Connect with us

More

യുവാവ് വാടക വീട്ടില്‍ കൊല്ലപ്പെട്ട നിലയില്‍

Published

on

 
തൊടുപുഴ: യുവാവിനെ വാടകവീട്ടില്‍ ദുരൂഹ സാഹചര്യത്തില്‍ കൊല്ലപ്പെട്ട നിലയില്‍ കണ്ടെത്തി. ഉടുമ്പന്നൂര്‍ അമയപ്ര കരക്കുന്നേല്‍ (തുരുത്തേല്‍) വിഷ്ണു (ചാണ്ടിക്കുഞ്ഞ്-26) ആണ് കൊല്ലപ്പെട്ടത്. അമയപ്ര സ്‌കൂള്‍ ജങ്ഷനു സമീപത്തെ വീടിന്റെ കിടപ്പുമുറിയില്‍ കട്ടിലിന് താഴെ നിലത്തുവിരിച്ച ബെഡില്‍ കമിഴ്ന്നുകിടക്കുന്ന നിലയിലായിരുന്നു മൃതദേഹം. വിഷ്ണുവിന്റെ ഇടതു നെഞ്ചില്‍ ആഴത്തിലുള്ള മുറിവുണ്ട്. ഇടതു കൈപ്പലകക്ക് സമീപവും മുറിവുണ്ട്. ഭിത്തിയില്‍ ഇടിച്ചതിന്റെ അടയാളം നെറ്റിയിലുണ്ട്. മുറിക്കുള്ളിലാകെ രക്തം പടര്‍ന്നിരുന്നു. ഭിത്തിയിലും രക്തം തെറിച്ചിട്ടുണ്ട്. ഉടുമ്പന്നൂര്‍ പാറേക്കവലയില്‍ പ്രവര്‍ത്തിക്കുന്ന അമയപ്ര മീമ്പിള്ളില്‍ ജോയിയുടെ കശാപ്പുശാലയിലെ ജീവനക്കാരനാണ് ഇയാള്‍. ജോയിയുടെ ഉടമസ്ഥതയിലുള്ള അമയപ്ര – കോട്ടക്കവല റൂട്ടിലെ വീട്ടിലാണ് ഒന്നര വര്‍ഷമായി ഇയാള്‍ വാടകക്ക് താമസിക്കുന്നത്.എല്ലാദിവസവും പുലര്‍ച്ചെ മൂന്നോടെ ജോയി എത്തിയാണ് ഇയാളെ വിളിച്ചുണര്‍ത്തി കടയിലേക്ക് കൊണ്ടുപോകുന്നത്. പതിവുപോലെ വെള്ളിയാഴ്ച പുലര്‍ച്ചെ മൂന്നോടെ വിഷ്ണുവിനെ വിളിക്കാന്‍ എത്തിയ ജോയിയാണ് മൃതദേഹം ആദ്യം കണ്ടത്. വീടിന്റെ എല്ലാ വാതിലുകളും തുറന്നുകിടന്നിരുന്നു. ബള്‍ബുകള്‍ അണച്ചിരുന്നില്ല. ഫാനും പ്രവര്‍ത്തിച്ചിരുന്നു. കറുത്ത ജീന്‍സാണ് വിഷ്ണു ധരിച്ചിരുന്നത്. അയല്‍വാസിയുടെ സഹായത്തോടെ േജായി കരിമണ്ണൂര്‍ പൊലീസില്‍ വിവരം അറിയിച്ചു. തൊടുപുഴ ഡിവൈ എസ്.പി എന്‍.എന്‍. പ്രസാദിന്റെ നേതൃത്വത്തില്‍ പൊലീസ് സ്ഥലത്തെത്തി. ഡോഗ് സ്‌ക്വാഡും വിരലടയാള വിദഗ്ധരും ഫോറന്‍സിക് വിഭാഗവും സ്ഥലത്ത് പരിശോധന നടത്തി. കനത്ത മഴയിലും വന്‍ ജനാവലിയാണ് സംഭവസ്ഥലത്ത് തടിച്ചുകൂടിയത്. മൃതദേഹം കോട്ടയം മെഡിക്കല്‍ കോളജ് ആസ്പത്രി മോര്‍ച്ചറിയിലേക്ക് മാറ്റി. വിഷ്ണുവിന്റെ ചില സുഹൃത്തുക്കളെ പൊലീസ് ചോദ്യം ചെയ്യാന്‍ കസ്റ്റഡിയിലെടുത്തു. കച്ചിറമൂഴിയിലുള്ള ഇലവിന്‍ചുവട്ടില്‍ പൊന്നപ്പന്റെ മകള്‍ നീനുവാണ് വിഷ്ണുവിന്റെ ഭാര്യ. ഇവര്‍ ഔദ്യോഗികമായി വിവാഹം നടത്താതെ ഒമ്പത് വര്‍ഷമായി ഒന്നിച്ചു താമസിക്കുകയാണ്. നിഖിത, നിമിഷ, ജിഷ്ണു എന്നിങ്ങനെ മൂന്ന് കുട്ടികളുമുണ്ട്. ശാരദയാണ് വിഷ്ണുവിന്റെ മാതാവ്. വ്യാഴാഴ്ച വൈകിട്ട് ആറോടെ നീനു കച്ചിറമൂഴിയിലെ വീട്ടിലേക്ക് കുട്ടികളുമായി പോയിരുന്നു. മദ്യപാനിയായ വിഷ്ണു മിക്ക ദിവസങ്ങളിലും വീട്ടില്‍ കൂട്ടുകാരൊത്ത് മദ്യപിച്ചിരുന്നതായി നീനുപറഞ്ഞു. അടുത്തനാളില്‍ ഉടുമ്പന്നൂര്‍ ടൗണില്‍ വിഷ്ണുവുമായി അടിപിടി നടന്നിരുന്നതായും നീനു പറഞ്ഞു. ഇടുക്കി അഡ്മിനിസ്‌ട്രേഷന്‍ ഡിവൈ.എസ്.പി ജില്‍സണ്‍ മാത്യൂ, കാഞ്ഞാര്‍ സര്‍ക്കിള്‍ ഇന്‍സ്‌പെക്ടര്‍ മാത്യൂ ജോര്‍ജ്ജ്, കഞ്ഞിക്കുഴി സി.ഐ വര്‍ഗീസ് അലക്‌സാണ്ടര്‍, കാളിയാര്‍ സി.ഐ വി.എ യൂനുസ്, കരിമണ്ണൂര്‍ എസ്.ഐ ക്ലീറ്റസ്, കാളിയാര്‍ എസ്.ഐ ബേബി തോമസ്, കാഞ്ഞാര്‍ എസ്.ഐ പി.എം. ഷാജി, കരിമണ്ണൂര്‍ എ.എസ്.ഐ തങ്കപ്പന്‍ എന്നിവരുടെ നേതൃത്വത്തില്‍ വന്‍ പോലീസ് സംഘം സ്ഥലത്തെത്തി അന്വേഷണം നടത്തി. അന്വേഷണം ഊര്‍ജ്ജിതമാക്കിയതായി തൊടുപുഴ ഡിവൈ.എസ്.പി എന്‍.എന്‍. പ്രസാദ് പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

ലോക്‌സഭാ തിരഞ്ഞെടുപ്പ് : വ്യാജ പ്രചാരണങ്ങൾക്കെതിരെ കർശന നടപടി സ്വീകരിക്കും: ചീഫ് ഇലക്ടറൽ ഓഫീസർ

Published

on

തിരുവനന്തപുരം: ലോക്‌സഭാ തിരഞ്ഞെടുപ്പുമായി ബന്ധപ്പെട്ട് സാമൂഹ്യ മാധ്യമങ്ങളിലൂടെ വ്യാജ പ്രചാരണം നടത്തുന്നവർക്കെതിരെ നിയമ നടപടിയടക്കം സ്വീകരിക്കുമെന്ന് ചീഫ് ഇലക്ടറൽ ഓഫീസർ സഞ്ജയ്  കൗൾ  പറഞ്ഞു. ജില്ലകളിലെ തിരഞ്ഞെടുപ്പ് മുന്നൊരുക്കം സംബന്ധിച്ച് ജില്ലാ കളക്ടർമാരുമായി നടത്തിയ കൂടിക്കാഴ്ചയിൽ സംസാരിക്കുകയായിരുന്നു അദ്ദേഹം. ജനങ്ങളിൽ തെറ്റിദ്ധാരണ ഉണ്ടാക്കുന്ന പ്രചാരണങ്ങൾ സാമൂഹ്യ മാധ്യമങ്ങൾ ഉപയോഗിച്ച് നടത്തുന്നത് നിരീക്ഷിക്കാൻ ജില്ലകളിൽ വിപുലമായ സംവിധാനങ്ങൾ ഒരുക്കിയിട്ടുണ്ട്. ഇവ യഥാസമയം കണ്ടെത്തി റിപ്പോർട്ട് ചെയ്യുന്നതിനും നടപടിയെടുക്കുന്നതിനും ഉദ്യോഗസ്ഥർക്ക് നിർദ്ദേശം നൽകി.

തിരഞ്ഞെടുപ്പിനുള്ള ജില്ലകളിലെ ക്രമീകരണങ്ങൾ പൂർണമാണ്. ഉദ്യോഗസ്ഥർക്കുള്ള പരിശീലന പരിപാടികൾ അവസാന ഘട്ടത്തിലാണ്. തിരഞ്ഞെടുപ്പ് വിജ്ഞാപനം വന്നു കഴിഞ്ഞാൽ പെരുമാറ്റച്ചട്ടം പാലിക്കുന്നുണ്ടെന്ന് ഉറപ്പാക്കുന്നതിനുള്ള ക്രമീകരണങ്ങൾ ഒരുക്കി. തിരഞ്ഞെടുപ്പ് സംബന്ധിച്ച് ബോധവൽക്കരണത്തിനുള്ള പ്രവർത്തനങ്ങൾ സജീവമാണ്. പ്രശ്‌ന സാധ്യത ബൂത്തുകൾ നിർണയിക്കുന്നതിനുള്ള നടപടികൾ പുരോഗമിക്കുന്നു. ജില്ലകളിലെ പോസ്റ്റൽ വോട്ടിനുള്ള സൗകര്യങ്ങൾബൂത്തുകൾവോട്ടിംഗ് മെഷീൻ സൂക്ഷിക്കുന്നതിനുള്ള സ്‌ട്രോങ്ങ് റൂംവോട്ടെണ്ണൽ  കേന്ദ്രങ്ങൾ എന്നിവയ്ക്കുള്ള ക്രമീകരണം സംബന്ധിച്ച് ജില്ലാ കളക്ടർമാർ വിശദീകരിച്ചു.

ലോക്സഭാ തെരഞ്ഞെടുപ്പിന്റെ ഭാഗമായി ജില്ലയ്ക്കു പുറത്തേക്ക് ഉദ്യോഗസ്ഥരെ സ്ഥലംമാറ്റി വിന്യസിക്കുമ്പോൾ ജോലി ചെയ്തിരുന്ന അതേ പാർലമെന്റ് മണ്ഡല പരിധിയിൽത്തന്നെ നിയമിക്കരുതെന്ന തെരഞ്ഞെടുപ്പു  കമ്മീഷന്റെ നിർദ്ദേശം കർശനമായി പാലിക്കണമെന്ന് ചീഫ് ഇലക്ടറൽ ഓഫീസർ പറഞ്ഞു. 

Continue Reading

kerala

മലപ്പുറത്ത് സ്‌കൂളില്‍ ഭക്ഷ്യവിഷബാധ; 19 വിദ്യാര്‍ഥികളും രണ്ട്‌ അധ്യാപകരും ആശുപത്രിയില്‍

എല്‍എസ്എസ് പരീക്ഷ എഴുതാനെത്തിയ വിദ്യാര്‍ത്ഥികള്‍ക്കാണ് ദേഹാസ്വാസ്ഥ്യം അനുഭവപ്പെട്ടത്

Published

on

മലപ്പുറം: സ്‌കൂളില്‍ ഭക്ഷ്യവിഷബാധയെ തുടര്‍ന്ന് 19 വിദ്യാര്‍ത്ഥികളും അധ്യാപികയും ആശുപത്രിയില്‍ ചികിത്സ തേടി. എല്‍എസ്എസ് പരീക്ഷ എഴുതാനെത്തിയ വിദ്യാര്‍ത്ഥികള്‍ക്കാണ് ദേഹാസ്വാസ്ഥ്യം അനുഭവപ്പെട്ടത്. ഒരു അധ്യാപികയ്ക്കും ദേഹാസ്വസ്ഥ്യമുണ്ടായി.

വിദ്യാര്‍ഥികളെയും അധ്യാപകരെയും തിരൂരങ്ങാടി താലൂക്ക് ആശുപത്രിയില്‍ പ്രവേശിപ്പിച്ചു. ഭക്ഷ്യവിഷബാധയുടെ കാരണം വ്യക്തമായിട്ടില്ല. സംഭവത്തില്‍ അന്വേഷണം നടക്കുകയാണെന്ന് ആരോഗ്യവകുപ്പ് വ്യക്തമാക്കി.

Continue Reading

kerala

പുരാവസ്തു തട്ടിപ്പിലെ കള്ളപ്പണ ഇടപാട്: മോൻസൺ മാവുങ്കലിന്റെ സ്വത്ത് ഇ.ഡി കണ്ടുകെട്ടി

1.88 കോടിയുടെ സ്വത്താണ് എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടിയത്

Published

on

കൊച്ചി: പുരാവസ്തു തട്ടിപ്പിലെ കള്ളപ്പണ ഇടപാട് കേസില്‍ മോന്‍സണ്‍ മാവുങ്കലിന്റെ സ്വത്ത് കണ്ടുകെട്ടി. 1.88 കോടിയുടെ സ്വത്താണ് എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടിയത്. വീട്, കെഎസ്എഫ്ഇയിലെ ഡിപ്പോസിറ്റുകള്‍ അടക്കമാണ് ഇഡി കണ്ടുകെട്ടിയിരിക്കുന്നത്.

Continue Reading

Trending