കൊച്ചിയില് ഗുരുതരവസ്ഥയിലുള്ള രോഗിയുമായി പോയ ആംബുലന്സിന് സ്കൂട്ടര് യാത്രിക വഴിമുടക്കിയതായി പരാതി. നിരന്തരം ഹോണ് മുഴക്കിയിട്ടും യുവതി വഴി നല്കിയില്ല. ഇന്നലെ കലൂര് മെട്രോ സ്റ്റേഷന് സമീപത്തായിരുന്നു സംഭവം.
കൈ അറ്റുപോയ രോഗിയുമായി ആലുവയിലെ ഒരു സ്വകാര്യ ആശുപത്രിയില് നിന്ന് കൊച്ചിയിലെ മറ്റൊരു ആശുപത്രിയിലേക്ക് പോയ ആംബുലന്സിനാണ് സ്ത്രീ മാര്ഗതടസ്സം സൃഷ്ടിച്ചത്. സംഭവത്തിന്റെ ദൃശ്യങ്ങള് പുറത്തുവന്നിരുന്നു. മഹാരാഷ്ട്ര രജിസ്ട്രേഷനിലുള്ള വാഹനമാണ് യുവതി ഓടിച്ചിരുന്നത്.
അതേസമയം, ആംബുലന്സ് ഡ്രൈവര് പാലാരിവട്ടം പൊലീസ് സ്റ്റേഷനില് എത്തി പരാതി നല്കി. സ്കൂട്ടറിന്റെ രജിസ്ട്രേഷന് നമ്പര് കേന്ദ്രീകരിച്ച് നടത്തിയ അന്വേഷണത്തില് യുവതിയെ തിരിച്ചറിഞ്ഞിട്ടുണ്ട്. ഇവരോട് തിങ്കളാഴ്ച രാവിലെ പൊലീസ് സ്റ്റേഷനില് ഹാജരാകാന് നിര്ദേശിച്ചിട്ടുണ്ട്.