ഗായികക്കുള്ള ദേശീയ അവാർഡ് ലഭിച്ച അട്ടപ്പാടിയിലെ നഞ്ചിയമ്മയുടെ കുടുംബ ഭൂമി കേസിൽ വഴിത്തിരിവായി പാലക്കാട് ജില്ലാ കളക്ടർ ഡോ.എസ് ചിത്രയുടെ ഉത്തരവ്.ആദിവാസിഭൂമി കൈവശക്കാർക്ക് അനുകൂലമായിരുന്ന പട്ടികവർഗഭൂമി കൈമാറ്റ നിയന്ത്രണവും പുനരവകാശ സ്ഥാപനവും നിയമ പ്രകാരമുള്ള ഒറ്റപ്പാലം സബ് കളക്ടറുടെ ഉത്തരവ് പാലക്കാട് ജില്ലാ കലക്ടർ റദ്ദാക്കി.നഞ്ചിയമ്മയുടെ ടി.എൽ.എ കേസുള്ള ഭൂമി പരിശോധിക്കണമെന്നാണ് കലക്ടറുടെ ഉത്തരവ് അതിന് ഒറ്റപ്പാലം സബ് കളക്ടറുടെ ഉത്തരവ് റദ്ദ് ചെയ്ത് കേസ് പുനപരിശോധിക്കാൻ ജില്ലാ കളക്ടർ ഉത്തരവ് നൽകി.ആദിവാസി ഭൂമി അന്യാധീനപ്പെട്ട കേസിൽ ഈ ഉത്തരവ് വഴിത്തിരിവാണ്.