സാമൂഹ്യമാധ്യമങ്ങളില് സര്ക്കാര് ചട്ടലംഘനങ്ങള്ക്ക് വിരുദ്ധമായി സംസാരിച്ചു എന്ന കുറ്റാരോപണത്തില് സര്വീസില് നിന്ന് സസ്പെന്ഡ് ചെയ്യപ്പെട്ട ഡോക്ടര് കെ എം അനില് മുഹമ്മദ് 15 മാസത്തെ സസ്പെന്ഷനു ശേഷം തിരികെ ജോലിയില് പ്രവേശിച്ചു. 2025 മാര്ച്ചിലാണ് അദ്ദേഹത്തെ സസ്പെന്ഡ് ചെയ്തത്. കഴിഞ്ഞ സര്ക്കാര് ആണ് അന്വേഷണം പ്രഖ്യാപിച്ചത്.. അന്വേഷണം മുന്സര്ക്കാരിന്റെ കാലത്ത് തന്നെ പൂര്ത്തിയായി പൂര്ണ്ണമായും കുറ്റവിമുക്തനായതിന്റെ അടിസ്ഥാനത്തിലാണ് അദ്ദേഹത്തെ തിരികെ ജോലിയില് പ്രവേശിപ്പിച്ചത്.
കെഎംഎല്ലില് അസിസ്റ്റന്റ് ജനറല് മാനേജറായി ജോലി ചെയ്യുന്ന അദ്ദേഹം മുന്പ് കയര്ഫെഡ്, ഗ്രാന്ഡ് കേരള ഷോപ്പിംഗ് ഫെസ്റ്റിവല്, ബേക്കല് ടൂറിസം എന്നിവയില് മാനേജിംഗ് ഡയറക്ടറായിരുന്നു. കയര്ഫെഡില് 20 വര്ഷങ്ങള്ക്കു ശേഷം പ്രവര്ത്തന ലാഭം കൈവരിച്ചത് ആ കാലയളവിലായിരുന്നു. കൂടാതെ മികച്ച ഉല്പാദനത്തിനും വിപണനത്തിനും രാഷ്ട്രപതിയുടെ രണ്ട് അവാര്ഡുകളും കയറ്റുമതിക്ക് സംസ്ഥാന സര്ക്കാരിന്റെ പ്രത്യേക അവാര്ഡും അന്ന് ലഭിച്ചിരുന്നു.