വാഷിങ്ടണ്: കൊമേഴ്സ് ഡിപ്പാര്ട്ട്മെന്റ് ആവശ്യപ്പെട്ട വിവരങ്ങള് നല്കാന് അദാനി കമ്പനികള് സഹകരിക്കാത്തതില് ഇന്ത്യന് സോളാര് ഉല്പന്നങ്ങള്ക്ക് 126 ശതമാനം തീരുവ ചുമത്തി യു.എസ്. അദാനി കമ്പനികളായ മുന്ദ്ര സോളാര് എനര്ജി, മുന്ദ്ര സോളാര് പി.വി എന്നിവ സബ്സിഡി സംബന്ധിച്ച അന്വേഷണങ്ങളോട് സഹകരിക്കുന്നില്ലെന്ന് ആരോപിച്ചാണ് നടപടി. ഫെബ്രുവരി 20നാണ് അധിക തീരുവ ചുമത്തിയുള്ള ഉത്തരവ് പുറപ്പെടുവിച്ചത്.
ഡെഡ്ലൈനിനകം ഇത്തരം വിവരങ്ങള് നല്കുന്നതില് അദാനി ഗ്രൂപ്പ് പരാജയപ്പെട്ടുവെന്നും കമ്പനികള്ക്ക് ചോദ്യങ്ങള് നല്കി ഉത്തരങ്ങള് തേടിയെന്നും എന്നാല് അവര് നല്കിയില്ലെന്നും കൊമേഴ്സ് ഡിപ്പാര്ട്ട്മെന്റ് അറിയിച്ചു.
ഇന്ത്യന് സോളാര് വ്യവസായ ചൈനയെ അമിതമായി ആശ്രയിക്കുന്നുവെന്ന് ആരോപിച്ചാണ് പരാതി ലഭിച്ചത്. ഇതിന്റെ അന്വേഷണത്തിനിടെയാണ് അദാനി കമ്പനികളില് നിന്ന് യു.എസ് വിവരങ്ങള് തേടിയത്. എന്നാല് വിവരങ്ങള് നല്കാന് അദാനിയുടെ ഉടമസ്ഥതയിലുള്ള കമ്പനികള് തയാറാകാതിരുന്നതോടെയാണ് കടുത്ത നടപടിക്ക് യു.എസ് തീരുമാനമെടുത്തത്.