india
പി എം കിസാന് പദ്ധതിയുടെ ആനുകൂല്യത്തിനായി ഇപ്പോള് അപേക്ഷിക്കാം
പി എം കിസാന് പദ്ധതിയുടെ ആനുകൂല്യം തുടര്ന്നും ലഭിക്കുന്നതിനായി 31/12/2022 ന് മുന്പായി പദ്ധതി ഗുണഭോക്താക്കള് താഴെ പറയുന്നവ പൂര്ത്തീകരിക്കേണ്ടതാണ്.
രാജ്യത്തെ ചെറുകിട നാമമാത്ര കര്ഷകരുടെ ഉന്നമനത്തിനായി 2018 ഡിസംബര് ഒന്നുമുതല് കേന്ദ്ര സര്ക്കാര് നടപ്പിലാക്കി വരുന്ന പദ്ധതിയാണ് പ്രധാന മന്ത്രി കിസാന് സമ്മാന് നിധി പി എം കിസാന് (PMKISAN) എന്ന ചുരുക്ക പേരില് അറിയപ്പെടുന്ന ഈ പദ്ധതി പ്രകാരം ഗുണഭോക്താക്കളായ കര്ഷകര്ക്ക് വര്ഷത്തില് 3 തവണയായി 6000 രൂപ അവരുടെ ബാങ്ക് അക്കൗണ്ടില് നേരിട്ട് നല്കുന്നു.
പി എം കിസാന് പദ്ധതിയുടെ ആനുകൂല്യം തുടര്ന്നും ലഭിക്കുന്നതിനായി 31/12/2022 ന് മുന്പായി പദ്ധതി ഗുണഭോക്താക്കള് താഴെ പറയുന്നവ പൂര്ത്തീകരിക്കേണ്ടതാണ്:
1.പദ്ധതിയുടെ ആനുകൂല്യം ലഭിക്കുന്നതിന് കര്ഷകര് അവരുടെ ബാങ്ക് അക്കൗണ്ടുകള് ആധാറുമായി ബന്ധിപ്പിക്കേണ്ടതാണ്.
2.കൃഷി ഭൂമി സംബന്ധിച്ച വിവരങ്ങള്
a.ReLIS പോര്ട്ടലില് ഉള്ളവര്
പി എം കിസാന് ഗുണഭോക്താക്കള്, അവരവരുടെ സ്വന്തം കൃഷി ഭൂമിയുടെ വിവരങ്ങള് സമര്പ്പിക്കേണ്ടതുണ്ട്. ഇതിനായി സംസ്ഥാന കൃഷി വകുപ്പിന്റെ ‘എയിംസ് ‘(AIMS ) പോര്ട്ടലില് സൗകര്യം ഒരുക്കിയിട്ടുണ്ട്. പി എം കിസാന് ആനുകൂല്യം തുടര്ന്ന് ലഭ്യമാകുന്നതിനായി എല്ലാ പി എം കിസാന് ഗുണഭോക്താക്കളും എയിംസ് പോര്ട്ടലില് സ്വന്തം പേരിലുള്ള ഭൂമിയുടെ വിവരങ്ങള് അടിയന്തരമായി ചേര്ക്കേണ്ടതാണ്.
b. ReLIS പോര്ട്ടലില് ഇല്ലാത്തവര്
ഞലഘകട പോര്ട്ടലില് ഇല്ലാത്ത ഗുണഭോക്താക്കള്ക്ക് അവരുടെ അപേക്ഷയും സ്ഥല വിവരങ്ങള്- പട്ടയം/ ആധാരം / വനാവകാശ രേഖ എന്നിവ നേരിട്ട് കൃഷി ഭവനില് സമര്പ്പിക്കേണ്ടതാണ്.
3. e-KYC പൂര്ത്തീകരിക്കല്
പി എം കിസാനില് രജിസ്റ്റര് ചെയ്ത കര്ഷകര്ക്ക് e-KYC നിര്ബന്ധമാക്കിയിട്ടുണ്ട്. ആയതിനാല് എല്ലാ പി എം കിസാന് ഗുണഭോക്താക്കളും 2022 ഡിസംബര് 31നു മുന്പായി നേരിട്ട് പി എം കിസാന് പോര്ട്ടല് വഴിയോ അക്ഷയ സി എസ് സി തുടങ്ങിയ ജനസേവന കേന്ദ്രങ്ങള് വഴിയോe-KYC ചെയ്യേണ്ടതാണ്.
4.Direct Benefit Transfer ലഭിക്കുന്നതിനായി എല്ലാ പി എം കിസാന് ഗുണഭോക്താക്കളും അവരവരുടെ ബാങ്ക് അക്കൗണ്ട് ബാങ്കുമായി ചേര്ന്നു സജ്ജീകരിക്കേണ്ടതാണ്.
5.ഇതുവരെയും പി എം കിസാന് പദ്ധതിയില് ചേര്ന്നിട്ടില്ലാത്ത അര്ഹതയുള്ള കര്ഷകര് സ്വന്തമായോ, അക്ഷയ / പൊതു സേവന കേന്ദ്രങ്ങള് എന്നിവ വഴിയോ ഓണ്ലൈന് അപേക്ഷ സമര്പ്പിക്കേണ്ടതാണ്.
india
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി
ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്.
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി. മൊറാദാബാദ് സ്വദേശി സര്വേഷ് സിംഗ് ആണ് ജോലിഭാരം താങ്ങാനാവാതെ ജീവനൊടുക്കിയത്. ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്. ബഹേറി ഗ്രാമത്തിലെ വീട്ടിലാണ് തൂങ്ങിമരിച്ചത്. ഉത്തര്പ്രദേശിലെ ബിഎല്ഒയുടെ മൂന്നാമത്തെ ആത്മഹത്യയാണ് റിപ്പോര്ട്ട് ചെയ്തിരിക്കുന്നത്. പ്രൈമറി സ്കൂള് അധ്യാപകനാണ് ആത്മഹത്യ ചെയ്ത സര്വ്വേഷ് സിംഗ്
india
തമിഴ്നാട്ടില് സര്ക്കാര് ബസുകള് കൂട്ടിയിടിച്ച് അപകടം; 11 മരണം, നിരവധിപേര്ക്ക് ഗുരുതര പരിക്ക്
ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്.
തമിഴ്നാട്ടില് ബസുകള് കൂട്ടിയിടിച്ച് 11 മരണം. നിരവധിപേര്ക്ക് ഗുരുതര പരിക്കേറ്റിട്ടുണ്ട്. ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്. തിരുപ്പത്തൂര് കാരക്കുടി റോഡില് പിള്ളയാര്പട്ടിക്ക് സമീപം കുമ്മങ്കുടിയിലാണ് അപകടമുണ്ടായത്.
തിരുപ്പൂത്തൂരില് നിന്ന് കാരക്കുടിയിലേക്ക് വരികയായിരുന്ന ബസും കാരക്കുടിയില് നിന്ന് ദിണ്ഡിഗലിലേക്ക് വരികയായിരുന്ന ബസും കുമ്മങ്കുടി പാലത്തിന് സമീപം നേര്ക്കുനേര് ഇടിക്കുകയായിരുന്നു.
india
ദലിത് സ്ത്രീയെ സ്കൂളില് പാചകം ചെയ്യുന്നത് തടഞ്ഞ സംഭവം; ആറുപേര്ക്ക് ജയില് ശിക്ഷ
ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം.
തമിഴ്നാട്ടിലെ തിരുപ്പൂരില് സര്ക്കാര് സ്കൂളിലെ പാചകത്തൊഴിലാളിയായ ദലിത് സ്ത്രീയെ സ്കൂളില് പാചകം ചെയ്യുന്നതില് നിന്ന് തടഞ്ഞ ആറുപേര്ക്ക് കോടതി രണ്ടു വര്ഷത്തെ ജയില് ശിക്ഷ വിധിച്ചു. ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം. കുട്ടികള്ക്ക് ആഹാരമുണ്ടാക്കുന്നത് ദലിത് സ്ത്രീയായതിനാല് അനുവദിക്കില്ലെന്ന തീരുമാനമെടുത്ത് നാട്ടുകാരായ നിരവധിയാളുകള് ചേര്ന്ന് ഇവരെ തടയുകയായിരുന്നു.
35 പേരായിരുന്നു കേസില് പ്രതികളായത്. ഇതില് 25 പേരെ എസ്.സിഎസ്.ടി പ്രത്യേക കോടതി വെറുതെവിട്ടു. നാലുപേര് കേസിന്റെ വിചാരണക്കിടെ മരണപ്പെട്ടു. സ്കൂളിലെ വിദ്യാര്ഥികളുടെ രക്ഷിതാക്കളായ ആറുപേരെയാണ് കോടതി രണ്ടു വര്ഷത്തെ തടവിന് ശിക്ഷിച്ചത്. പളനിസ്വാമി ഗൗണ്ടര്, എന്. ശക്തിവേല്, ആര്. ഷണ്മുഖം, എ. ദുരൈസ്വാമി, സി. വെള്ളിങ്കിരി, വി. സീതാലകഷ്മി എന്നിവരെയാണ് കോടതി രണ്ടുവര്ഷത്തെ തടവിന് ശിക്ഷിച്ചത്.
സ്കൂളില് സംഭവം ഉണ്ടായതോടെ ദലിത് സ്?ത്രീയെ സ്കൂള് അധികൃതര് സ്ഥലം മാറ്റിയിരുന്നു. ഇതിനെതിരെയും ജാതീയ അധിക്ഷേപത്തിനെതിരെയും തമിഴ്നാട് തൊട്ടുകൂടായ്മ നിര്മാര്ജന സമിതി സമരവുമായി രംഗത്ത് വന്നിരുന്നു. പിന്നീട് തിരുമല സ്വദേശിയായ പപ്പല് എന്നയാളാണ് കോടതിയില് കേസ് നല്കിയത്. ഇതെത്തുടര്ന്ന് ചേവായുര് പൊലീസ് കേസെടുത്തു. എസ്.സിഎസ്.ടി നിയമത്തിലെ വിവിധ വകുപ്പുകള് ചേര്ത്ത് 35 പേര്ക്കെതിരെയാണ് കേസെടുത്തത്. ഇതില് നാലുപേര് മരണമടഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്