ആകാശവാണി എഫ്.എം ; കായംകുളത്തും പത്തനംതിട്ടയിലും പുതിയ ട്രാൻസ്‌മീറ്ററുകൾ

രാജ്യവ്യാപകമായി എഫ് എം റേഡിയോ പ്രക്ഷേപണം വർധിപ്പിക്കുന്നതിന്റെ ഭാഗമായി 91 പുതിയ എഫ് എം ട്രാൻസ്‌മീറ്ററുകൾ ഇന്ന് പ്രവർത്തനം ആരംഭിക്കും കേരളത്തിൽ, ആലപ്പുഴ ജില്ലയിലെ കായംകുളത്തും പത്തനംതിട്ട ജില്ലയിലെ മണ്ണാറമലയിലുമാണ് പ്രക്ഷേപണികൾ സ്ഥാപിച്ചിട്ടുള്ളത്. 100 വാട്സാണ് ഈ ട്രാൻസ്മിറ്ററുകളുടെ പ്രസരണശേഷി . കായംകുളത്തെ ഫ്രീക്വൻസി 100.1 മെഗാ ഹെഡ്സ്  , പത്തനംതിട്ടയിലേത് 100 മെഗാഹെർഡ്‌സും ആണ്. തിരുവനന്തപുരം ആകാശവാണി നിലയത്തിൽ നിന്നുള്ള പരിപാടികൾ രാവിലെ അഞ്ചര മണി മുതൽ രാത്രി 11. 10 വരെ തുടർച്ചയായി പ്രക്ഷേപണം ചെയ്യും. പ്രക്ഷേപണിയുടെ 15 കിലോമീറ്റർ ചുറ്റളവിലുള്ള എഫ് എം റേഡിയോ ശ്രോതാക്കൾക്കും എഫ് എം റേഡിയോ സൗകര്യമുള്ള മൊബൈൽ ഫോൺ ഉപഭോക്താക്കൾക്കും റേഡിയോ പരിപാടികൾ കേൾക്കാവുന്നതാണ് .

പ​ത്ത​നം​തി​ട്ട​യിലെ ട്രാൻസ്‌മീറ്റർ സ്ഥാപിച്ചിട്ടുള്ളത് ജില്ലയിലെ ഉ​യ​ർ​ന്ന പ്ര​ദേ​ശ​മാ​യ മണ്ണാറമലയിലായതിനാൽ ​ വ്യ​ക്ത​ത അ​ല്പം കു​റ​ഞ്ഞാലും 25 കി​ലോ​മീ​റ്റ​ർ ചു​റ്റ​ള​വി​ൽ​വ​രെ പ​രി​പാ​ടി​ക​ൾ കേ​ൾ​ക്കാ​നാ​കുമെന്ന് ആകാശവാണി വൃത്തങ്ങൾ അറിയിച്ചു. ട്രാൻസ്മിറ്ററുകളുടെ ഉത്ഘാടനം പ്രധനമന്ത്രി ഓൺലൈനായി നിർവഹിച്ചു.