Cricket
തന്നെ എന്തിനാണ് ഇങ്ങനെ ക്രിക്കറ്റിലേക്ക് വലിച്ചിഴക്കുന്നത്; ഗവാസ്കറിനെതിരെ രൂക്ഷ പ്രതികരണവുമായി അനുഷ്ക ശര്മ
ഭര്ത്താവ് കോഹ്ലിയുടെ മോശം പ്രകടനത്തിന്റെ പേരില് തന്നെ എന്തിനാണ് ഇതിലേക്ക് വലിച്ചിഴക്കുന്നതെന്ന് അനുഷ്ക ചോദിച്ചു
മുംബൈ: തന്നെ ക്രിക്കറ്റിലേക്ക് വലിച്ചിഴക്കുന്നതിനെതിരെ രൂക്ഷമായി പ്രതികരിച്ച് ബോളിവുഡ് താരം അനുഷ്ക ശര്മ. ഭര്ത്താവ് കോഹ്ലിയുടെ മോശം പ്രകടനത്തിന്റെ പേരില് തന്നെ എന്തിനാണ് ഇതിലേക്ക് വലിച്ചിഴക്കുന്നതെന്ന് അനുഷ്ക ചോദിച്ചു. തനിക്കെതിരെ മോശം പരാമര്ശം നടത്തിയ മുന് താരം സുനില് ഗവാസ്കറിനെതിരെയും താരം രൂക്ഷമായി പ്രതികരിച്ചു. ഇന്സ്റ്റഗ്രമിലാണ് താരത്തിന്റെ പ്രതികരണം.
കഴിഞ്ഞ ദിവസം കിങ്സ് ഇലവന് പഞ്ചാബിനെതിരെയുള്ള മത്സരത്തില് കോഹ്ലി മോശപ്പെട്ട പ്രകടനമായിരുന്നു കാഴ്ച വെച്ചിരുന്നത്. രണ്ടു ക്യാച്ചുകള് കളഞ്ഞുകുളിക്കുകയും അഞ്ചു പന്തില് നിന്ന് ഒരു റണ് മാത്രം നേടി പുറത്താവുകയും ചെയ്തിരുന്നു. ഇതേ തുടര്ന്ന് കമന്റേറ്ററായ ഗവാസ്കര് കോഹ്ലിയെ പരിഹസിച്ചിരുന്നു. ലോക്ഡൗണ് കാലത്ത് ഭാര്യയും നടിയുമായ അനുഷ്ക ശര്മയുടെ ബൗളിങ്ങുകള് മാത്രമാണ് കോഹ്ലി നേരിട്ടതെന്നായിരുന്നു ഗവാസ്കറിന്റെ പരിഹാസം. കഴിഞ്ഞ മെയിയില് പുറത്തുവന്ന ഒരു വീഡിയോയെ ആധാരമാക്കിയായിരുന്നു ഗവാസ്കറിന്റെ ഈ പരാമര്ശം.
ഗവാസ്കറിന്റെ വാക്കുകള് ഏറെ അരോചകമാണെന്ന് അനുഷ്ക ശര്മ പ്രതികരിച്ചു. ഭര്ത്താവിന്റെ കളിയെ പറ്റി പറയാന് വേണ്ടി തനിക്കെതിരെ പ്രസ്താവന നടത്തിയതിന്റെ വിശദീകരണം താങ്കള് നല്കുമെന്ന് കരുതുന്നുവെന്നും അനുഷ്ക പ്രതികരിച്ചു. കളിയെ കുറിച്ചു പറയുമ്പോഴും താരത്തിന്റെ സ്വകാര്യ ജീവിതത്തിലേക്ക് കടന്നു കയറുന്നത് നല്ലതല്ലെന്ന് പരാമര്ശവും താരം നടത്തി. ‘താങ്കള് അങ്ങനെ ചെയ്യില്ല, കളിക്കാരുടെ സ്വകാര്യ ജീവിതത്തെ ബഹുമാനിക്കുന്ന ആളാണ് താങ്കളെന്ന് എനിക്കുറപ്പുണ്ട്. ആ ബഹുമാനം എനിക്കും നല്കണമെന്ന് നിങ്ങള് കരുതുന്നില്ലേ’-അനുഷ്ക ചോദിച്ചു.
ഭര്ത്താവിന്റെ കളിയെ കുറിച്ച് പറയാന് താങ്കളുടെ മനസില് മറ്റു പല കാര്യങ്ങളും വന്നിട്ടുണ്ടാകാം, പക്ഷേ, എന്റെ പേര് പറഞ്ഞാല് മാത്രമാണോ അവക്ക് പ്രസക്തിയുണ്ടാവുക? അനുഷ്ക ചോദിക്കുന്നു. തനിക്കെതിരെയുള്ള അത്തരം പരാമര്ശങ്ങള് അവസാനിപ്പിക്കണമെന്നും അനുഷ്ക പറഞ്ഞു.
Cricket
ഹിറ്റായി ‘ഹിറ്റ്മാന്’; അന്താരാഷ്ട്ര ക്രിക്കറ്റില് 20,000 റണ്സ് എന്ന ചരിത്രനേട്ടം സ്വന്തമാക്കി രോഹിത് ശര്മ
ലോകക്രിക്കറ്റില് ഈ നേട്ടം കൈവരിക്കുന്ന 14ാമത്തെ താരവും, ഇന്ത്യക്കാരില് നാലാമത്തെ താരവുമാണ് രോഹിത്.
അന്താരാഷ്ട്ര ക്രിക്കറ്റില് മറ്റൊരു പൊന്തൂവല് കൂടി സ്വന്തമാക്കി ഇന്ത്യന് താരം രോഹിത് ശര്മ. മൂന്ന് ഫോര്മാറ്റിലുമായി 20,000 റണ്സ് എന്ന നാഴികക്കല്ലാണ് ‘ഹിറ്റ്മാന്’ പിന്നിട്ടിരിക്കുന്നത്. ലോകക്രിക്കറ്റില് ഈ നേട്ടം കൈവരിക്കുന്ന 14ാമത്തെ താരവും, ഇന്ത്യക്കാരില് നാലാമത്തെ താരവുമാണ് രോഹിത്. വിശാഖപട്ടണത്ത് ദക്ഷിണാഫ്രിക്കയ്ക്കെതിരായ മൂന്നാം ഏകദിനത്തില് 27 റണ്സ് എടുത്തതോടെയാണ് രോഹിത് ഈ ചരിത്രനേട്ടം സ്വന്തമാക്കിയത്.
അന്താരാഷ്ട്ര ക്രിക്കറ്റില് 20,000 റണ്സ് തികയ്ക്കുന്ന നാലാമത്തെ ഇന്ത്യന് താരമാണ് രോഹിത്. നേരത്തെ സച്ചിന് ടെണ്ടുല്ക്കര് (34,357), വിരാട് കോഹ്ലി (27,910), രാഹുല് ദ്രാവിഡ് (24,064) എന്നിവര് റണ്സ് തികച്ചിരുന്നു. നിലവില് 50 സെഞ്ച്വറികളും 110 അര്ധസെഞ്ച്വറികളും രോഹിത്തിന്റെ പേരിലുണ്ട്. സച്ചിനും (100) കോഹ്ലിക്കും (83) ശേഷം അന്താരാഷ്ട്ര ക്രിക്കറ്റില് 50ലധികം സെഞ്ച്വറികള് നേടുന്ന ഏക ഇന്ത്യന് താരം കൂടിയാണ് രോഹിത്.
അതേസമയം, ദക്ഷിണാഫ്രിക്കക്കെതിരായ അവസാനത്തേതും നിര്ണായകവുമായ ഏകദിനത്തില് ഇന്ത്യക്ക് 271 റണ്സ് വിജയലക്ഷ്യം. ടോസ് നഷ്ടമായി ബാറ്റിങ്ങിനിറങ്ങിയ ദക്ഷിണാഫ്രിക്ക 270 ന് ആള് ഔട്ടായി. ഇന്ത്യക്കായി കുല്ദീപ് യാദവും പ്രസിദ് കൃഷ്ണയും നാല് വിക്കറ്റ് വീഴ്ത്തി. സെഞ്ച്വറി നേടിയ(89 പന്തില് 106) ക്വിന്റന് ഡി കോക്കിന്റെ കരുത്തിലാണ് ദക്ഷിണാഫ്രിക്കക്ക് ഭേദപ്പെട്ട സ്കോര് പടുത്തുയര്ത്താനായത്. 21 മത്സരങ്ങള്ക്കിടെയാണ് ഏകദിനത്തില് ഇന്ത്യക്ക് ആദ്യമായി ടോസ് ലഭിക്കുന്നത്.
ആദ്യം ബാറ്റിങിനിറങ്ങിയ ദക്ഷിണാഫ്രിക്കക്ക് കനത്ത തിരിച്ചടി ലഭിച്ചു. ആദ്യ ഓവറില് തന്നെ ഓപ്പണര് റയാന് റിക്കിള്ട്ടനെ നഷ്ടമായി. അര്ഷ്ദീപ് സിങിന്റെ ഓവറില് വിക്കറ്റ് കീപ്പര് കെഎല് രാഹുലിന് ക്യാച്ച് നല്കിയാണ് റിക്കില്ട്ടന് മടങ്ങിയത്. തുടര്ന്ന് രണ്ടാം വിക്കറ്റില് ഡികോക്കും ക്യാപ്റ്റന് ടെംബ ബാവുമയും ചേര്ന്ന് 113 റണ്സ് കൂട്ടിചേര്ത്തെങ്കിലും രവീന്ദ്ര ജഡേജ ബാവുമയെ തിരിച്ചയച്ചു. പിന്നീട് വന്ന ബ്രീറ്റ്സ്കെക്കോ, എയ്ഡന് മാര്ക്രത്തിനെയും പുറത്താക്കി പ്രസിദ്ധ് കൃഷ്ണ ഇന്ത്യയെ കളിയിലേക്ക് മടക്കികൊണ്ടുവന്നു. 29 പന്തില് 29 റണ്സെടുത്ത ഡീവാള്ഡ് ബ്രെവിസിനെയും 15 പന്തില് 17 റണ്സെടുത്ത മാര്കോ യാന്സനെയും 38ാം ഓവറില് തന്നെ കുല്ദീപ് യാദവ് മടക്കി. പിന്നാലെ കോര്ബിന് ബോഷിനെയും, എല്ബിഡബ്ല്യൂവില് കുരുക്കി ലുങ്കി എന്ഗിഡിയെയും കുല്ദീപ് തന്നെ പുറത്താക്കി. രവീന്ദ്ര ജഡേജയും അര്ഷ്ദീപ് സിങും ഓരോ വിക്കറ്റ് വീതം വീഴ്ത്തി.
Cricket
ഇന്ത്യക്ക് 271 റണ്സ് വിജയലക്ഷ്യം, കുല്ദീപിനും പ്രസിദ് കൃഷ്ണയ്ക്കും നാല് വിക്കറ്റ്
സെഞ്ച്വറി നേടിയ(89 പന്തില് 106) ക്വിന്റന് ഡി കോക്കിന്റെ കരുത്തിലാണ് ദക്ഷിണാഫ്രിക്കക്ക് ഭേദപ്പെട്ട സ്കോര് പടുത്തുയര്ത്താനായത്.
ദക്ഷിണാഫ്രിക്കക്കെതിരായ അവസാനത്തേതും നിര്ണായകവുമായ ഏകദിനത്തില് ഇന്ത്യക്ക് 271 റണ്സ് വിജയലക്ഷ്യം. ടോസ് നഷ്ടമായി ബാറ്റിങ്ങിനിറങ്ങിയ ദക്ഷിണാഫ്രിക്ക 270 ന് ആള് ഔട്ടായി. ഇന്ത്യക്കായി കുല്ദീപ് യാദവും പ്രസിദ് കൃഷ്ണയും നാല് വിക്കറ്റ് വീഴ്ത്തി. സെഞ്ച്വറി നേടിയ(89 പന്തില് 106) ക്വിന്റന് ഡി കോക്കിന്റെ കരുത്തിലാണ് ദക്ഷിണാഫ്രിക്കക്ക് ഭേദപ്പെട്ട സ്കോര് പടുത്തുയര്ത്താനായത്. 21 മത്സരങ്ങള്ക്കിടെയാണ് ഏകദിനത്തില് ഇന്ത്യക്ക് ആദ്യമായി ടോസ് ലഭിക്കുന്നത്.
ആദ്യം ബാറ്റിങിനിറങ്ങിയ ദക്ഷിണാഫ്രിക്കക്ക് കനത്ത തിരിച്ചടി ലഭിച്ചു. ആദ്യ ഓവറില് തന്നെ ഓപ്പണര് റയാന് റിക്കിള്ട്ടനെ നഷ്ടമായി. അര്ഷ്ദീപ് സിങിന്റെ ഓവറില് വിക്കറ്റ് കീപ്പര് കെഎല് രാഹുലിന് ക്യാച്ച് നല്കിയാണ് റിക്കില്ട്ടന് മടങ്ങിയത്. തുടര്ന്ന് രണ്ടാം വിക്കറ്റില് ഡികോക്കും ക്യാപ്റ്റന് ടെംബ ബാവുമയും ചേര്ന്ന് 113 റണ്സ് കൂട്ടിചേര്ത്തെങ്കിലും രവീന്ദ്ര ജഡേജ ബാവുമയെ തിരിച്ചയച്ചു. പിന്നീട് വന്ന ബ്രീറ്റ്സ്കെക്കോ, എയ്ഡന് മാര്ക്രത്തിനെയും പുറത്താക്കി പ്രസിദ്ധ് കൃഷ്ണ ഇന്ത്യയെ കളിയിലേക്ക് മടക്കികൊണ്ടുവന്നു. 29 പന്തില് 29 റണ്സെടുത്ത ഡീവാള്ഡ് ബ്രെവിസിനെയും 15 പന്തില് 17 റണ്സെടുത്ത മാര്കോ യാന്സനെയും 38ാം ഓവറില് തന്നെ കുല്ദീപ് യാദവ് മടക്കി. പിന്നാലെ കോര്ബിന് ബോഷിനെയും, എല്ബിഡബ്ല്യൂവില് കുരുക്കി ലുങ്കി എന്ഗിഡിയെയും കുല്ദീപ് തന്നെ പുറത്താക്കി. രവീന്ദ്ര ജഡേജയും അര്ഷ്ദീപ് സിങും ഓരോ വിക്കറ്റ് വീതം വീഴ്ത്തി.
Cricket
കളത്തിലും ഗൂഗിളിലും ട്രെന്ഡ്; ഇന്ത്യക്കാര് ഏറ്റവും കൂടുതല് തിരഞ്ഞത് വൈഭവിനെ
കൗമാരക്കാരനായ ബാറ്റിംഗ് പ്രതിഭ 2025-ല് ഇന്ത്യ ഏറ്റവും കൂടുതല് തിരയുന്ന വ്യക്തിത്വമായി മാറി.
വൈഭവ് സൂര്യവംശി കളത്തില് റെക്കോര്ഡുകള് തകര്ക്കുക മാത്രമല്ല ചെയ്തത്. ഇന്ത്യന് പ്രീമിയര് ലീഗിലും (ഐപിഎല്), ഇന്ത്യ എയിലും ഏജ്-ഗ്രൂപ്പ് ക്രിക്കറ്റിലും തന്റെ ഇടിവെട്ട് ബാറ്റിങ് കാഴ്ചവെച്ചതോടെ കൗമാരക്കാരനായ ബാറ്റിംഗ് പ്രതിഭ 2025-ല് ഇന്ത്യ ഏറ്റവും കൂടുതല് തിരയുന്ന വ്യക്തിത്വമായി മാറി.
വെറും 14 വയസ്സുള്ളപ്പോള്, സൂര്യവംശി ഇന്ത്യന് ക്രിക്കറ്റിലെ ഏറ്റവും കൂടുതല് ചര്ച്ച ചെയ്യപ്പെടുന്ന യുവ ബാറ്റ്സ്മാനായി ഉയര്ന്നു. ഐപിഎല്ലില് ഗുജറാത്ത് ടൈറ്റന്സിനെതിരെ രാജസ്ഥാന് റോയല്സിനായി 38 പന്തില് 101 റണ്സ് അടിച്ചുകൂട്ടി – ടി20 സെഞ്ച്വറി നേടുന്ന ഏറ്റവും പ്രായം കുറഞ്ഞ പുരുഷ താരമായി മാറിയപ്പോള് ഇടംകൈയ്യന് ദേശീയ വേദിയിലേക്ക് പൊട്ടിത്തെറിച്ചു. 11 സിക്സറുകളും ഏഴ് ബൗണ്ടറികളും അടങ്ങുന്ന അദ്ദേഹത്തിന്റെ സ്ഫോടനാത്മക ഇന്നിംഗ്സ്, വെറും 35 പന്തില് സെഞ്ച്വറിയിലെത്തി – ഐപിഎല് ചരിത്രത്തിലെ രണ്ടാമത്തെ വേഗതയേറിയതും ഒരു ഇന്ത്യക്കാരന്റെ ഏറ്റവും വേഗതയേറിയതും.
എന്നാല് 2025 ലെ അദ്ദേഹത്തിന്റെ നേട്ടങ്ങള് ഫ്രാഞ്ചൈസി ക്രിക്കറ്റില് മാത്രം ഒതുങ്ങിയില്ല. റൈസിംഗ് സ്റ്റാര്സ് ഏഷ്യാ കപ്പില് ഇന്ത്യ എയെ പ്രതിനിധീകരിച്ച് യുണൈറ്റഡ് അറബ് എമിറേറ്റ്സിനെതിരെ 32 പന്തില് സെഞ്ച്വറി നേടിയ അദ്ദേഹം 15 സിക്സറുകളും 11 ബൗണ്ടറികളും സഹിതം ഇന്നിംഗ്സിനെ തകര്ത്തു.
ആഭ്യന്തര മേഖലയില് സൂര്യവംശി ബീഹാറിന് വേണ്ടി തിളങ്ങി. 2025-26 രഞ്ജി ട്രോഫിയിലെ ടീമിന്റെ ആദ്യ രണ്ട് മത്സരങ്ങളില് വൈസ് ക്യാപ്റ്റനായി തിരഞ്ഞെടുക്കപ്പെട്ടു, മത്സരത്തിന്റെ ചരിത്രത്തിലെ ഏറ്റവും പ്രായം കുറഞ്ഞ വൈസ് ക്യാപ്റ്റനായി. മഹാരാഷ്ട്രയ്ക്കെതിരെ ബീഹാറിന് വേണ്ടി 61 പന്തില് പുറത്താകാതെ 108 റണ്സ് നേടിയ അദ്ദേഹം സയ്യിദ് മുഷ്താഖ് അലി ട്രോഫിയില് സെഞ്ച്വറി നേടുന്ന ഏറ്റവും പ്രായം കുറഞ്ഞ കളിക്കാരനായി.
-
kerala1 day agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
kerala2 days agoപിഎം ശ്രീ- ജോണ് ബ്രിട്ടാസ് വിവാദം: ‘ഇനിയും എത്ര പാലങ്ങള് വേണോ അത്രയും പാലങ്ങള് ഉണ്ടാക്കും, അതുകൊണ്ട് എന്താണ് കുഴപ്പം?’: എം.വി ഗോവിന്ദന്
-
kerala2 days agoസംഘടനാപരമായ പ്രവര്ത്തനങ്ങള്ക്കുള്ള പിന്തുണ മാത്രമേ ഇതുവരെ രാഹുലിന് ഞാന് നല്കിയിട്ടുള്ളൂ: ഷാഫി പറമ്പില്
-
GULF2 days agoഒരു മാസം എനിക്ക് അന്നം തന്നവരാണ് KMCC, കൊറോണ കാരണം ജോലി പോയപ്പോൾ അവരാണ് സഹായിച്ചത്: ഡാബ്സി
-
kerala2 days agoസ്വര്ണക്കൊള്ള ഒരു ജനതയുടെ നെഞ്ചിനേറ്റ മുറിവ്
-
kerala3 days agoബിജെപിയോ സിജെപിയോ…? ഇടുക്കിയില് ബിജെപിക്കായി വോട്ടുപിടിക്കാനിറങ്ങി സിപിഎം മുന് എംഎല്എ
-
india2 days agoമദ്യം വാങ്ങാന് പണം നിഷേധിച്ചതിനെ തുടര്ന്ന് അമ്മയെ തീകൊളുത്തിയ മകന് അറസ്റ്റില്
-
Sports2 days agoട്വന്റി20 ക്രിക്കറ്റിലേക്ക് രോഹിത് ശര്മ്മയുടെ തിരിച്ചുവരവ്; സയ്യിദ് മുഷ്താഖ് അലി ട്രോഫിയില്