തിരുവനന്തപുരം: യൂണിവേഴ്സിറ്റി കോളജില് ഭിന്നശേഷിക്കാരനായ വിദ്യാര്ഥിയെ മര്ദിച്ച കേസില് പ്രതികളായ നാല് എസ്എഫ്ഐ പ്രവര്ത്തകരുടെ മുന്കൂര് ജാമ്യാപേക്ഷ തള്ളി. തിരുവനന്തപുരം എസിജെഎം കോടതിയാണ് അമല് ചന്ദ്, മിഥുന്, അലന് ജമാല്, വിധു ഉദയ എന്നിവരുടെ ജാമ്യാപേക്ഷ തള്ളിയത്.
ഡിസംബര് രണ്ടാം തീയതിയാണ് ഭിന്നശേഷിക്കാരനായ മുഹമ്മദ് അനസിന് മര്ദനമേറ്റത്. ‘ഇടിമുറി’യെന്ന് ഇരട്ട പേരുള്ള യൂണിയന് മുറിയിലേക്ക് വിളിച്ചുകൊണ്ടുപോയി എസ്എഫ്ഐ പ്രവര്ത്തകര് മര്ദിച്ചെന്നായിരുന്നു പരാതി. സംഘടനാ പ്രവര്ത്തനം നടത്തിയില്ലെന്ന് ആരോപിച്ചായിരുന്നു മര്ദനം.