തിരുവനന്തപുരം: ആംആദ്മി പാര്ട്ടിയുടെ കേരളഘടകത്തെ മലയാളി മാധ്യമപ്രവര്ത്തകന് പി.ടി തുഫൈല് നയിക്കും. കഴിഞ്ഞ ദിവസം എ.എ.പി നടത്തിയ വാര്ത്താ സമ്മേളനത്തിലാണ് കേരള എ.എ.പിയുടെ സംസ്ഥാന സെക്രട്ടറിയായി തുഫൈലിനെ പ്രഖ്യാപിച്ചത്.
കോഴിക്കോട് സ്വദേശിയായ തുഫൈല് ചെന്നൈ ഏഷ്യന് കോളജ് ഓഫ് ജേര്ണലിസത്തിലാണ് വിദ്യാഭ്യാസം പൂര്ത്തിയാക്കിയത്. തെഹല്ക്കയിലൂടെയാണ് മാധ്യമ മേഖലയില് സാന്നിധ്യമറിയിച്ചത്. ജയരാജിന്റെ ഒറ്റാല് എന്ന സിനിമയിലടക്കം സഹസംവിധായകനായി പ്രവര്ത്തിച്ചിട്ടുണ്ട്. പ്രമുഖ ദേശീയ മാസികയായ ഔട്ട്ലുക്കില് സീനിയര് എഡിറ്ററായി പ്രവര്ത്തിച്ചുവരികയാണ്. പാര്ട്ടിയെ ശക്തിപ്പെടുത്താനുള്ള പ്രവര്ത്തനങ്ങളുമായി മുന്നോട്ട് പോകുമെന്ന് തുഫൈല് പറഞ്ഞു.