അസമിലെ ജോര്ഹട്ടില് വ്യോമസേന വിമാനം തകര്ന്നുണ്ടായ അപകടത്തില് പൈലറ്റ് അടക്കം 5 പേര്ക്ക് വീരമൃത്യു. അപകടത്തില് പരിക്കേറ്റ് ചികിത്സയിലായിരുന്ന ഉദ്യോഗസ്ഥരാണ് വീരമൃത്യു വരിച്ചത്. പരിക്കേറ്റ സഹപൈലറ്റ് നിലവില് തീവ്രപരിചരണ വിഭാഗത്തില് ചികിത്സയില് കഴിയുകയാണ്. വിമാനം തകരാന് കാരണം എന്താണെന്നതില് വ്യോമസേന അന്വേഷണം ആരംഭിച്ചു.
സോവിയറ്റ് നിര്മ്മിതമായ, കാലപ്പഴക്കമുള്ള ആന്റണോവ് An-32 ചരക്കുവിമാനമാണ് ലാന്ഡിങ്ങിനിടെ തീപിടിച്ച് അപകടത്തില്പ്പെട്ടത്. അരുണാചല് പ്രദേശില് നിന്നും ജോര്ഹട്ടിലേക്കുള്ള യാത്രയ്ക്കിടെ, എയര്ബേസ് പരിസരത്ത് ലാന്ഡിങ്ങിന് ശ്രമിക്കുന്നതിനിടെയാണ് വിമാനത്തിന് തീപിടിച്ചത്. അപകടം നടന്നയുടന് തന്നെ ഫയര് ബ്രിഗേഡും എമര്ജന്സി റെസ്പോണ്സ് ടീമും സ്ഥലത്തെത്തി രക്ഷാപ്രവര്ത്തനം ആരംഭിച്ചു. അപകടത്തിന്റെ കൃത്യമായ കാരണം കണ്ടെത്താന് ഇന്ത്യന് വ്യോമസേന കോര്ട്ട് ഓഫ് ഇന്ക്വയറിക്ക് ഉത്തരവിട്ടു.