന്ത്യം. നടുവത്ത് പുത്തന്കുന്നില് എളണക്കന് വിപിന് (32) ആണ് മരിച്ചത്.
തിങ്കളാഴ്ച രാവിലെ 11.30ഓടെ നടുവത്ത് അങ്ങാടിയിലെ സ്വകാര്യ വ്യക്തിയുടെ വീട്ടുവളപ്പില് മരം മുറിച്ചുമാറ്റുന്നതിനിടെയാണ് അപകടം സംഭവിച്ചത്. മുറിച്ചുമാറ്റുന്ന മരക്കൊമ്പ് പൊട്ടി വിപിന് നില്ക്കുന്ന കമ്പിലേക്ക് വീണ്, ഇരു കമ്പുകളും പൊട്ടിവീഴുകയായിരുന്നു അപകടത്തിന് കാരണമായത്.
ഗുരുതരമായി പരിക്കേറ്റ വിപിനെ ഉടന് വണ്ടൂരിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം വണ്ടൂര് പൊലീസ് ഇന്ക്വസ്റ്റിനു ശേഷം ആശുപത്രി മോര്ച്ചറിയിലേക്ക് മാറ്റി.