ഗുജറാത്തിലെ അഹമ്മദാബാദില് എയര് ഇന്ത്യയുടെ ബോയിങ് 7878 വിമാനം തകര്ന്നുവീണ് മരിച്ചവരില് തിരുവല്ല സ്വദേശിയും. പുല്ലാട് സ്വദേശിനി രഞ്ജിത ഗോപകുമാരന് നായരാണ് മരിച്ചത്.
വിമാനാപകടത്തില് നൂറിലധികം പേര് മരിച്ചതായാണ് പ്രാദേശിക മാധ്യമങ്ങള് റിപ്പോര്ട്ട് ചെയ്തത്. ഉച്ചക്ക് 1.17ന് സര്ദാര് വല്ലഭ്ഭായി പട്ടേല് വിമാനത്താവളത്തിന് സമീപം ജനവാസമേഖലയായ മെഹാലി നഗറിലാണ് വിമാനം തകര്ന്നുവീണത്. 230 യാത്രക്കാരും 12 ജീവനക്കാരുമാണ് വിമാനത്തിലുണ്ടായിരുന്നത്. 40 മൃതദേഹങ്ങള് ആശുപത്രിയില് എത്തിച്ചിട്ടുണ്ട്.
ടേക്ക് ഓഫിനിടെയാണ് അപകടമുണ്ടായത്. വിമാനം പറന്നുയര്ന്ന് 20 മിനിറ്റിനുള്ളില് തകര്ന്നു വീഴുകയായിരുന്നു. തകര്ന്നുവീണതിന് പിന്നാലെ വിമാനം കത്തിയമര്ന്നതായാണ് പ്രാദേശികമാധ്യമങ്ങളുടെ റിപ്പോര്ട്ട്.