india
ഇന്ത്യയെ വച്ചുള്ള ട്രംപിന്റെ പ്രചാരണം പാഴ്വേലയായി; 72% ഇന്ത്യന് വംശജരുടെയും പിന്തുണ ജോ ബൈഡനെന്ന് സര്വേ
936 ഇന്ത്യന് അമേരിക്കന് വംശജര് പങ്കെടുത്ത സര്വേയില് സര്വേയില് 72 ശതമാനവും ജോ ബൈഡനൊപ്പമാണ്. 22 ശതമാനം മാത്രമാണ് ട്രംപിനെ അനുകൂലിക്കുന്നവര്
വാഷിംഗ്ടണ്: വരാനിരിക്കുന്ന അമേരിക്കന് പ്രസിഡന്റ് തെരഞ്ഞെടുപ്പില് ഇന്ത്യന് വംശജരുടെ വോട്ടു കിട്ടാനായി ട്രംപ് കളിച്ച കളി ഏറ്റില്ല. 72 ശതമാനം ഇന്ത്യന് വംശജരുടെയും പിന്തുണ ഡെമോക്രാറ്റിക് സ്ഥാനാര്ഥി ജോ ബൈഡനാണെന്നാണ് പുതിയ സര്വേ ഫലം.
നേരത്തെ ട്രംപ് ഇന്ത്യ സന്ദര്ശിച്ചിരുന്നപ്പോള് എടുത്ത രംഗങ്ങള് കോര്ത്തിണക്കി ഒരു തെരഞ്ഞെടുപ്പ് പ്രചാരണ വീഡിയോ ഇറക്കിയിരുന്നു. നരേന്ദ്ര മോദി അമേരിക്കയെ പുകഴ്ത്തി സംസാരിക്കുന്ന വീഡിയോ കൂട്ടിച്ചേര്ത്തായിരുന്നു വീഡിയോ. ഇതുവച്ച് ഇന്ത്യന് വംശജരുടെ വോട്ടു നേടാനായിരുന്നു ശ്രമം. രണ്ടു രാജ്യങ്ങളും തമ്മില് മികച്ച സൗഹൃദ ബന്ധം കാത്തുസൂക്ഷിക്കുന്നുണ്ടെന്നു കാണിക്കാനും ഇന്ത്യയുടെ പിന്തുണ ട്രംപിനൊപ്പമാണെന്ന് സ്ഥാപിക്കാനുമായിരുന്നു ഈ തരത്തിലുള്ള പ്രചാരണം. എന്നാല് ആ തന്ത്രങ്ങളൊന്നും വിലപ്പോയില്ലെന്നാണ് പുതിയ സര്വേ ഫലം കാണിക്കുന്നത്.
936 ഇന്ത്യന് അമേരിക്കന് വംശജര് പങ്കെടുത്ത സര്വേയില് സര്വേയില് 72 ശതമാനവും ജോ ബൈഡനൊപ്പമാണ്. 22 ശതമാനം മാത്രമാണ് ട്രംപിനെ അനുകൂലിക്കുന്നവര് ഉള്ളത്. കാര്നെഗീ എന്ഡോവ്മെന്റ്, പെന്സില്വാനിയ സര്വകലാശാല എന്നിവരുമായി സഹകരിച്ച് ജോണ്സ് ഹോപ്കിന്സ് സ്കൂള് ഓഫ് അഡ്വാന്സ്ഡ് ഇന്റര്നാഷണല് സ്റ്റഡീസ് നടത്തിയ സര്വേയിലാണ് ഇക്കാര്യം വ്യക്തമാക്കുന്നത്.
മോദിക്കെതിരായ ഡെമോക്രാറ്റുകളുടെ വിമര്ശനവും ട്രംപ്-മോദി ബന്ധവും ഉയര്ത്തിക്കാട്ടി ഇക്കുറി 50 ശതമാനം ഇന്ത്യന് വംശജരും ട്രംപിനെ പിന്തുണയ്ക്കുമെന്നായിരുന്നു റിപബ്ലിക്കന്സ് അവകാശപ്പെട്ടിരുന്നത്. ഇതെല്ലാം തള്ളുന്നതാണ് സര്വ്വേ ഫലം. ഡെമോക്രാറ്റുകളാണ് ഇന്ത്യയുമായി നല്ല ബന്ധം പുലര്ത്തിയതെന്ന് സര്വ്വേയില് പങ്കെടുത്ത 39 ശതമാനം പേരും അഭിപ്രായപ്പെട്ടു.
india
ഉത്തര്പ്രദേശില് വീണ്ടും ബിഎല്ഒ ആത്മഹത്യ; രണ്ടാഴ്ചയ്ക്കിടെ ആറാമത്തെ സംഭവം
എസ്ഐആര് (സ്പെഷ്യല് സമറി റിവിഷന്) പൂര്ത്തിയാക്കേണ്ടതിന്റെ കടുത്ത ജോലി സമ്മര്ദ്ദമാണ് ആത്മഹത്യക്ക് കാരണമായതെന്നു ബന്ധുക്കള് ആരോപിക്കുന്നു.
ലഖ്നൗ: ഉത്തര്പ്രദേശിലെ ഗോണ്ടയില് ബൂത്ത് ലെവല് ഓഫിസര് (ബിഎല്ഒ) ആയി ചേര്ന്നിരുന്ന അധ്യാപകന് ജീവനൊടുക്കിയ സംഭവത്തില് വ്യാപക വിമര്ശനം. വിപിന് യാദവ് എന്ന അധ്യാപകനാണ് മരണത്തിന് കീഴടങ്ങിയത്. എസ്ഐആര് (സ്പെഷ്യല് സമറി റിവിഷന്) പൂര്ത്തിയാക്കേണ്ടതിന്റെ കടുത്ത ജോലി സമ്മര്ദ്ദമാണ് ആത്മഹത്യക്ക് കാരണമായതെന്നു ബന്ധുക്കള് ആരോപിക്കുന്നു.
രണ്ടാഴ്ചയ്ക്കിടെ സംസ്ഥാനത്ത് ജീവനൊടുക്കുന്ന ആറാമത്തെ ബിഎല്ഒ ഇതാണ്. ജോലി സമ്മര്ദത്തെക്കുറിച്ച് അദ്ദേഹം തുറന്നുപറഞ്ഞ വീഡിയോയും പുറത്ത് വന്നിട്ടുണ്ട്. മേലുദ്യോഗസ്ഥരില് നിന്നുള്ള മാനസിക പീഡനമാണ് ആത്മഹത്യയ്ക്ക് വഴിവെച്ചതെന്ന് യാദവ് വീഡിയോയില് പറയുന്നു.
വിഷം കഴിച്ച് ആത്മഹത്യക്ക് ശ്രമിച്ച വിപിന് യാദവിനെ ഉടന് ലഖ്നൗയിലെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. സംഭവത്തിനുശേഷം പ്രദേശത്ത് പ്രതിഷേധം ശക്തമായി. എന്നാല് ആത്മഹത്യ സംബന്ധിച്ച് ഇതുവരെ ഔദ്യോഗിക പ്രതികരണം അധികൃതര് നല്കിയിട്ടില്ല.
india
കശ്മീര് താഴ്വരയില് കടുത്ത ശീത തരംഗം; മൈനസ് ഡിഗ്രിയിലേക്ക് താപനില
മരച്ചില്ലകള് വരെ ഐസായി മാറിയ ദൃശ്യങ്ങള് ശൈത്യകാലത്തിന്റെ ശക്തിയെ അടയാളപ്പെടുത്തുന്നു.
ശ്രീനഗര്: കശ്മീര് താഴ്വരയിലുടനീളം കടുത്ത ശീത തരംഗം വീശിയടിക്കുകയാണ്. മൈനസ് ഡിഗ്രിയിലേക്ക് താപനില ഇടിഞ്ഞതിനെ തുടര്ന്ന് റോഡുകള് മഞ്ഞുപാളികളാല് മൂടി യാത്രാ ബുദ്ധിമുട്ട് രൂക്ഷമാണ്. മരച്ചില്ലകള് വരെ ഐസായി മാറിയ ദൃശ്യങ്ങള് ശൈത്യകാലത്തിന്റെ ശക്തിയെ അടയാളപ്പെടുത്തുന്നു. ഒക്ടോബര് മുതല് തുടരുന്ന തണുപ്പ് ഇപ്പോള് ഏറ്റവും കഠിനഘട്ടത്തിലാണ്. ശ്രീനഗറില് കഴിഞ്ഞ രാത്രി മൈനസ് 3.1 ഡിഗ്രി സെല്ഷ്യസ് രേഖപ്പെടുത്തി. ദക്ഷിണ കശ്മീരിലെ ഷോപിയാനില് 5.4 ഡിഗ്രി, അമര്നാഥ് യാത്രയുടെ ബേസ് ക്യാമ്പായ അനന്ത്നാഗില് 4.4 ഡിഗ്രി എന്നിങ്ങനെ കനത്ത തണുപ്പായിരുന്നു. വടക്കന് മേഖലകളായ കുപ്വാര, ബന്ദിപ്പൊര, റാഫിയാബാദ്, കൊക്കനാഗ്, സോനാമാര്ഗ് എന്നിവിടങ്ങളിലും മൈനസ് ഡിഗ്രിയിലായിരുന്നു താപനില. ജമ്മു മേഖലയില് തണുപ്പ് താരതമ്യേന കുറഞ്ഞെങ്കിലും താപനിലയില് ഇടിവ് തുടരുകയാണ്. ജമ്മു നഗരത്തില് 9.8 ഡിഗ്രി രേഖപ്പെടുത്തിയപ്പോള് ബനിഹാലില് താപനില 0.5 ഡിഗ്രിയായി താഴ്ന്നു. ലഡാക്കിലും കടുത്ത ശൈത്യമാണ്; ലെഹില് 8.5, കാര്ഗിലില് 8.8, ന്യൂബയില് 6.6 ഡിഗ്രി രേഖപ്പെടുത്തി. തണുത്ത കാറ്റ്, കനത്ത മഞ്ഞ്, തുടരുന്ന താപനില ഇടിവ് എന്നിവ സംയുക്തമായി സാധാരണ ജീവിതത്തെയും ഗതാഗതത്തെയും ബാധിച്ചിരിക്കുകയാണ്. ആരോഗ്യ ജാഗ്രത പാലിക്കണമെന്നും അനാവശ്യ യാത്രകള് ഒഴിവാക്കണമെന്നും കാലാവസ്ഥ വകുപ്പ് മുന്നറിയിപ്പ് നല്കി. വിദൂര പ്രദേശങ്ങളിലെ ജനങ്ങള്ക്ക് അടിയന്തര സഹായ സംവിധാനങ്ങള് സജ്ജമാക്കി അധികൃതര് അറിയിച്ചു.
india
മധ്യപ്രദേശില് 13 കാരനെ കാണാതായി; കട്ടിലിനരികില് കണ്ടെത്തിയത് അസ്വാഭാവിക കുറിപ്പ്
. പുലര്ച്ചെ 12നും 1നും ഇടയില് ആണ് കുട്ടി വീടുവിട്ടുപോയതെന്ന് കുടുംബം പറയുന്നു.
ബോപ്പാല്: ‘ ദൈവത്തെ സേവിക്കാനാണ് പോകുന്നത്, ദയവായി നിങ്ങളെത്തന്നെ പരിപാലിക്കുക ‘, ഇത്തരമൊരു കുറിപ്പ് കട്ടിലിനരികില് എഴുതി വച്ചിട്ടാണ് മധ്യപ്രദേശിലെ ഷാഡോള് ജില്ലയിലെ 13 കാരന് ഞായറാഴ്ച രാത്രിയില് വീട് വിട്ടത്. പുലര്ച്ചെ 12നും 1നും ഇടയില് ആണ് കുട്ടി വീടുവിട്ടുപോയതെന്ന് കുടുംബം പറയുന്നു. സൊഹാഗ്പൂര് പൊലീസ് സ്റ്റേഷന് പരിധിയിലാണ് സംഭവം. കാണാതായ വിവരം അറിഞ്ഞതോടെ ബന്ധുക്കളുടെ വീടുകള്, ബന്ഗംഗ പ്രദേശം, സമീപ ഗ്രാമങ്ങള് എന്നിവിടങ്ങളില് കുടുംബം തിരച്ചിലിനിറങ്ങിയെങ്കിലും കുട്ടിയെ കണ്ടെത്താനായില്ല. തുടര്ന്ന് പിതാവ് പൊലീസില് പരാതി നല്കി. പൊലീസ് ഐപിസി സെക്ഷന് 137(2) പ്രകാരം എഫ്ഐആര് രജിസ്റ്റര് ചെയ്തിട്ടുണ്ട്. കുട്ടിയുടെ ചിത്രം സോഷ്യല് മീഡിയയില് വേഗത്തില് പ്രചരിക്കുകയും ആളുകള്ക്ക് വിവരം ലഭിച്ചാല് ഉടന് അറിയിക്കണമെന്ന് പിതാവ് ഫേസ്ബുക്കില് അഭ്യര്ത്ഥിക്കുകയും ചെയ്തു. കുട്ടിയെ കണ്ടെത്തുന്നതിനായി പൊലീസ് അന്വേഷണം ശക്തമാക്കിയിരിക്കുകയാണ്.
-
world2 days agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
News23 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
kerala2 days ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world3 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala1 day agoശബരിമലയില് നിന്ന് ഡ്യൂട്ടി കഴിഞ്ഞ് വാ..; സി.പി.ഒയെ ഭീഷണിപ്പെടുത്തിയ പൊലീസ് അസോ. ജില്ല സെക്രട്ടറിക്ക് സസ്പെന്ഷന്
-
kerala1 day agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു
-
Health2 days agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala23 hours agoമോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്