കേന്ദ്ര മന്ത്രി അനില്‍ മാധവ് ദവെ അന്തരിച്ചു

ന്യൂഡല്‍ഹി: കേന്ദ്ര പരിസ്ഥിതി സഹമന്ത്രി അനില്‍ മാധവ് അന്തരിച്ചു. 61 വയസ്സായിരുന്നു. മരണകാരണം ഇതുവരെ വ്യക്തമായിട്ടില്ല. പ്രധാനമന്ത്രി നരേന്ദ്രമോദി അനില്‍മാധവ് ദവെയുടെ വിയോഗത്തില്‍ അനുശോചിച്ചു. ഇന്നലെ ചേര്‍ന്ന കേന്ദ്ര മന്ത്രിസഭായോഗത്തില്‍ ദവെ പങ്കെടുത്തിരുന്നു.

Absolutely shocked by the sudden demise of my friend & a very respected colleague, Environment Minister Anil Madhav Dave ji. My condolences.

— Narendra Modi (@narendramodi) May 18, 2017

മധ്യപ്രദേശിലെ ഉജ്ജയ്നിലെ ബഡ്നാഗറില്‍ 1956-ല്‍ ജനിച്ച സ്വദേശിയായ ദവെ ആര്‍.എസ്.എസിലൂടെയാണ് രാഷ്ട്രീയത്തിലെത്തിയത്.

2009 മുതലാണ് മധ്യപ്രദേശില്‍ നിന്ന് രാജ്യസഭാ എം.പിയായി തെരഞ്ഞെടുക്കപ്പെട്ടത്. കേന്ദ്ര സര്‍ക്കാറിന്റെ ജലവിഭവ കമ്മിറ്റി, വിവര-സംപ്രേഷണ വകുപ്പ് ഉപദേശക കമ്മിറ്റി തുടങ്ങിയവയില്‍ അംഗമായിരുന്നു. കഴിഞ്ഞ വര്‍ഷത്തെ മന്ത്രിസഭാ വിപുലീകരണത്തിലാണ് കേന്ദ്ര മന്ത്രിസഭയില്‍ ഇടംനേടിയത്.