കൊച്ചി: രാജ്യത്തെ ഏറ്റവും കൂടുതല് ചര്ച്ചയായ നടി ആക്രമണം കേസില് ഇന്ന് എറണാകുളം ജില്ലാ കോടതി വിധി പറയും. സംഭവം നടന്നിട്ട് എട്ട് വര്ഷങ്ങള്ക്ക് ശേഷം വിചാരണ പൂര്ത്തിയാക്കി കോടതി ഇന്ന് വിധി പ്രസ്താവിക്കുന്നതാണ്.
കേസില് നടന് ദിലീപ് ഉള്പ്പെടെ പത്ത് പ്രതികളുണ്ട്. വിധി പ്രസ്താവിക്കുന്നതിനാല് എല്ലാവരും കോടതിയില് ഹാജരാകണമെന്ന് നിര്ദേശം നല്കിയിട്ടുണ്ട്.
സുനില് എന് എസ്/ പള്സര് സുനി, മാര്ട്ടിന് ആന്റണി, ബി. മണികണ്ഠന്, വി പി വിജീഷ്, സലിം എച്ച്/ വടിവാള് സലിം, പ്രദീപ്, ചാര്ലി തോമസ്, പി ഗോപാലകൃഷ്ണന്/ ദിലീപ്, സനില് കുമാര്/ മേസ്തിരി സനില്, ശരത് ജി നായര് എന്നിവരാണ് കേസിലെ ഒന്ന് മുതല് 10വരെയുള്ള പ്രതികള്.