കലൂര് സ്റ്റേഡിയത്തില് ഉമാ തോമസ് എംഎല്എ വീണ് ഗുരുതര പരിക്കേല്ക്കാനിടയായ അപകടത്തില് അറസ്റ്റിലായ പി എസ് ജനീഷ് കുമാറിന് ജാമ്യം. പൊലീസിന്റെ കസ്റ്റഡി അപേക്ഷ തള്ളിയാണ് എറണാകുളം ഒന്നാം ക്ലാസ് ജുഡീഷ്യല് മജിസ്ട്രേറ്റ് കോടതി ജാമ്യം നല്കിയത്. കലൂര് രാജ്യാന്തര സ്റ്റേഡിയത്തില് സംഘടിപ്പിച്ച നൃത്തപരിപാടിക്കിടെയാണ് സുരക്ഷയൊരുക്കാതെ കെട്ടിയ വേദിയില് നിന്നും വീണ് ഉമാ തോമസിന് പരിക്കേറ്റത്. പരിപാടിയുടെ സംഘാടകരായ ഓസ്കര് ഇവന്റ് മാനേജ്മെന്റ് ഉടമയാണ് പി എസ് ജനീഷ്.
ഹൈക്കോടതിയുടെ നിര്ദ്ദേശം ഉണ്ടായിട്ടും ജിനീഷ് അന്വേഷണ സംഘത്തിന് മുന്പില് ഹാജരായിരുന്നില്ല. തുടര്ന്ന്, തൃശൂരില് വെച്ചായിരുന്നു ജനീഷിനെ പാലാരിവട്ടം പൊലീസ് അറസ്റ്റ് ചെയ്തത്.
ഇക്കഴിഞ്ഞ 28നാണ് മൃദംഗ വിഷന്റെ ആഭിമുഖ്യത്തില് കൊച്ചി ഇന്റര്നാഷണല് സ്റ്റേഡിയത്തില് മൃദംഗ നാദം എന്ന പേരില് നൃത്തപരിപാടി സംഘടിപ്പിച്ചത്.