Connect with us

Video Stories

ലക്ഷ്യം ന്യൂനപക്ഷ ശാക്തീകരണം തടയല്‍

Published

on

ഡോ. ഹുസൈന്‍ മടവൂര്‍

ഇന്ത്യാ രാജ്യത്തിന്റെ ചരിത്രവും സംസ്‌കാരവും ബഹുസ്വരതയാണ്. ഹിന്ദുമതം എന്ന് വിളിക്കപ്പെട്ടതും വിവിധ സരണികളും ദര്‍ശനങ്ങളുമെല്ലാം ചേര്‍ന്ന വൈവിധ്യമാണ്. പിന്നീട് രൂപപ്പെട്ട ബുദ്ധ-ജൈന മതങ്ങളും ആശയ പ്രചാരണങ്ങളിലൂടെ പരസ്പരം കൊടുക്കല്‍ വാങ്ങലുകളുമായി ഒന്നിച്ചു വളര്‍ന്നതാണെന്നു കാണാം. ജൂത-ക്രൈസ്്തവ-ഇസ്്‌ലാം മതങ്ങളുടെ ആഗമനങ്ങളെയും ബഹുസ്വര സംസ്‌കൃതിയുടെ തുടര്‍ച്ചയായി വേണം കാണാന്‍. ദ്രാവിഡ സമൂഹത്തിലേക്ക് ആര്യന്മാരുടെ കടന്നുവരവ് ഉള്‍പ്പെടെ മേല്‍പറഞ്ഞ ഒന്നിനെയും വൈദേശികം പ്രാദേശികം എന്നു പറഞ്ഞ് മാറ്റി നിര്‍ത്താനാവില്ല.

എല്ലാ മതങ്ങളെയും സ്വാംശീകരിച്ചതും ഉള്‍ക്കൊണ്ട് ജീവിക്കുന്നതും ഭാരതീയരാണ്. എല്ലാ മത-ജാതി-ഉപജാതി ധാരകളുടെയും നാനാത്വത്തില്‍ ഏകത്വമാണ് രാജ്യത്തിന്റെ ആത്മാവ്. ഇതു നിലനിന്നു കാണണമെന്നാണ് ഗാന്ധിജിയും നെഹ്്‌റുവും പട്ടേലും ആസാദും അലി സഹോദരന്മാരും ഖാഇദെമില്ലത്തും ഉള്‍പ്പെടെയുള്ള രാഷ്ട്ര ശില്‍പികളും ആഗ്രഹിച്ചത്.
ഭരണഘടന നിര്‍മ്മിച്ചപ്പോള്‍ മതേതരത്വവും എല്ലാവര്‍ക്കും തുല്യ പരിഗണനയും ഉറപ്പാക്കിയതും യാഥാര്‍ത്ഥ്യങ്ങളെ ഉള്‍ക്കൊണ്ടു തന്നെയാണ്. നാനാത്വത്തില്‍ ഏകത്വമെന്ന അടിസ്ഥാന ശിലയില്‍ കെട്ടിപ്പടുത്ത ഭരണഘടനയില്‍ ന്യൂനപക്ഷ അവകാശങ്ങള്‍ ഉറപ്പാക്കിയതും ബഹുസ്വരതയുടെ സൗന്ദര്യത്തെ സ്വാംശീകരിച്ചാണ്.

ആധുനിക സമൂഹ്യ ക്രമത്തില്‍ രാഷ്ട്രത്തിന്റ മഹത്വവും നിലനില്‍പും ന്യൂനപക്ഷങ്ങളെ അംഗീകരിക്കുന്നതിലാണെന്ന് പൊളിറ്റിക്കല്‍ സയന്‍സിന്റെ ബാലപാഠമാണ്. മതം, ജാതി, ഭാഷ, സംസ്‌കാരം എന്നിവയുടെ പേരിലെല്ലാം ന്യൂനപക്ഷമായവരെ മുഖ്യധാരയോട് ചേര്‍ത്തു നിര്‍ത്താന്‍ പ്രത്യേക പരിഗണന ഭരണഘടന ഉറപ്പാക്കിയതും അതിന്റെ സത്ത ഉള്‍കൊള്ളാന്‍ മാറിമാറി വരുന്ന സര്‍ക്കാറുകള്‍ തയ്യാറായി എന്നതും മനുഷ്യകുലത്തിന്റെയും ഭാരതീയ സംസ്‌കാരങ്ങളുടെയും വളര്‍ച്ചയും മെച്യുരിറ്റിയുമാണ് അടയാളപ്പെടുത്തുന്നത്.

 
ന്യൂനപക്ഷത്തോടൊപ്പം പരിഗണിക്കപ്പെടേണ്ടതാണ് പിന്നാക്കക്കാരായ പട്ടികജാതി-വര്‍ഗ വിഭാഗങ്ങളും ഗോത്ര സമൂഹങ്ങളും. മുസ്്‌ലിംകള്‍ ഒരേ സമയം ന്യൂനപക്ഷവും പിന്നാക്കവുമാണ്. രണ്ടു രീതിയിലും പരിഗണനയും നീതിയും ലഭിക്കേണ്ട വിഭാഗം. പക്ഷെ, പലപ്പോഴും നിയമം വ്യാഖ്യാനിക്കുന്നവരും നടപ്പാക്കുന്നവരും അവരെ ദ്രോഹിക്കുകയും വളര്‍ച്ച തടയുകയും ജീവിതം ദുസ്സഹമാക്കുകയും ചെയ്യുന്ന നിലപാടാണ് എല്ലാ കാലത്തും ഏറിയോ കുറഞ്ഞോ സ്വീകരിച്ചത്. കൂടുതല്‍ പരിഗണന ലഭിക്കേണ്ടവരായിട്ടും മുസ്്‌ലിം-ദലിത് വിഭാഗത്തിലുള്ളവരോട് അവഗണനയും ദ്രോഹവും തുടരുകയും ചെയ്യുന്നു.

 
രാജ്യത്തെ ജയിലുകളില്‍ ഭൂരിപക്ഷവും മുസ്്‌ലിം-ദലിത് വിഭാഗങ്ങളില്‍ പെട്ട സാമൂഹ്യ പ്രവര്‍ത്തകരാണ്. അവരവരുടെ സാമൂഹ്യ വ്യവസ്ഥിതിയെ ഉള്‍കൊണ്ട് നാടിന്റെ വളര്‍ച്ചക്കായി പലവിധത്തില്‍ പ്രവര്‍ത്തിക്കുന്നവരെ കുറ്റവാളികളെപോലെ കണ്ട് കൈകാര്യം ചെയ്യുന്നു. കരിനിയമങ്ങള്‍ ചുമത്തി കേസെടുത്ത് വിചാരണ പോലുമില്ലാതെ ജയിലറയില്‍ തള്ളുന്നു. പശുവിന്റെ വിലപോലും നല്‍കാതെ ദലിതുകളെ മാനസികവും കായികവുമായി തകര്‍ക്കുന്നു. ഇതിന്റെ ഒടുവിലെ ഉദാഹരണമാണ് സാകിര്‍നായിക്ക് ഉള്‍പ്പെടെയുള്ള മത പ്രബോധകര്‍ക്കെതിരെ ഊഹാപോഹങ്ങള്‍ മറയാക്കി നടത്തുന്ന നീക്കങ്ങള്‍.

മഹാരാഷ്ട്ര സര്‍ക്കാറും പൊലീസും സാകിര്‍നായികിനെതിരെ തെളിവില്ലെന്ന് പറയുകയും എന്തു കുറ്റം ആരോപിച്ചാലും നിരപരാധിത്വം കോടതിയില്‍ തെളിയിക്കാന്‍ തയ്യാറാണെന്ന് അദ്ദേഹം ആവര്‍ത്തിക്കുകയും ചെയ്തിട്ടും ഒരു പൗരന് ലഭിക്കേണ്ട സ്വാഭാവിക നീതി നിഷേധിക്കുന്നുവെന്നതാണ് പ്രശ്‌നത്തിന്റെ കാതല്‍. ദേശീയ തലത്തില്‍ ശക്തിപ്പെട്ട സംഭവങ്ങളുടെ തുടര്‍ച്ചയായി കേരളത്തിലും അത്തരം പ്രവണതള്‍ കണ്ടുതുടങ്ങിയെന്നത് നിസ്സാരമല്ല. പ്രമുഖ പ്രബോധകനായ എം.എം അക്ബറിന് എതിരെയുണ്ടായ നീതി നിഷേധവും ഈ അര്‍ത്ഥത്തില്‍ വേണം കാണാന്‍.

അദ്ദേഹം പതിറ്റാണ്ടുകളായി പൊതുജന മധ്യേ സുതാര്യമായി മത പ്രബോധനം നടത്തുന്ന വ്യക്തിയാണ്. അദ്ദേഹത്തിന്റെ കൃതികളും പ്രഭാഷണങ്ങളും ഏതെങ്കിലും മതത്തേയോ വിഭാഗത്തേയോ അവഹേളിക്കുന്നതായോ മോശമാക്കിയതായോ ഇന്നേവരെ ഒരു പരാതിയുമില്ല. വിവിധ മത ഗ്രന്ഥകളെ വിശകലനം ചെയ്തും സ്വാംശീകരിച്ചും എം.എം അക്ബര്‍ നടത്തുന്ന പ്രബോധന ശൈലി ആരെയും വ്രണപ്പെടുത്തിയതായി ഒരു തെളിവുമില്ല. സാമൂഹ്യ നന്മക്കും സമാധാന സന്ദേശ പ്രചാരണത്തിനും വിലപ്പെട്ട സംഭാവന നല്‍കിയ എം.എം അക്ബറിനെ നിയമപാലകര്‍ സംശയത്തിന്റെ മുള്‍മുനയില്‍ നിര്‍ത്തുന്നത് അനീതിയല്ലെങ്കില്‍ മറ്റെന്താണ്.

 
മുസ്്‌ലിം സ്ഥാപനങ്ങള്‍ക്ക് നേരെ പൊലീസ് നടത്തുന്ന അമിതാവേശവും ഇതിന്റെ മറ്റൊരു പകര്‍പ്പാണ്. രാജ്യത്ത് ഹൈന്ദവനും ക്രൈസ്തവനും മുസല്‍മാനുമെല്ലാം സ്വന്തമായ സ്ഥാപനങ്ങള്‍ ഉണ്ട്. വിദ്യാഭ്യാസ-സാമൂഹ്യ പുരോഗതി ലക്ഷ്യമിട്ട് നിയമാനുസൃതമായാണ് എല്ലാവരും പ്രവര്‍ത്തിക്കുന്നത്. ഹിന്ദുവും മുസ്്‌ലിമും ക്രൈസ്തവനുമെല്ലാം സ്വന്തമായി സ്ഥാപിച്ചിട്ടുള്ള വിദ്യാഭ്യാസ സ്ഥാപനങ്ങളില്‍ എല്ലാവര്‍ക്കും പ്രവേശനം നല്‍കുന്നുണ്ടെന്നത് വിമര്‍ശകര്‍ മനസിലാക്കണം. അവരവരുടെ മതത്തെയും സംസ്‌കാരത്തെയും കുറിച്ചും അത്തരം സ്ഥാപനങ്ങളില്‍ എല്ലാ വിഭാഗവും പഠിപ്പിക്കുന്നത് രാജ്യത്തെ ഭരണഘടന ഉറപ്പു നല്‍കുന്ന നിയമത്തിന്റെ പരിധിയില്‍ നിന്നാണ്.

 
ന്യൂനപക്ഷ വിഭാഗം എന്ന നിലക്ക് വിദ്യാഭ്യാസ പ്രബോധന സ്ഥാപനങ്ങള്‍ സ്ഥാപിക്കാനും നടത്താനും പ്രത്യേക അവകാശവും രാജ്യത്തെ മുസ്്‌ലിംകള്‍ക്ക് ഭരണഘടന ഉറപ്പു നല്‍കുന്നുണ്ട്. വഖഫും സ്വദഖയും ഉപയോഗിച്ച് സമൂഹ നന്മക്കായി മുസ്്‌ലിംകള്‍ കെട്ടിപ്പടുത്ത പല സ്ഥാപനങ്ങളിലും ഇതര വിഭാഗങ്ങളാണ് കൂടുതലും പഠിക്കുന്നത്. ഫറൂഖ് കോളജ്്, തിരൂരങ്ങാടി പി.എസ്.എം.ഒ, അരീക്കോട് സുല്ലമുസ്സലാം, വെള്ളിമാടുകുന്ന് ജെ.ഡി.റ്റി ഇസ്്‌ലാം, എം.ഇ.എസ് സ്ഥാപനങ്ങള്‍ എന്നിവയൊക്കെ പരിശോധിച്ചാല്‍ അതു ബോധ്യപ്പെടും. മറ്റുമതസ്ഥര്‍ക്ക് ഐത്തം കല്‍പിക്കുന്നതോ വിദ്വേഷം പഠിപ്പിക്കുന്നതോ ആയ ഒരു സ്ഥാപനവും കേരളത്തില്‍ മുസ്്‌ലിംകളുടേതായി ഇല്ലെന്ന് തീര്‍ത്തു പറയാനാവും.

 
പക്ഷെ, എല്ലാ വസ്തുതകളും നിയമവും നീതിയും കാറ്റില്‍ പറത്തി ഒരു വിഭാഗം നിയമപാലകര്‍ മുസ്്‌ലിം സ്ഥാപനങ്ങളെ വേട്ടയാടുകയാണ്. എറണാകുളത്തെ പീസ് സ്‌കളില്‍ ഏതോ പാഠപുസ്തകത്തിലെ ഒരു പരാമര്‍ശത്തിന്റെ പേരിലാണത്രെ ജാമ്യം പോലും ലഭിക്കാത്ത വകുപ്പില്‍ പെടുത്തി നടപടിയെടുത്തത്. പാഠപുസ്തകത്തിലോ കരിക്കുലത്തിലോ അപാകതയുണ്ടെന്ന് കണ്ടാല്‍ അതു തിരുത്തിക്കാന്‍ അധികൃതര്‍ക്ക് അവകാശമുണ്ട്. പക്ഷെ, അതിനു പകരം മറ്റെന്തോ താല്‍പര്യം സംരക്ഷിക്കാനാണ് ശ്രമം. പീസ് സ്‌കൂളിലെ കരിക്കുലത്തിലോ പാഠപുസ്തകത്തിലോ എന്തെങ്കിലും അപാകതയുണ്ടെങ്കില്‍ തിരുത്തിക്കുന്നതിനോ നിയമാനുസൃത നടപടിക്കോ ആരും എതിരല്ല. അതിന്റെ പേരില്‍ നടക്കുന്ന നിയമവിരുദ്ധ ദ്രോഹനടപടിയാണ് പ്രശ്‌നം.

 
തന്റെ മതമാണ് ശരിയെന്ന് പറയാനും പ്രചരിപ്പിക്കാനും രാജ്യത്തെ നിയമം അനുവദിക്കുന്നുണ്ട്. എന്റെ രാഷ്ട്രീയമാണ്-രാജ്യമാണ്-നേതാവാണ്-ആശയമാണ് ശരിയെന്ന് ഗാന്ധിയനും കമ്മ്യൂണിസ്റ്റിനും മതവിശ്വാസിക്കുമെല്ലാം വിശ്വസിക്കുകയും പ്രചരിപ്പിക്കുകയും ആവാം. പക്ഷെ, മറ്റു വിഭാഗക്കാര്‍ക്കെതിരായ വിദ്വേഷ പ്രചാരണവും അവരുടെ ചിഹ്നങ്ങളെ അവഹേളിക്കുന്നതും സ്വത്വം ഉയര്‍ത്തിപ്പിടിക്കുന്നതും വേര്‍തിരിച്ച് മനസ്സിലാക്കുകയും വേണം. കേരളത്തില്‍ പ്രവര്‍ത്തിക്കുന്ന ഒരു മുഖ്യധാരാ മുസ്്‌ലിം സംഘടനയും ഭീകതയോടോ തീവ്രവാദത്തോടോ സന്ധി ചെയ്തിട്ടില്ല. ഒറ്റക്കും കൂട്ടായും അത്തരം ദുഷ്പ്രവണതകള്‍ക്കെതിരെ എല്ലാവരും ക്യാമ്പയിന്‍ നടത്തുകയും പ്രവര്‍ത്തിക്കുകയും ചെയ്യുന്നുണ്ട്.

 
ആഗോള ഭീകര സംഘമായ ഐ.എസിനെയുള്‍പ്പെടെ തള്ളിപ്പറയാനും എതിരിടാനും കേരളത്തിലെ എല്ലാ സംഘടനകളും ഒരൊറ്റ മനസ്സാണ്. അക്കാര്യത്തില്‍ സലഫി പ്രസ്ഥാനങ്ങളെ പ്രതിക്കൂട്ടില്‍ നിര്‍ത്താനുള്ള ഒറ്റപ്പെട്ട ശ്രമങ്ങളിലെ പൊള്ളത്തരവും കാര്യങ്ങളെ ശരിയായി വിലയിരുത്തിയാല്‍ ബോധ്യപ്പെടും. ലോക മുസ്്‌ലിം ഉമ്മത്ത് തള്ളിക്കളഞ്ഞ അക്രമക്കൂട്ടമായ ഐ.എസിലേക്ക് മുസ്്‌ലിംകളെ ചാരി നേട്ടംകൊയ്യാനുള്ള ചിലരുടെ നീക്കങ്ങള്‍ നേരത്തെ സൂചിപ്പിച്ചപോലെ, ഇന്ത്യന്‍ മുസ്‌ലിം ശാക്തീകരണവും വളര്‍ച്ചയും തടയാനുള്ള നീക്കമാണ്.

15 കോടിയോളം വരുന്ന ഇന്ത്യന്‍ മുസ്്‌ലിംകളില്‍ വിരലിലെണ്ണാവുന്ന ചിലര്‍ക്ക് വഴിതെറ്റിയെന്ന് കണ്ടാല്‍ തന്നെ അതു തിരുത്താന്‍ മുസ്്‌ലിം സംഘടകള്‍ നടത്തുന്ന ആത്മാര്‍ത്ഥ ശ്രമങ്ങളെ മുഖവിലക്കെടുത്ത് പിന്തുണക്കുകയാണ് അധികൃതര്‍ക്ക് കരണീയം.

അത്തരക്കാരെ ചര്‍ച്ചയിലൂടെ തിരുത്തി നേര്‍വഴിയിലേക്ക് എത്തിക്കാനുള്ള ശ്രമങ്ങള്‍ക്ക് പകരം നിയമം കയ്യിലെടുക്കുന്ന നിയമ പാലകരുടെ അമിതാവേശം വിപരീത ഫലമാണുണ്ടാക്കുക. മുസ്്‌ലിം-ദലിത്-മനുഷ്യാവാശ പ്രവര്‍ത്തകരെ ശത്രുപക്ഷത്ത് നിര്‍ത്തുന്നതും അവര്‍ക്കെതിരെ വര്‍ധിച്ചുവരുന്ന കരിനിയമ നീക്കങ്ങളും പ്രശ്‌നം സങ്കീര്‍ണ്ണമാക്കും. അനാവശ്യമായി കേസെടുത്ത് പീഡിപ്പിക്കുകയും വിചാരണ തടവുകാരായി ജയിലില്‍ തള്ളി ജീവിതം തകര്‍ക്കുന്നതും പരിഷ്‌കൃത സമൂഹത്തിന് യോജിച്ചതല്ല.

 
നിയമം നിയമത്തിന്റെ വഴിക്ക് വിട്ടില്ലെങ്കില്‍ ബഹുസ്വരതയില്‍ പടുത്തുയര്‍ത്തിയ മഹത്തായ രാജ്യത്തിന്റെ ഭാവി പുരോഗതയില്‍ അതു വലിയ തടസ്സമാവും. മുസ്്‌ലിംകളും രാജ്യത്തെ പൗരന്മാരാണെന്നും തുല്യനീതിക്ക് അവകാശപ്പെട്ടവരാണെന്നുമുള്ള ബോധമാണ് പരമപ്രധാനം. ഭീകതയും തീവ്രവാദവും ആരോപിച്ച് മുസ്‌ലിംകളെ പ്രാന്തവത്കരിക്കാനുള്ള ബോധപൂര്‍വമായ ശ്രമങ്ങള്‍ക്കെതിരെ ഒറ്റക്കെട്ടായി അണിചേരേണ്ട സമയമാണിത്.
(കെ.എന്‍.എം സംസ്ഥാന വൈസ് പ്രസിഡന്റാണ് ലേഖകന്‍)

Continue Reading
Advertisement
Click to comment

Leave a Reply

Your email address will not be published. Required fields are marked *

Video Stories

നഴ്സിങ് കോളേജിലെ റാഗിങ്ങ് കേസ്; മുഖ്യപ്രതികളിലൊരാള്‍ സി.പി.എം അനുകൂല സംഘടനയുടെ സംസ്ഥാന ജനറല്‍ സെക്രട്ടറി

കെ.പി. രാഹുല്‍ രാജാണ് നഴ്സിങ് വിദ്യാര്‍ഥികളുടെ സി.പി.എം അനുകൂല സംഘടന കെ.ജി.എസ്.എന്‍.എയുടെ സംസ്ഥാന ജനറല്‍ സെക്രട്ടറി

Published

on

കോട്ടയം നഴ്സിങ് കോളേജിലെ ഒന്നാം വര്‍ഷ വിദ്യാര്‍ഥിയെ ക്രൂരമായി റാഗിങ്ങിനിരയാക്കിയ കേസിലെ പ്രതികളിലൊരാള്‍ നഴ്സിങ് വിദ്യാര്‍ഥികളുടെ സി.പി.എം അനുകൂല സംഘടനയുടെ സംസ്ഥാന ജനറല്‍ സെക്രട്ടറി. മലപ്പുറം വണ്ടൂര്‍ സ്വദേശി കെ.പി. രാഹുല്‍ രാജാണ് കേരള ഗവ. സ്റ്റുഡന്റ്സ് നഴ്സസ് അസോസിയേഷന്റെ (കെ.ജി.എസ്.എന്‍.എ) സംസ്ഥാന ജനറല്‍ സെക്രട്ടറി. നേരത്തെ സംഘടനയുടെ സംസ്ഥാന സെക്രട്ടറിയായിരുന്ന രാഹുല്‍രാജിനെ ഇക്കഴിഞ്ഞ സമ്മേളനത്തിലാണ് സംസ്ഥാന കമ്മിറ്റിയുടെ ജനറല്‍ സെക്രട്ടറിയായി തിരഞ്ഞെടുത്തത്.

കഴിഞ്ഞദിവസമാണ് കോട്ടയത്തെ ഗവ. നഴ്സിങ് കോളേജിലെ ജൂനിയര്‍ വിദ്യാര്‍ഥികളെ ക്രൂരമായി റാഗ് ചെയ്തതതിന് അഞ്ച് സീനിയര്‍ വിദ്യാര്‍ഥികളെ പോലീസ് അറസ്റ്റ് ചെയ്തത്. കേസിലെ മുഖ്യപ്രതികളിലൊരാളാണ് രാഹുല്‍രാജ്. ഇയാള്‍ ഉള്‍പ്പെടെയുള്ള പ്രതികള്‍ ജൂനിയര്‍ വിദ്യാര്‍ഥിയെ കട്ടിലില്‍ കെട്ടിയിട്ട് ക്രൂരമായി പീഡിപ്പിക്കുന്നതിന്റെ ദൃശ്യങ്ങളും ഇന്ന് പുറത്തുവന്നിരുന്നു.

സീനിയര്‍ വിദ്യാര്‍ഥികളായ കോട്ടയം വാളകം സ്വദേശി സാമുവല്‍ ജോണ്‍സണ്‍(20), മലപ്പുറം വണ്ടൂര്‍ സ്വദേശി രാഹുല്‍ രാജ്(22), വയനാട് നടവയല്‍ സ്വദേശി ജീവ(18), മലപ്പുറം മഞ്ചേരി പയ്യനാട് സ്വദേശി റിജില്‍ ജിത്ത്(20), കോട്ടയം കോരുത്തോട് സ്വദേശി വിവേക്(21) എന്നിവരാണ് അറസ്റ്റിലായത്. കഴിഞ്ഞദിവസം കോടതിയില്‍ ഹാജരാക്കിയ അഞ്ചുപ്രതികളെയും റിമാന്‍ഡ് ചെയ്തിരുന്നു. കേസില്‍ അറസ്റ്റിലായതിന് പിന്നാലെ പ്രതികളെ കോളേജില്‍നിന്ന് സസ്‌പെന്‍ഡ് ചെയ്തിട്ടുണ്ട്.

Continue Reading

Celebrity

“എല്ലാം ഓകെ അല്ലേ അണ്ണാ”; ആന്റണി പെരുമ്പാവൂരിന് പിന്തുണയുമായി പൃഥ്വിരാജ് രംഗത്ത്

സമൂഹമാധ്യമത്തില്‍ ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്.

Published

on

ആന്റണി പെരുമ്പാവൂരിന് പിന്തുണയുമായി നടന്‍ പൃഥ്വിരാജ്. സമൂഹമാധ്യമത്തില്‍ ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്. എല്ലാം ഓകെ അല്ലേ അണ്ണാ എന്ന അടിക്കുറിപ്പോടെയാണ് പോസ്റ്റ് പങ്കുവെച്ചിട്ടുള്ളത്.

പ്രിഥ്വിരാജ് സംവിധാനം ചെയ്യുന്ന എമ്പുരാന്റെ ബജറ്റ് 141 കോടിയാണെന്ന് സുരേഷ് കുമാര്‍ പറഞ്ഞിരുന്നു. ഇതിനെതിരെയും വിമര്‍ശനവുമായി ആന്റണി പെരുമ്പാവൂര്‍ രംഗത്തെത്തിയിരുന്നു. ഇതിനു പിന്നാലെ ആന്റണി പെരുമ്പാവ് സമൂഹ മാധ്യമത്തില്‍ ഉന്നയിച്ച പല വിഷയങ്ങളോടും യോജിക്കുന്നുവെന്ന് പറഞ്ഞ് സംവിധായകന്‍ വിനയനും രംഗത്തെത്തിയിരുന്നു.

സമൂഹമാധ്യമ കുറിപ്പിലൂടെയാണ് ആന്റണി പെരുമ്പാവൂര്‍ തന്റെ നിലപാട് വ്യക്തമാക്കിയിരുന്നത്. മലയാള സിനിമ തകര്‍ച്ചയുടെ വക്കിലാണെന്ന് ആരോപിച്ച് ജി. സുരേഷ് കുമാര്‍ കഴിഞ്ഞയാഴ്ച വാര്‍ത്താസമ്മേളനം നടത്തിയിരുന്നു. ‘സിനിമകളുടെ കലക്ഷന്‍ പെരുപ്പിച്ച് കാട്ടുകയാണ്, യഥാര്‍ഥത്തില്‍ നിര്‍മാതാക്കള്‍ക്ക് നഷ്ടമാണ്, മലയാള സിനിമയ്ക്ക് താങ്ങാവുന്നതിന്റെ പത്തിരട്ടിയാണ് താരങ്ങള്‍ പ്രതിഫലമായി വാങ്ങുന്നത് ‘ -സുരേഷ് കുമാര്‍ പറഞ്ഞു. സുരേഷ് കുമാറിന്റെ വാദം വിവാദമായതോടെയാണ് ആന്റണി പെരുമ്പാവൂര്‍ തന്റെ നിലപാട് വ്യക്തമാക്കിയത്.

നിര്‍മാതാക്കളുടെ സംഘടനയെ പ്രതിനിധീകരിച്ച് ആരാണ് ഇതൊക്കെ പറയാന്‍ ജി. സുരേഷ് കുമാറിനെ ചുമതലപ്പെടുത്തിയത്. എന്താണ് അതിനു പിന്നിലെ ചേതോവികാരം എന്നൊക്കെയുള്ള കാര്യങ്ങളില്‍ വ്യക്തത വേണ്ടതുണ്ട്. എംപുരാന്‍ എന്ന സിനിമയുടെ ബജറ്റിനെക്കുറിച്ച് പൊതുസമക്ഷം അദ്ദേഹം സംസാരിച്ചതിന്റെ ഔചിത്യബോധമെന്തെന്ന് എത്രയാലോചിച്ചിട്ടും മനസിലാവുന്നില്ല. പോസ്റ്റ് പ്രൊഡക്ഷന്‍ വര്‍ക്കുകള്‍ പൂര്‍ത്തിയാവാത്തൊരു സിനിമയുടെ ചെലവിനെപ്പറ്റി പൊതുവേദിയില്‍ പരസ്യചര്‍ച്ചയ്ക്കു വിധേയമാക്കിയതെന്തിനാണ്- ആന്റണി പെരുമ്പാവൂര്‍ ചോദിച്ചു.

Continue Reading

Video Stories

ആയിരങ്ങളുടെ യാത്രാമൊഴി; ഈസക്കാക്ക ഇനി ഓര്‍മയില്‍

മ​യ്യി​ത്ത്​ ന​മ​സ്​​കാ​ര​ത്തി​ൽ പ​​ങ്കെ​ടു​ക്കാ​ൻ ഇ.​ടി മു​ഹ​മ്മ​ദ്​ ബ​ഷീ​ർ എം.​പി​യും മു​ന​വ്വ​റ​ലി ശി​ഹാ​ബ്​ ത​ങ്ങ​ളും നാ​ട്ടി​ൽ നി​ന്നും എ​ത്തി​യി​രു​ന്നു. ഖ​ത്ത​റി​ലെ വി​വി​ധ ക​മ്യൂ​ണി​റ്റി, സാം​സ്​​കാ​രി​ക സം​ഘ​ട​നാ ഭാ​ര​വാ​ഹി​ക​ളും പ്ര​വ​ർ​ത്ത​ക​രും ഉ​ൾ​പ്പെ​ടെ ആ​യി​ര​ങ്ങ​ളെ​ത്തി.

Published

on

അ​ര​നൂ​റ്റാ​ണ്ടി​ന​ടു​ത്ത്​ കാ​ലം ക​ർ​മ​ഭൂ​മി​യാ​ക്കി​യ മ​ണ്ണി​ൽ ഖ​ത്ത​ർ പ്ര​വാ​സി മ​ല​യാ​ളി​ക​ളു​ടെ സ്വ​ന്തം ഈ​സ​ക്കാ​ക്ക്​ അ​ന്ത്യ​നി​ദ്ര. മി​സൈ​മീ​റി​ലെ പ​ള്ളി​യെ ജ​ന​സാ​ഗ​ര​മാ​ക്കി. ബു​ധ​നാ​ഴ്​​ച രാ​ത്രി​യി​ൽ ഒ​ഴു​കി​യെ​ത്തി​യ ആ​യി​ര​ങ്ങ​ളു​ടെ പ്രാ​ർ​ഥന​ക​ളേ​റ്റു​വാ​ങ്ങി ആ​റ​ടി മ​ണ്ണി​ലേ​ക്ക്​ അ​ദ്ദേ​ഹം മ​ട​ങ്ങി.

രാ​വി​ലെ മ​ര​ണ​വാ​ർ​ത്ത എ​ത്തി​യ​ത്​ മു​ത​ൽ ആ​ശു​പ​ത്രി പ​രി​സ​ര​ങ്ങ​ളി​ലേ​ക്ക്​ ഒ​ഴു​കി​യെ​ത്തി​യത് ആ​യി​ര​ങ്ങ​ളാ​യി​രു​ന്നു. ശേ​ഷം, വൈ​കു​ന്നേ​രം അ​ബൂ​ഹ​മൂ​ർ പ​ള്ളി​യി​ലേ​ക്ക്​ ഈ​സ​ക്ക് അ​ന്ത്യയാ​ത്ര പോ​യ​പ്പോ​ൾ അ​നു​ഗ​മി​ക്കാ​നും ആ​യി​ര​ങ്ങ​ളെ​ത്തി. ​

ഇ​ശാ​ന​മ​സ്​​കാ​ര ശേ​ഷം ന​ട​ന്ന മ​യ്യി​ത്ത്​ ന​മ​സ്​​കാ​ര​ത്തി​ലും വ​ൻ ജ​ന​ക്കൂ​ട്ടം അ​ണി​നി​ര​ന്നു. മ​ണി​ക്കൂ​റു​ക​ൾ കാ​ത്തി​രു​ന്ന ശേ​ഷ​മാ​യി​രു​ന്നു പ്രി​യ​ങ്കര​നാ​യ നേ​താ​വി​നെ അ​വ​സാ​ന​മാ​യി ഒ​രു നോ​ക്ക്​ ക​ണ്ട​ത്.

മ​യ്യി​ത്ത്​ ന​മ​സ്​​കാ​ര​ത്തി​ൽ പ​​ങ്കെ​ടു​ക്കാ​ൻ ഇ.​ടി മു​ഹ​മ്മ​ദ്​ ബ​ഷീ​ർ എം.​പി​യും മു​ന​വ്വ​റ​ലി ശി​ഹാ​ബ്​ ത​ങ്ങ​ളും നാ​ട്ടി​ൽ നി​ന്നും എ​ത്തി​യി​രു​ന്നു. ഖ​ത്ത​റി​ലെ വി​വി​ധ ക​മ്യൂ​ണി​റ്റി, സാം​സ്​​കാ​രി​ക സം​ഘ​ട​നാ ഭാ​ര​വാ​ഹി​ക​ളും പ്ര​വ​ർ​ത്ത​ക​രും ഉ​ൾ​പ്പെ​ടെ ആ​യി​ര​ങ്ങ​ളെ​ത്തി. രാ​ത്രി വൈ​കി​യാ​യി​രു​ന്നു ഖ​ബ​റ​ട​ക്ക ച​ട​ങ്ങു​ക​ൾ പൂ​ർ​ത്തി​യാ​ക്കി​യ​ത്.

അനുശോചന ​​പ്രവാഹംകെ.​എം.​സി.​സി ദുഃ​ഖാ​ച​ര​ണം ഒ​രാ​ഴ്ച​ത്തെ മു​ഴു​വ​ൻ പ​രി​പാ​ടി​ക​ളും മാ​റ്റി​

ദോ​ഹ: സീ​നി​യ​ർ വൈ​സ് പ്ര​സി​ഡ​ന്റും ജീ​വ​കാ​രു​ണ്യ പ്ര​വ​ർ​ത്ത​ക​നു​മാ​യ കെ.​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ഖ​ത്ത​ർ കെ.​എം.​സി.​സി സം​സ്ഥാ​ന ക​മ്മി​റ്റി അ​നു​ശോ​ചി​ച്ചു. കെ.​എം.​സി.​സി പ്ര​സ്ഥാ​ന​ത്തി​നും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളു​ടെ​യും നെ​ടും​തൂ​ണാ​യി പ്ര​വ​ർ​ത്തി​ച്ച അ​ദ്ദേ​ഹ​ത്തി​ന്റെ വി​യോ​ഗം നി​ക​ത്താ​നാ​വാ​ത്ത ന​ഷ്ട​മാ​ണ്.

ജീ​വ​കാ​ര്യ​ണ്യ പ്ര​വ​ർ​ത്ത​നം ജീ​വ​വാ​യു പോ​ലെ​യാ​യി​രു​ന്നു അ​ദ്ദേ​ഹ​ത്തി​ന്. മി​ക​ച്ച സം​ഘാ​ട​ക​നും നി​സ്വാ​ർ​ഥ​നാ​യ പൊ​തു​പ്ര​വ​ർ​ത്ത​ക​നു​മാ​യ അ​ദ്ദേ​ഹ​ത്തി​ന്റെ വി​യോ​ഗം മു​ഴു​വ​ൻ സ​മൂ​ഹ​ത്തി​നും ക​ന​ത്ത ന​ഷ്ട​മാ​ണ്. കെ.​എം.​സി.​സി പ്ര​സ്ഥാ​ന​ത്തി​ന് നി​ക​ത്താ​നാ​വാ​ത്ത വി​ട​വാ​ണ് വി​യോ​ഗം സൃ​ഷ്ടി​ക്കു​ന്ന​തെ​ന്ന് അ​നു​ശോ​ച​ന സ​ന്ദേ​ശ​ത്തി​ൽ സം​സ്ഥാ​ന ക​മ്മി​റ്റി പ​റ​ഞ്ഞു.

സം​സ്ഥാ​ന മു​സ്‍ലിം ലീ​ഗ് നേ​താ​ക്ക​ളും വി​വി​ധ രാ​ഷ്ട്രീ​യ സാം​സ്‌​കാ​രി​ക നേ​താ​ക്ക​ളും അ​നു​ശോ​ചി​ച്ചു. നി​ര്യാ​ണ​ത്തെ തു​ട​ർ​ന്ന് കെ.​എം.​സി.​സി ഖ​ത്ത​ർ സം​സ്ഥാ​ന ക​മ്മി​റ്റി ഏ​ഴ് ദി​വ​സ​ത്തെ ഔ​ദ്യോ​ഗി​ക ദുഃ​ഖാ​ച​ര​ണം പ്ര​ഖ്യാ​പി​ച്ചു. എ​ല്ലാ ഘ​ട​ക​ങ്ങ​ളു​ടെ​യും സം​ഘ​ട​നാ​പ​ര​മാ​യ മു​ഴു​വ​ൻ പ​രി​പാ​ടി​ക​ളും മാ​റ്റി​വെ​ച്ച​താ​യി സം​സ്ഥാ​ന ക​മ്മി​റ്റി അ​റി​യി​ച്ചു.

സി.​ഐ.​സി

ദോ​ഹ: കെ. ​മു​ഹ​മ്മ​ദ് ഈ​സ​യു​ടെ വി​യോ​ഗ​ത്തി​ൽ സി.​ഐ.​സി ഖ​ത്ത​ർ കേ​ന്ദ്ര ക​മ്മി​റ്റി അ​നു​ശോ​ച​നം അ​റി​യി​ച്ചു. സ​മൂ​ഹ​ത്തി​ൽ എ​ല്ലാ​വ​രെ​യും ചേ​ർ​ത്തു​പി​ടി​ക്കു​ക​യും അ​വ​രു​ടെ​യൊ​ക്കെ സ്നേ​ഹ​ഭാ​ജ​ന​മാ​വു​ക​യും ചെ​യ്യു​ക എ​ന്ന​ത് അ​പൂ​ർ​വ വ്യ​ക്തി​ത്വ​ങ്ങ​ളി​ൽ മാ​ത്രം കാ​ണു​ന്ന സ്വ​ഭാ​വ മ​ഹി​മ​യാ​ണ്.

ഈ​സ​ക്ക​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട് സ​മൂ​ഹ മാ​ധ്യ​മ​ങ്ങ​ളി​ൽ ക​ണ്ട അ​ഭൂ​ത​പൂ​ർ​വ​മാ​യ അ​നു​ശോ​ച​ന പ്ര​വാ​ഹം അ​ദ്ദേ​ഹ​ത്തി​ൽ ഉ​ണ്ടാ​യി​രു​ന്ന ഈ ​പ്ര​ത്യേ​ക സ്വ​ഭാ​വം വി​ളി​ച്ചോ​തു​ന്നു.

നാ​ലു പ​തി​റ്റാ​ണ്ടോ​ളം കാ​ത്തു​സൂ​ക്ഷി​ച്ച സ്നേ​ഹ​ബ​ന്ധ​മാ​ണ് അ​ദ്ദേ​ഹ​വു​മാ​യി സി.​ഐ.​സി(​മു​ൻ ഇ​ന്ത്യ​ൻ ഇ​സ്‍ലാ​മി​ക് അ​സോ​സി​യേ​ഷ​ൻ)​ക്കു​ള്ള​തെ​ന്ന് അ​നു​ശോ​ച​ന​ത്തി​ൽ എ​ടു​ത്തു​പ​റ​ഞ്ഞു.

ഖ​ത്ത​ർ സം​സ്​​കൃ​തി

ദോ​ഹ: ഖ​ത്ത​റി​ന്റെ സാ​മൂ​ഹി​ക സാം​സ്കാ​രി​ക ക​ലാ കാ​യി​ക ജീ​വ​കാ​രു​ണ്യ മേ​ഖ​ല​ക​ളി​ൽ ത​ന​ത് ഇ​ടം ക​ണ്ടെ​ത്തി​യ കെ. ​മു​ഹ​മ്മ​ദ് ഈ​സ​യു​ടെ വി​യോ​ഗ​ത്തി​ൽ സം​സ്കൃ​തി ഖ​ത്ത​ർ അ​നു​ശോ​ച​നം രേ​ഖ​പ്പെ​ടു​ത്തി.

ദു​രി​ത​മ​നു​ഭ​വി​ക്കു​ന്ന പ്ര​വാ​സി​ക​ൾ​ക്ക് എ​ന്നും കൈ​ത്താ​ങ്ങാ​യി നി​ന്ന, ക​ലാ​കാ​ര​ന്മാ​രെ അ​ക​മ​ഴി​ഞ്ഞ് പ്രോ​ത്സാ​ഹി​പ്പി​ച്ചി​രു​ന്ന ഈ​സ​ക്ക​യു​ടെ വി​യോ​ഗം സൃ​ഷ്ടി​ക്കു​ന്ന വി​ട​വ് വേ​ഗ​ത്തി​ൽ നി​ക​ത്താ​ൻ ക​ഴി​യി​ല്ലെ​ന്നും സം​സ്കൃ​തി അ​ഭി​പ്രാ​യ​പ്പെ​ട്ടു.

ഇ​ന്ത്യ​ൻ മീ​ഡി​യ ഫോ​റം

ദോ​ഹ: ഖ​ത്ത​റി​ലെ പ്ര​മു​ഖ വ്യ​വ​സാ​യി​യും ജീ​വ​കാ​രു​ണ്യ പ്ര​വ​ർ​ത്ത​ക​നും സം​ഘാ​ട​ക​നു​മാ​യി​രു​ന്ന കെ. ​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ഇ​ന്ത്യ​ൻ മീ​ഡി​യ ഫോ​റം (ഐ.​എം.​എ​ഫ്) അ​നു​ശോ​ചി​ച്ചു.

വ​ർ​ത്ത​മാ​നം ദി​ന​പ​ത്ര​ത്തി​ന്റെ ഖ​ത്ത​ർ എ​ക്സി​ക്യൂ​ട്ടി​വ് ഡ​യ​റ​ക്ട​റാ​യും, വോ​യ്സ് ഓ​ഫ് കേ​ര​ള റേ​ഡി​യോ​യു​ടെ ഖ​ത്ത​ർ ഫ്രാ​ഞ്ചൈ​സി​ലൂ​ടെ​യും മാ​ധ്യ​മ​രം​ഗ​ത്തും സം​ഭാ​വ​ന​ക​ൾ അ​ർ​പ്പി​ക്കാ​ൻ മു​ഹ​മ്മ​ദ് ഈ​സ​ക്ക്​ സാ​ധി​ച്ച​താ​യി ഇ​ന്ത്യ​ൻ മീ​ഡി​യ ഫോ​റം എ​ക്സി​ക്യൂ​ട്ടി​വ് ക​മ്മി​റ്റി അ​നു​ശോ​ച​ന സ​ന്ദേ​ശ​ത്തി​ൽ പ​റ​ഞ്ഞു.

പ്ര​വാ​സി വെ​ൽ​ഫെ​യ​ർ

ദോ​ഹ: മു​ഹ​മ്മ​ദ്​ ഈ​സ​യു​ടെ നി​ര്യാ​ണ​ത്തി​ല്‍ പ്ര​വാ​സി വെ​ല്‍ഫെ​യ​ര്‍ അ​നു​ശോ​ചി​ച്ചു. അ​പ്ര​തീ​ക്ഷി​ത വി​യോ​ഗം​മൂ​ലം ദുഃ​ഖ​ത്തി​ലാ​യ കു​ടും​ബ​ത്തി​ന്റെ​യും സ​ഹ​പ്ര​വ​ര്‍ത്ത​ക​രു​ടെ​യും വേ​ദ​ന​യി​ൽ പ​ങ്കു​ചേ​രു​ന്നു. അ​ദ്ദേ​ഹം ഖ​ത്ത​റി​ലെ മ​ല​യാ​ളി സ​മൂ​ഹ​ത്തി​നാ​യി ചെ​യ്ത സേ​വ​ന​ങ്ങ​ള്‍ എ​ക്കാ​ല​വും ഓ​ർ​മി​ക്ക​പ്പെ​ടും.

ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ ആ​ഘോ​ഷ​മാ​ക്കാ​തെ​യും പ്ര​വാ​സി​ക​ളു​ടെ പ്ര​ശ്ന​ങ്ങ​ളി​ൽ സ​ക്രി​യ​മാ​യി ഇ​ട​പെ​ട്ടും അ​ദ്ദേ​ഹം സാ​മൂ​ഹി​ക പ്ര​വ​ർ​ത്ത​ന​ത്തി​ൽ മാ​തൃ​ക​ക​ൾ സൃ​ഷ്ടി​ച്ചു.

ഇ​ഷ്ട​മേ​ഖ​ല​ക​ളാ​യ ക​ലാ പ്ര​വ​ർ​ത്ത​ന​വും കാ​യി​ക​മേ​ള​ക​ളും അ​ദ്ദേ​ഹം ഫ​ല​പ്ര​ദ​മാ​യി ജീ​വ​കാ​രു​ണ്യ പ്ര​വ​ർ​ത്ത​ന​ത്തി​നാ​യി ഉ​പ​യോ​ഗ​പ്പെ​ടു​ത്തി.

എ​ല്ലാ​ത്തി​ന്റെ​യും ന​ല്ലൊ​രു വി​ഹി​തം പാ​വ​പ്പെ​ട്ട​വ​ർ​ക്ക്‌ എ​ത്തു​ന്ന രീ​തി​യി​ൽ അ​ദ്ദേ​ഹം സം​ഘാ​ട​ക​നാ​വു​ന്ന സം​രം​ഭ​ങ്ങ​ളെ​യെ​ല്ലാം മാ​റ്റി​യ ഈ​സ​ക്ക​യു​ടെ വി​യോ​ഗം പ്ര​വാ​സി​ക​ൾ​ക്ക്‌ ക​ന​ത്ത ന​ഷ്ട​മാ​ണെ​ന്നും പ്ര​വാ​സി വെ​ൽ​ഫെ​യ​ർ സം​സ്ഥാ​ന ക​മ്മി​റ്റി അ​ഭി​പ്രാ​യ​പ്പെ​ട്ടു.

ഗ​പാ​ഖ്​

ദോ​ഹ: മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ ‘ഗ​ൾ​ഫ്​ കാ​ലി​ക്ക​റ്റ്​ എ​യ​ർ പാ​സ​ഞ്ചേ​ഴ്​​സ്​ അ​സോ​സി​യേ​ഷ​ൻ ഖ​ത്ത​ർ (ഗ​പാ​ഖ്​) അ​നു​ശോ​ചി​ച്ചു. സം​ഘ​ട​ന​യു​ടെ ട്ര​ഷ​റ​റാ​യി​രു​ന്ന ഈ​സ​ക്ക​യു​ടെ അ​കാ​ല​നി​ര്യാ​ണം ദോ​ഹ​യി​ലെ സാ​മൂ​ഹി​ക ജീ​വ​കാ​രു​ണ്യ രം​ഗ​ത്ത് ക​ന​ത്ത ന​ഷ്ട​മാ​ണെ​ന്ന് ഭാ​ര​വാ​ഹി​ക​ൾ അ​നു​ശോ​ച​ന സ​ന്ദേ​ശ​ത്തി​ൽ അ​റി​യി​ച്ചു.

അ​നു​ശോ​ച​ന യോ​ഗം ഇ​ന്ന്

ദോ​ഹ: കെ.​മു​ഹ​മ്മ​ദ് ഈ​സ​യു​ടെ നി​ര്യാ​ണ​ത്തി​ൽ അ​നു​ശോ​ചി​ച്ച് കെ.​എം.​സി.​സി ഖ​ത്ത​ർ സം​സ്ഥാ​ന ക​മ്മി​റ്റി നേ​തൃ​ത്വ​ത്തി​ൽ ഇ​ന്ത്യ​ൻ ക​മ്യൂ​ണി​റ്റി അ​നു​ശോ​ച​ന യോ​ഗം വ്യാ​ഴാ​ഴ്ച ന​ട​ക്കും.

വൈ​കു​ന്നേ​രം ഏ​ഴ് മ​ണി​ക്ക് ഐ​ഡി​യ​ൽ ഇ​ന്ത്യ​ൻ സ്കൂ​ളി​ൽ അ​നു​ശോ​ച​ന യോ​ഗം ന​ട​ക്കു​മെ​ന്ന് കെ.​എം.​സി.​സി സം​സ്ഥാ​ന ക​മ്മി​റ്റി അ​റി​യി​ച്ചു.

മരിച്ചിട്ടും മുടങ്ങിയിട്ടില്ല അവരുടെ ശമ്പളം

ദോ​ഹ: ​അ​ലി ഇ​ന്റ​ർ​നാ​ഷ​ന​ൽ ജ​ന​റ​ൽ മാ​നേ​ജ​ർ മു​ഹ​മ്മ​ദ്​ ഈ​സ​യെ​ക്കു​റി​ച്ച്​ പ​റ​യു​​മ്പോ​ൾ അ​ദ്ദേ​ഹ​ത്തെ അ​റി​യു​ന്ന​വ​ർ​ക്കെ​ല്ലാം പ​റ​യാ​നു​ള്ള​താ​ണ്​ 2017 ന​വം​ബ​റി​ലെ ആ ​സം​ഭ​വം. സ്വ​ന്തം സ്ഥാ​പ​ന​ത്തി​ലെ ര​ണ്ടു ജീ​വ​ന​ക്കാ​ർ ഇ​ൻ​ഡ​സ്​​ട്രി​യ​ൽ ഏ​രി​യ​യി​ൽ റോ​ഡ്​ മു​റി​ച്ചു​ക​ട​ക്കു​ന്ന​തി​നി​ടെ അ​പ​ക​ട​ത്തി​ൽ മ​രി​ക്കു​ന്നു.

കോ​ഴി​ക്കോ​ട്​ ഒ​ള​വ​ണ്ണ സ്വ​ദേ​ശി പ്ര​വീ​ൺ കു​മാ​റും തി​രൂ​ർ സ്വ​ദേ​ശി മു​ഹ​മ്മ​ദ​ലി​യും. അ​ത്താ​ണി​യാ​യ ര​ണ്ടു​പേ​രു​ടെ​യും മ​ര​ണം കു​ടും​ബ​ത്തെ അ​നാ​ഥ​രാ​ക്കി.

എ​ന്നാ​ൽ, അ​ന്നു​മു​ത​ൽ അ​വ​ർ തൊ​ഴി​ലു​ട​മ​യു​ടെ സം​ര​ക്ഷ​ണ​ത്തി​ലാ​യി. ര​ണ്ടു​പേ​രും മ​രി​ച്ചു​വെ​ങ്കി​ലും അ​വ​രു​ടെ ശ​മ്പ​ളം അ​ലി ഇ​ന്റ​ർ​നാ​ഷ​ന​ലി​ൽ​നി​ന്ന് മു​ട​ങ്ങി​യി​ല്ല. മാ​സാ​വ​സാ​ന​ത്തി​ലെ തീ​യ​തി​ക്കു മു​​മ്പേ കു​ടും​ബ​ത്തി​ന്റെ അ​ക്കൗ​ണ്ടി​ൽ ശ​മ്പ​ള​മെ​ത്തും.

ഏ​റ്റ​വും ഒ​ടു​വി​ൽ ജ​നു​വ​രി​യി​ലും അ​ത്​ മു​ട​ങ്ങി​യി​ട്ടി​ല്ലെ​ന്ന്​ സ്ഥാ​പ​ന​ത്തി​ലെ ജീ​വ​ന​ക്കാ​ർ സാ​ക്ഷ്യ​പ്പെ​ടു​ത്തു​ന്നു. ക​മ്പ​നി ഉ​ള്ള കാ​ല​ത്തോ​ളം അ​വ​രു​ടെ ശ​മ്പ​ള​വും തു​ട​രും എ​ന്ന ഈ​സ​ക്ക​യു​ടെ ഉ​റ​പ്പ്​ തെ​റ്റാ​തെ​ത​ന്നെ തു​ട​രു​ന്നു. ശ​മ്പ​ളം മാ​ത്ര​മ​ല്ല, ഇ​രു​വ​ർ​ക്കും വീ​ടു​ക​ളൊ​രു​ക്കാ​നും ഒ​രാ​ളു​ടെ മ​ക​ളു​ടെ വി​വാ​ഹം ന​ട​ത്താ​നും ഈ​സ​ക്ക മു​ന്നി​ൽ​നി​ന്നു.

ആ​റു​മാ​സം മു​മ്പാ​യി​രു​ന്നു മ​ഹാ​രാ​ഷ്​​ട്രക്കാ​ര​നാ​യ ഒ​രു ജീ​വ​ന​ക്കാ​ര​ൻ ഉം​റ നി​ർ​വ​ഹി​ക്കാ​ൻ പോ​യ​പ്പോ​ൾ മ​ര​ണ​പ്പെ​ട്ട​ത്. അ​യാ​ളു​ടെ മ​ക്ക​ളു​ടെ വി​ദ്യ​ാഭ്യാ​സ ചെ​ല​വും ഈ​സ​ക്ക ഏ​റ്റെ​ടു​ത്തു.

ദോ​ഹ: ഒ​രി​ക്ക​ലെ​ങ്കി​ലും ഈ​സ​ക്ക​യു​ടെ സ്നേ​ഹം അ​നു​ഭ​വ​പ്പെ​ടാ​ത്ത​വ​രാ​യി സേ​വ​ന​രം​ഗ​ത്ത് ആ​രു​മു​ണ്ടാ​വി​ല്ല. ന​ന്മ, സ​ത്യ​സ​ന്ധ​ത, കാ​രു​ണ്യ സേ​വ​ന മ​നോ​ഭാ​വം എ​ന്നി​വ​യു​ടെ പ​ര്യാ​യ​മാ​യ ഈ​സ​ക്ക​യു​ടെ വി​യോ​ഗം സ​മൂ​ഹ​ത്തി​ന് തീ​രാ​ന​ഷ്ടം​ത​ന്നെ യാ​ണ്. പ​ര​ലോ​ക മോ​ക്ഷ​ത്തി​നാ​യി പ്രാ​ർ​ഥി​ക്കു​ന്ന​തി​നോ​ടൊ​പ്പം പു​തു​ത​ല​മു​റ​ക്ക് ഇ​ത്ത​രം ജീ​വ​കാ​രു​ണ്യ പ്ര​തി​ഭ​ക​ൾ പ്ര​ചോ​ദ​ന​മാ​വ​ട്ടെ എ​ന്ന് ആ​ശം​സി​ക്കു​ന്നു. –ശം​സു​ദ്ദീ​ൻ ബി​ൻ മു​ഹി​ദ്ദീ​ൻ (ചെ​യ​ർ​മാ​ൻ റീ​ജ​ൻ​സി ഗ്രൂ​പ് ആ​ൻ​ഡ് ഗ്രാ​ൻ​ഡ് ഹൈ​പ്പ​ർ മാ​ർ​ക്ക​റ്റ്സ്)

ദു​ബൈ: ഖ​ത്ത​റി​ലെ പ്ര​വാ​സി സ​മൂ​ഹ​ത്തി​ന്റെ നെ​ടും​തൂ​ണാ​യി​രു​ന്നു അ​ന്ത​രി​ച്ച ഈ​സ​ക്ക​യെ​ന്ന് ദു​ബൈ കെ.​എം.​സി.​സി പ്ര​സി​ഡ​ന്റ് ഡോ. ​അ​ൻ​വ​ർ അ​മീ​ൻ ചേ​ലാ​ട്ട് അ​നു​സ്മ​രി​ച്ചു. പ്ര​വാ​സി​ക​ൾ​ക്കി​ട​യി​ൽ ക​ഷ്ട​പ്പെ​ടു​ന്ന​വ​ർ​ക്ക് കൈ​ത്താ​ങ്ങാ​യി എ​പ്പോ​ഴും അ​ദ്ദേ​ഹ​മു​ണ്ടാ​യി​രു​ന്നു. ത​ന്റെ ജീ​വ​ന​ക്കാ​രെ കു​ടും​ബാം​ഗ​ങ്ങ​ളെ​പ്പോ​ലെ സ്നേ​ഹി​ക്കു​ക​യും സം​ര​ക്ഷി​ക്കു​ക​യും ചെ​യ്തു. ഒ​രു ന​ല്ല സം​രം​ഭ​ക​നും ക​ലാ​സ്‌​നേ​ഹി​യും കൂ​ടി​യാ​യി​രു​ന്നു അ​ദ്ദേ​ഹം. -ഡോ. ​അ​ൻ​വ​ർ അ​മീ​ൻ ചേ​ലാ​ട്ട് (പ്ര​സി​ഡ​ന്റ്, ദു​ബൈ കെ.​എം.​സി.​സി)

Continue Reading

Trending