സര്ക്കാരിന്റെ നാലാം വാര്ഷികാഘോഷത്തിന്റെ ഭാഗമായി ഇടുക്കിയില് നടക്കുന്ന എന്റെ കേരളം പ്രദര്ശന വിപണന മേളയില് വിവാദങ്ങള്ക്കിടെ വേടന് ഇന്ന് പാടും. ഇന്ന് വൈകീട്ട് ഏഴിനാണ് വേടന്റെ റാപ്പ്. ഇടുക്കി മേളയുടെ സമാപനദിവസമാണ് ഇന്ന്. ഏപ്രില് 28ന് കഞ്ചാവ് കേസില് പിടിയിലായതോടെ വേടന്റെ പരിപാടി സര്ക്കാര് റദ്ദാക്കിയിരുന്നു. വലിയ സുരക്ഷാക്രമീകരണങ്ങളോടെ വൈകീട്ട് ഏഴുമണിക്കാണ് പരിപാടി സമയം നിശ്ചയിച്ചിരിക്കുന്നത്. വാഴത്തോപ്പ് വൊക്കേഷണല് ഹയര് സെക്കന്ഡറി സ്കൂള് മൈതാനിയിലാണ് വേടന്റെ പരിപാടി നടക്കുക.
ഏപ്രില് 29-ന് പരിപാടി അവതരിപ്പിക്കാനായിരുന്നു ആദ്യം തീരുമാനിച്ചിരുന്നത്. എന്നാല് ജാമ്യത്തിലിറങ്ങിയതിന്റെ പശ്ചാത്തലത്തില് ഇപ്പോള് വീണ്ടും പരിപാടി സംഘടിപ്പിക്കാന് തീരുമാനിക്കുകയായിരുന്നു.