മമ്മൂട്ടി, മോഹന്ലാല്, കമല്ഹാസന് എന്നിവര്ക്ക് തുറന്ന കത്തെഴുതി സെക്രട്ടേറിയറ്റ് നടയില് സമരം ചെയ്യുന്ന ആശാ പ്രവര്ത്തകര്. മൂന്നു താരങ്ങളെയും നവംബര് ഒന്നിന് നടക്കാനിരിക്കുന്ന അതിദാരിദ്ര്യ വിമുക്ത കേരള പ്രഖ്യാപനത്തില് പങ്കെടുക്കാന് സര്ക്കാര് ക്ഷണിച്ചതിനു പിന്നാലെയാണ് ആശമാരുടെ കത്ത്. സെക്രട്ടേറിയറ്റിനു മുന്നില് മാസങ്ങളായി സമരം ചെയ്യുന്ന ആശാപ്രവര്ത്തകരെ വന്നു കാണണമെന്നും, മൂന്നു നേരം ഭക്ഷണം കഴിക്കാനില്ലാത്ത, മക്കളെ പഠിപ്പിക്കാന് കഴിയാത്ത, മാരകരോഗം വന്നാല് അതിജീവിക്കാന് കെല്പ്പില്ലാത്ത, കടക്കെണിയില് കുടുങ്ങിയ അതിദരിദ്രരാണ് തങ്ങളെന്നും കത്തില് പറയുന്നു.
അതിദാരിദ്ര്യ വിമുക്ത കേരളത്തിന്റെ പ്രഖ്യാപന ചടങ്ങില് പങ്കെടുക്കുക വഴി നിങ്ങള് ആ വലിയ നുണയുടെ പ്രചാരകരായി മാറും എന്നതില് തര്ക്കമില്ല. അതുകൊണ്ട് ചടങ്ങില് നിന്ന് മോഹന്ലാലും മമ്മൂട്ടിയും കമല്ഹാസനും വിട്ടുനില്ക്കണമെന്നാണ് ആശമാരുടെ ആവശ്യം. കേരള ആശ ഹെല്ത്ത് വര്ക്കേഴ്സ് അസോസിയേഷന് സംസ്ഥാന ജനറല് സെക്രട്ടറി എം.എ.ബിന്ദു, കേരള ആശ ഹെല്ത്ത് വര്ക്കേഴ്സ് അസോസിയേഷന് സംസ്ഥാന പ്രസിഡന്റ് വി.കെ. സദാനന്ദന് എന്നിവരുടെ പേരില് ഇമെയില് മുഖേനയാണ് താരങ്ങള്ക്കു കത്തയച്ചത്.