ഹിമാചല്‍ പ്രദേശുകാരുടെ മനസ്സറിഞ്ഞുള്ള പ്രചരണമാണ് പ്രിയങ്ക ഗാന്ധി തുടക്കം മുതലേ നടത്തിയത്. അധികാരത്തിലേറിയാല്‍ പഴയ പെന്‍ഷന്‍ പദ്ധതി പുനര്‍ സ്ഥാപിക്കുമെന്നും കേന്ദ്രത്തില്‍ അധികാരത്തിലേറിയാല്‍ അഗ്‌നി പഥ് പദ്ധതി നിര്‍ത്തലാക്കുമെന്നും അവര്‍ പറഞ്ഞിരുന്നു. കൂടാതെ 300 യൂണിറ്റ് വരെ സൗജന്യ വൈദ്യുതി, സ്ത്രീകള്‍ക്ക് പ്രതിമാസം 1500 രൂപ, ഒരു ലക്ഷം സര്‍ക്കാര്‍ ജോലി, യുവാക്കള്‍ക്ക് അഞ്ച് ലക്ഷം തൊഴില്‍, മൊബൈല്‍ ചികിത്സ യൂണിറ്റ് തുടങ്ങി ഗ്രാമീണരുടെ മനസ്സില്‍ ഇടം പിടിക്കുന്ന ഒട്ടേറെ തെരഞ്ഞെടുപ്പ് വാഗ്ദാനങ്ങളായിരുന്നു നല്‍കിയിരുന്നത്. ഇത് താഴെത്തട്ടില്‍ മികച്ച രീതിയിലുള്ള ഫലം ലഭിക്കാന്‍ ഇടയാക്കിയിട്ടുണ്ട്.

ബിജെപി ദേശീയ അധ്യക്ഷന്‍ ജെപി നദ്ദയുടെ സ്വന്തം തട്ടകത്തില്‍ ബിജെപിയെ തോല്‍പ്പിച്ചത് പ്രിയങ്കയുടെ ഒരു സ്വകാര്യ വിജയം കൂടിയാണ്. ഈ വര്‍ഷം ആദ്യം നടന്ന യുപി തെരഞ്ഞെടുപ്പില്‍ കോണ്‍ഗ്രസിന്റെ പ്രചരണ തലപ്പത്ത് പ്രിയങ്ക ഗാന്ധി ഉണ്ടായിരുന്നെങ്കിലും തിരഞ്ഞെടുപ്പില്‍ തിളങ്ങാന്‍ കോണ്‍ഗ്രസിനായില്ല. എന്നാല്‍ ഇതിനൊക്കെയുള്ള മറുപടിയയാണ് ഇന്ന് ഹിമാചല്‍ പ്രദേശ് കോണ്‍ഗ്രസ് പിടിച്ചടക്കിയിരിക്കുന്നത്.

മാപ്പിളപ്പാട്ടിന്റെ മനോഹരമായ ഈണങ്ങള്‍ സമ്മാനിച്ച പ്രഗത്ഭനായ പാട്ടുകാരനാണ് വിടപറഞ്ഞ പീര്‍ മുഹമ്മദ്. 1970 കള്‍ മുതല്‍ രണ്ടായിരം വരെയുള്ള കാലഘട്ടത്തില്‍ മാപ്പിളപ്പാട്ടിന്റെ ഈണങ്ങള്‍കൊണ്ട് മനസില്‍ മായാപ്രപഞ്ചങ്ങള്‍ സൃഷ്ടിച്ച കൂട്ടത്തിലെ ഗായകരിലെ അവസാനത്തെ കണ്ണിയായിരുന്നു പീര്‍ക്ക. ഈ ശ്രേണിയിലെ പാട്ടുകാരൊക്കെ മരണമടഞ്ഞത് അടുത്ത കാലത്താണ്. 2015 മുതല്‍, കെ.ജി സത്താര്‍ക്ക, രണ്ടത്താണി ഹംസക്ക, ഐഷാബീഗം, മാപ്പിളപ്പാട്ട് എഴുത്തുകാരനായ കെ.ടി മൊയ്തീന്‍, 2018ല്‍ തലശേരിയിലെ എ.എ ഉമ്മര്‍ക്ക, ഹമീദ് സര്‍വാനി, 2019ല്‍ മൂസ എരഞ്ഞോളി, എം. കുഞ്ഞിമൂസക്ക, ഈ വര്‍ഷം മാപ്പിളപ്പാട്ടിന്റെ അതികായനായ വി.എം കുട്ടി മാഷ്… ഏറ്റവും അവസാനം പീര്‍ക്കയും. മാപ്പിളപ്പാട്ടില്‍ പീര്‍ക്കയുടെ സ്ഥാനമെന്താണ് എന്ന് ആലോചിക്കുമ്പോള്‍ മനസില്‍ വരുന്നൊരുപാട് കാര്യങ്ങളുണ്ട്. മാപ്പിളപ്പാട്ടില്‍ വടക്കന്‍ കേരളത്തിന്റെ ഒരാലാപന ശൈലി കൃത്യമായി കൊണ്ടുവന്നവരില്‍ പ്രമുഖനാണ് അദ്ദേഹം. പാട്ടിന്റെ ആലാപന സൗകുമാര്യത്തിന് അങ്ങനെ ചില ശൈലികള്‍ രൂപപ്പെട്ടുവരാറുണ്ട്. പ്രത്യേകിച്ച് തലശേരി, കണ്ണൂര്‍ പോലുള്ള കേന്ദ്രങ്ങളില്‍നിന്ന് വരുന്ന പാട്ടുകളുടെ സ്വാഭാവിക ശൈലി കൃത്യമായി പിന്തുടര്‍ന്ന ഗായകനാണ് പീര്‍ക്ക.

ആഘോഷങ്ങളുടെ പാട്ടുകാരനാണ് പീര്‍ക്ക എന്നു പറയുന്നത് വെറുതെയല്ല. കല്യാണപ്പാട്ടുകളായിരുന്നു അദ്ദേഹത്തെ ഏറെ ജനകീയനാക്കിയത്. തലശേരിയിലെ കല്യാണ വീടുകളില്‍ നടന്ന പാട്ടുപരിപാടികളില്‍ വരന്റെയും വധുവിന്റെയും പേര് വെച്ചെഴുതുന്ന പാട്ടുകള്‍ പിന്നീട് ഗ്രാമഫോണിലേക്ക് റെക്കോഡ് ചെയ്യപ്പെടുകയായിരുന്നു. ‘അഴകേറുന്നോളെ വാ..’ ‘പൂക്കള്‍ വിരിഞ്ഞുനില്‍ക്കും…’പോലുള്ള പാട്ടുകളില്‍ വരന്റെയും വധുവിന്റെയും പേരുണ്ട്. അതൊക്കെ തലശേരിയിലെ പല കല്യാണ വീടുകളിലും നടന്ന ചടങ്ങുകളിലെ വധുവിന്റെയും വരന്റെയും പേരുകളായിരുന്നു. അതാണ് പിന്നീട് ഗ്രാമഫോണിലേക്ക് റെക്കോഡ് ചെയ്യപ്പെട്ടത്. അത് പിന്നീട് മാപ്പിളപ്പാട്ട് ആസ്വാദകര്‍ ഏറ്റെടുക്കുകയായിരുന്നു.

ഏറ്റവും കൂടുതല്‍ ഹിറ്റായ പാട്ടുകളൊക്കെ പീര്‍ക്കയുടെ പാട്ടുകളാണ്. ഇന്നും മാപ്പിളപ്പാട്ട് പരിപാടികള്‍ എവിടെയൊക്കെ നടക്കുന്നുവോ അവിടെയൊക്കെ പീര്‍ക്കയുടെ ഒന്നോ രണ്ടോ പാട്ടെങ്കിലും പാടാതിരിക്കില്ല. ‘അഴകേറുന്നോളെ വാ..’ ‘പൂക്കള്‍ വിരിഞ്ഞുനില്‍ക്കും.. ‘ ‘പടവാള് മിഴിയുള്ളോളെ..’ ‘അനര്‍ഘ മുത്തുമാല..’ ‘മലര്‍കൊടിയെ ഞാനെന്നും..’ ഇതെല്ലാം കല്യാണ വീടുകളില്‍ ആവശ്യപ്പെടുന്ന പാട്ടുകളാണ്. ഭക്തിഗാനങ്ങളും മറ്റു ഗാനങ്ങളുമൊക്കെ പീര്‍ക്ക വളരെ കുറച്ചേ പാടിയിട്ടുള്ളൂ. ഇപ്പോഴും പീര്‍ക്ക എന്നു പറയുമ്പോള്‍ മനസില്‍ വരുന്നത്, ഇത്തരം കല്യാണപ്പാട്ടുകള്‍ തന്നെയാണ്. അതുകൊണ്ടാണ് അദ്ദേഹത്തെ ആഘോഷങ്ങളുടെ പാട്ടുകാരന്‍ എന്നു പറയുന്നത്. എന്നാല്‍ ഇതിനപവാദമായി ‘കാഫ് മല കണ്ട പൂങ്കാറ്റേ…’ ‘തിരു സഭാ തളിര്‍.. ‘ പോലുള്ള പാട്ടുകള്‍ മറ്റു രീതിയില്‍ പാടിയിട്ടുണ്ടെങ്കിലും അദ്ദേഹത്തെ ഏറ്റവും കൂടുതല്‍ പ്രശസ്തനാക്കിയത് കല്യാണപ്പാട്ടുകള്‍ തന്നെയാണ്.

ഈ പാട്ടുകള്‍ക്കപ്പുറം പീര്‍ക്ക ചെയ്തുവെച്ച വലിയ അത്ഭുതങ്ങളുണ്ട് പാട്ടുകളില്‍. കവി പി.ടി അബ്ദുറഹിമാനും അദ്ദേഹവും ചേര്‍ന്ന് മാപ്പിളപ്പാട്ട് മേഖലയില്‍ നടത്തിയ വലിയ കാര്യങ്ങള്‍ നിരവധിയാണ്. അതില്‍ ഏറ്റവും പ്രധാനം ലൈലാ മജ്‌നു, ബാല്യകാല സഖി, ബദറുല്‍ മുനീര്‍ ഹുസ്‌നുല്‍ ജമാല്‍ എന്നീ കാവ്യങ്ങളാണ്. ലൈല മജ്‌നു അനശ്വര പ്രണയമാണ്. അത് പല പാട്ടുകളിലായി മാപ്പിളപ്പാട്ടുകളിലേക്ക് അദ്ദേഹം കൊണ്ടുവന്നു. ബാല്യകാല സഖി മാപ്പിളപ്പാട്ട് രൂപത്തിലാക്കിയിട്ടുണ്ട് ഇരുവരും. മോയിന്‍കുട്ടി വൈദ്യരുടെ ബദറുല്‍ മുനീര്‍ ഹുസ്‌നുല്‍ ജമാലിലെ പ്രസിദ്ധമായ പാട്ടാണ് ഹിറ്റായ ‘മഹിയില്‍ മഹാസീന്‍….’ ‘ബദറുല്‍ മുനീറും തോഴിയുമൊക്കെ’. ഇങ്ങനെ ഈ കൂട്ടുകെട്ട് മാപ്പിളപ്പാട്ടുകൊണ്ട് പരീക്ഷണങ്ങള്‍ നടത്തിയിട്ടുണ്ട്. മാപ്പിളപ്പാട്ട് ശാഖയില്‍ ഇത് വലിയ സംഭവം തന്നെയാണ്.

പ്രഗത്ഭരായ എഴുത്തുകാരെക്കൊണ്ട് പാട്ടെഴുതിക്കാന്‍ സാധിച്ചുവെന്നതാണ് പീര്‍ക്കയുടെ ഏറ്റവും വലിയ ഭാഗ്യം. പി.ടി അബ്ദുറഹിമാന്‍, സി.എച്ച് വെള്ളിക്കുളങ്ങര, അസീസ് കൊറാട്ട്, ഒ. അബുമാഷ് തുടങ്ങിയ പാട്ടെഴുത്തുകാരെക്കൊണ്ട് പാട്ടെഴുതിക്കാന്‍ അദ്ദേഹത്തിന് കഴിഞ്ഞിരുന്നു. മലയാളത്തിന്റെ പ്രിയപ്പെട്ട സംഗീത സംവിധാകരായ എ.ടി ഉമ്മര്‍ക്കയുമായുള്ള അദ്ദേഹത്തിന്റെ കൂട്ടുകെട്ട് വലിയ അത്ഭുതങ്ങള്‍ കാണിച്ചിട്ടുണ്ട്. അതാണ് ‘അഴകേറുന്നോളെ വാ..’ ‘കാഫ് മല പൂങ്കേറ്റേ..’ തുടങ്ങിയ പാട്ടുകള്‍. എ.ടി ഉമ്മര്‍ക്കയുടെ ശിക്ഷണത്തിലും സംഗീത സംവിധാനത്തിലും പാട്ടുകള്‍ പാടാന്‍ കഴിഞ്ഞുവെന്നത് വലിയ ഭാഗ്യമാണ്.

യുഗ്മ ഗാനങ്ങള്‍ക്ക് മാപ്പിളപ്പാട്ടില്‍ അക്കാലം വരെ വലിയ പ്രസക്തിയൊന്നുമുണ്ടായിരുന്നില്ല. എന്നാല്‍ യുഗ്മഗാന ശൈലിക്ക് മാപ്പിളപ്പാട്ടില്‍ തുടക്കംകുറിച്ചത് പീര്‍ക്കയാണെന്ന് പറയാം. പീര്‍ മുഹമ്മദ്-ശൈലജ, പീര്‍ മുഹമ്മദ്-സിബല്ല, പീര്‍ മുഹമ്മദ്-രഞ്ജിനി കൂട്ടുകെട്ടൊക്കെ ഒരുകാലത്ത് മാപ്പിളപ്പാട്ട് ആസ്വാദകരുടെ ഇടയില്‍ വലിയ സ്വീകാര്യത ലഭിച്ചതാണ്. ഇപ്പോഴും പീര്‍ മുഹമ്മദ് എന്നു പറയുമ്പോള്‍ അതിനോട് ചേര്‍ത്ത്‌വെച്ച് ശൈലജയെയും സിബല്ലയെയുമൊക്കെ ആളുകള്‍ പറയുന്നതിന് കാരണം അന്ന് ലഭിച്ച ജനകീയത തന്നെയാണ്.

പരിഭവമോ പരാതിയോ ഇല്ലാതെ ജീവിച്ചയാളാണ് പീര്‍ക്ക. വലിയ സൗകര്യമുള്ള തറവാട്ടിലാണ് ജനിച്ചത്. എല്ലാവരെയും സ്‌നേഹിക്കുകയും ബഹുമാനിക്കുകയും പുതിയ തലമുറയിലെ ഗായകരോടൊക്കെ നിഷ്‌കളങ്കമായി പെരുമാറുകയും ചെയ്തിരുന്നു. കഴിഞ്ഞ പത്തു പന്ത്രണ്ട് വര്‍ഷമായി പക്ഷാഘാതം പിടിപെട്ട് വീട്ടില്‍ വിശ്രമത്തിലായിരുന്നപ്പോഴും മാപ്പിളപ്പാട്ടുമായി ബന്ധപ്പെട്ട സംശയനിവാരണത്തിനായും മറ്റേതു കാര്യങ്ങള്‍ക്കായാലും വിളിക്കുമ്പോഴൊക്കെ അദ്ദേഹം വളരെ സൗമ്യനായി കൃത്യമായി മറുപടി പറഞ്ഞിരുന്നു. തലശേരിയാണ് തന്റെ തട്ടകം എന്ന് അദ്ദേഹം എപ്പോഴും പറയുമായിരുന്നു. തലശേരിയിലെ പല തറവാടുകളിലും നടന്ന പാട്ടുകളാണ് തന്നെ താനാക്കിയത്. ടി.സി ഉമ്മര്‍ക്കയെ പോലുള്ള പ്രമുഖ സംവിധായകരുമായുള്ള കൂട്ടുകെട്ട് തന്റെ ജീവിതത്തില്‍ വലിയ സ്വാധീനമുണ്ടാക്കിയിട്ടുണ്ട്. ആ ഒരു ലോകത്തുനിന്നാണ് മാപ്പിളപ്പാട്ട് മേഖലയിലേക്ക് വന്നത് എന്ന് പറയാന്‍ അദ്ദേഹത്തിന് ഒരു മടിയുമുണ്ടായിരുന്നില്ല. മാപ്പിളപ്പാട്ട് ലോകത്ത് എല്ലാവരോടും ഒരുപോലെ പെരുമാറുകയും എല്ലാവര്‍ക്കും തണലായി നില്‍ക്കുകയും സ്‌നേഹം ചൊരിയുകയും ചെയ്ത പ്രഗത്ഭനായ ഗായകനായിരുന്നു പീര്‍ക്ക. മാപ്പിളപ്പാട്ടെന്ന് പറയുമ്പോള്‍ ഇക്കാലത്തും പലരുടെയും മനസില്‍ വരുന്നത് പീര്‍ക്കയെയാണ്. പ്രൊഫഷണല്‍ പാട്ടുകാരനെന്ന യാതൊരു ജാഡയും അദ്ദേഹത്തിനില്ലായിരുന്നു. പച്ചയായ മനുഷ്യനായാണ് അദ്ദേഹം ജീവിച്ചത്. മുഴപ്പിലങ്ങാട്ടുള്ള വീട്ടില്‍ എപ്പോള്‍ കയറിച്ചെന്നാലും പീര്‍ക്കയുണ്ടാകുമായിരുന്നു ഏത് കാര്യത്തിനും. അദ്ദേഹത്തിന്റെ ഉമ്മ തമിഴ്‌നാട്ടുകാരിയായതിനാല്‍ തന്നെ തമിഴ് പാരമ്പര്യം പാട്ടിന്റെ കാര്യത്തില്‍ അദ്ദേഹം സൂക്ഷിച്ചിരുന്നു. പാട്ടിനെക്കുറിച്ചുള്ള കൃത്യമായ ധാരണയും അവധാനതയും അദ്ദേഹത്തിനുണ്ടായിരുന്നു. അതുതന്നെയാണ് പീര്‍ മുഹമ്മദ് എന്ന പാട്ടുകാരനെ വ്യത്യസ്തനാക്കുന്നത്. മാപ്പിളപ്പാട്ടിന്റെ വലിയ ശബ്ദമാണ് മായുന്നത്. അപ്പോഴും ആശ്വാസമാകുന്നത്, പാട്ട് മേളകള്‍ എവിടെ നടക്കുന്നുവോ അവിടെയൊക്കെ പീര്‍ക്കയുടെ പാട്ടുകളുണ്ട് എന്നതാണ്. അങ്ങനെ ശബ്ദത്തിലൂടെ അദ്ദേഹം ഇനിയും നമുക്കിടയില്‍ ജീവിക്കും.

കഴിഞ്ഞ 24 മണിക്കൂറിനിടെ 69,334 സാമ്പിളുകളാണ് പരിശോധിച്ചത്. പ്രതിവാര ഇന്‍ഫെക്ഷന്‍ പോപ്പുലേഷന്‍ റേഷ്യോ (ണകജഞ) പത്തിന് മുകളിലുള്ള 39 തദ്ദേശ സ്വയംഭരണ പ്രദേശങ്ങളിലായി 46 വാര്‍ഡുകളാണുള്ളത്. ഇവിടെ കര്‍ശന നിയന്ത്രണമുണ്ടാകും.

സംസ്ഥാനത്തെ വിവിധ ജില്ലകളിലായി 2,08,004 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,02,837 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 5167 പേര്‍ ആശുപത്രികളിലും നിരീക്ഷണത്തിലാണ്. 343 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്.
നിലവില്‍ 63,752 കോവിഡ് കേസുകളില്‍, 7 ശതമാനം വ്യക്തികള്‍ മാത്രമാണ് ആശുപത്രി/ഫീല്‍ഡ് ആശുപത്രികളില്‍ പ്രവേശിപ്പിക്കപ്പെട്ടിട്ടുള്ളത്.

കഴിഞ്ഞ ദിവസങ്ങളിലുണ്ടായ 61 മരണങ്ങളാണ് കോവിഡ്19 മൂലമാണെന്ന് ഇന്ന് സ്ഥിരീകരിച്ചത്. ഇതുകൂടാതെ സുപ്രീംകോടതി വിധിപ്രകാരം കേന്ദ്രസര്‍ക്കാരിന്റെ പുതിയ മാര്‍ഗനിര്‍ദേശമനുസരിച്ച് അപ്പീല്‍ നല്‍കിയ 327 മരണങ്ങളും റിപ്പോര്‍ട്ട് ചെയ്തിട്ടുണ്ട്. ഇതോടെ സംസ്ഥാനത്തെ ആകെ മരണം 36,475 ആയി.

ഇന്ന് രോഗം സ്ഥിരീകരിച്ചവരില്‍ 18 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 6473 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 324 പേരുടെ സമ്പര്‍ക്ക ഉറവിടം വ്യക്തമല്ല. 34 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.

രോഗം സ്ഥിരീകരിച്ച് ചികിത്സയിലായിരുന്ന 6046 പേര്‍ രോഗമുക്തി നേടി. തിരുവനന്തപുരം 694, കൊല്ലം 1039, പത്തനംതിട്ട 257, ആലപ്പുഴ 201, കോട്ടയം 438, ഇടുക്കി 233, എറണാകുളം 634, തൃശൂര്‍ 1014, പാലക്കാട് 228, മലപ്പുറം 223, കോഴിക്കോട് 372, വയനാട് 183, കണ്ണൂര്‍ 387, കാസര്‍ഗോഡ് 143 എന്നിങ്ങനേയാണ് രോഗമുക്തിയായത്. ഇതോടെ 63,752 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 49,77,126 പേര്‍ ഇതുവരെ കോവിഡില്‍ നിന്നും മുക്തി നേടി.

മത സംഹിത എന്ന നിലക്ക് ലോകത്തെ അല്‍ഭുതപ്പെടുത്തുന്ന വളര്‍ച്ചയാണ് ഇസ്‌ലാം അടയാളപ്പെടുത്തിയിട്ടുള്ളത് എന്നത് ഒരു വാദമല്ല, വസ്തുതയാണ്. ഇക്കാര്യത്തില്‍ മറ്റു മതങ്ങളൊന്നും ഇസ്‌ലാമോളം വിജയിച്ചതായി കാണുന്നില്ല. നബി തിരുമേനി വരുന്നതിനു പത്തു നൂറ്റാണ്ട്മുമ്പ് ബി.സി ആറാം നൂറ്റാണ്ടില്‍ വന്ന രണ്ട് മതസംഹിതകളെ നാം ഭാരതീയര്‍ക്കറിയാം. ബുദ്ധ മതവും ജൈനമതവും. ഇനി പ്രത്യയശാസ്ത്രങ്ങള്‍ക്കാവട്ടെ കൊമ്പു കുലുക്കിയും മോഹന സ്വപ്‌നങ്ങള്‍ വാരിയെറിഞ്ഞും കഴിഞ്ഞ നൂറ്റാണ്ടില്‍ വന്ന കമ്യൂണിസം ഉദാഹരണമായി ഉണ്ട്. ഇതൊക്കെ അതിന്റെ ആചാര്യന്‍മാര്‍ നന്നായി പ്രബോധനം ചെയ്‌തെങ്കിലും ഇസ്‌ലാമിനോളം വളര്‍ച്ച ഇതുവരെ അടയാളപ്പെടുത്തിയിട്ടില്ല. ഞെട്ടിക്കുന്ന വളര്‍ച്ചയാണ് ഇസ്‌ലാമിന്റേത്. ഇപ്പോള്‍ ലോക ജനസംഖ്യയുടെ 24.1 ശതമാനം പേര്‍ മുസ്‌ലിംകളാണ്. അഥവാ നാലു പേരെയെടുത്താല്‍ അതിലൊന്ന് മുസ്‌ലിമാണ്. ഇത്രയും വലിയ വളര്‍ച്ചയുടെ തുടക്കമറിയാന്‍ അംറ് ബിന്‍ അബസ(റ) എന്ന സ്വഹാബി തുടക്കത്തില്‍ നബിയോട് ചോദിക്കുന്ന ഒരു ചോദ്യം ഓര്‍ത്താല്‍ മതി. ഈ മതത്തില്‍ താങ്കളോടൊപ്പം ആരൊക്കെയുണ്ട് എന്ന ചോദ്യത്തിന് നബി(സ) പറഞ്ഞു. ഒരു സ്വതന്ത്രനും ഒരു അടിമയുംമാത്രം എന്ന്. അവിടെ നിന്നാണ് ഈ വളര്‍ച്ചയുടെ ഗ്രാഫ് തുടങ്ങുന്നത്.

ഏറ്റവും അവസാനത്തെ സ്ഥിതിവിവരക്കണക്കുകള്‍ അനുസരിച്ച് ഐക്യരാഷ്ട്ര സഭ അംഗീകരിച്ച 193 രാജ്യങ്ങളില്‍ 51 എണ്ണം മുസ്‌ലിംകളാണ് ഭരിക്കുന്നത്. അഫ്ഗാനിസ്ഥാന്‍ മുതല്‍ യമന്‍ വരെ അവരുടെ മണ്ണ് നീണ്ടുകിടക്കുന്നു. ബാക്കിയുള്ളതില്‍ പത്തോളം രാജ്യങ്ങളില്‍ മുസ്‌ലിംകള്‍ 50 ശതമാനത്തിലധികം വരും. അറേബ്യക്ക് ചുറ്റും ഏതാനും രാജ്യങ്ങളാണ് അവരുടെ മണ്ണെന്ന് കരുതിയവര്‍ക്ക് തെറ്റി. ഏഷ്യയുടെ 31 ശതമാനം, മധ്യേഷ്യയുടെ 89 ശതമാനം എന്നിങ്ങനെ ഏഷ്യ കടന്ന് ഉത്തരാഫ്രിക്ക വരെ അവരുടെ 91 ശതമാനം അധിവസിക്കുന്നു. യൂറോപ്പിലാകട്ടെ ആറ് ശതമാനമാണ് അവരുടെ സാന്നിധ്യം. അമേരിക്കന്‍ ഐക്യനാടുകളില്‍ പോലും അവര്‍ ദശാംശം കടന്ന് ഒന്നിനു മുകളിലെത്തിയിരിക്കുന്നു.

ലബനാനിലേതിനേക്കാളും മുസ്‌ലിംകള്‍ ഇപ്പോള്‍ ജര്‍മ്മനിയിലുണ്ടെന്നാണ്. അപ്രകാരം തന്നെ സിറിയയിലുള്ളതിനേക്കാള്‍ അധികം കമ്യൂണിസ്റ്റ് ചൈനയിലും. ഏറ്റവും അധികം മുസ്‌ലിംകള്‍ ഉള്ളത് ഇന്തോനേഷ്യയിലാണെങ്കില്‍ തൊട്ടുപിന്നില്‍ ഇന്ത്യയാണ്. ആരെയും ഞെട്ടിക്കുന്ന ഈ കണക്കുകള്‍ക്കൊപ്പം ചില പ്രവചനങ്ങള്‍ കൂടിയുണ്ട്. അവ ഈ വളര്‍ച്ച സ്ഥിരപ്രതിഭാസമായി നില്‍ക്കുകയും വളരുകയും ചെയ്യുന്നു എന്നാണ്. ഉദാഹരണമായി വാഷിംഗ്ടണിലെ പ്യൂ റിസര്‍ച്ച് ഇന്‍സ്റ്റിറ്യൂട്ടിലെ മിഖായില്‍ ലിപ്കയുടെയും കോണ്‍ട്രാഡ് ഹാക്കെറ്റിന്റെയും സൂക്ഷ്മമായ പഠനം എടുക്കാം. 2017 ലായിരുന്നു ഇവരുടെ പഠനം. 2050 ല്‍ ഇസ്‌ലാം ജനസംഖ്യയുടെ കാര്യത്തില്‍ ഇപ്പോള്‍ 31.5 ശതമാനം വരുന്ന ക്രിസ്ത്യാനിറ്റിക്ക് ഒപ്പമെത്തും എന്നവര്‍ തെളിയിക്കുന്നു. മാത്രമല്ല, 2070 ല്‍ മുസ്‌ലിംകള്‍ ക്രിസ്ത്യാനികളെ മറികടക്കും എന്നും ലോകത്തെ ഏറ്റവും വലിയ മതമായി തീരുമെന്നും അവര്‍ പറയുന്നു. വെറുതെ പറയുകയല്ല. തെളിവുകള്‍ ഉണ്ട്. ഇനി ഈ വളര്‍ച്ച തന്നെ കേവല കാനേഷുമാരിയിലേതല്ല. സാമ്പത്തിക രംഗത്ത് അവരുടെ ജി.ഡി.പി 5.7 ട്രില്യണ്‍ (2016) ആണ്. മാത്രമല്ല എണ്ണ സമ്പന്ന രാജ്യങ്ങളാണ് അവരുടേത്. എണ്ണ കയറ്റുമതി ചെയ്യുന്ന രാജ്യങ്ങളുടെ കൂട്ടായ്മയായ ഒപെകിലെ 13 രാജ്യങ്ങളില്‍ 8 രാജ്യങ്ങള്‍ അവരുടെ അധികാരത്തിലാണ്.

ഇത്രയും വലിയ വളര്‍ച്ചയിലേക്ക് അവര്‍ നീങ്ങിയത് നിരന്തര വൈതരണികള്‍ പിന്നിട്ടാണ്. നാടുവിട്ട് മറ്റൊരിടത്ത് കൂടുകൂട്ടിയാലും അതിനനുവദിക്കില്ല എന്ന് ആക്രോശിച്ച ബദര്‍ മുതല്‍ മുസ്‌ലിമാണെങ്കില്‍ അതിര്‍ത്തി കടന്നെത്തിയവരെ പൊറുപ്പിക്കില്ല എന്നു പറയുന്ന മോദിസം വരെ. കുരിശു യുദ്ധങ്ങള്‍ മുതല്‍ ഒന്നാം ലോക യുദ്ധം വരെ. താടിയുള്ളവന് വിമാനത്തില്‍ വരെ കുത്തു കണ്ണ് കാണേണ്ടിവരുന്നു. അവര്‍ അപരിഷ്‌കൃതരാണ് എന്നതു മുതല്‍ കള്ള് വിളമ്പി മതത്തില്‍ ചേര്‍ക്കുന്നവരാണ് എന്നതുവരെ ആക്ഷേപങ്ങള്‍ കേള്‍ക്കേണ്ടിവരുന്നു. ഇതിനെല്ലാം ഇടയില്‍ അവര്‍ നിരവധി സാമ്രാജ്യങ്ങള്‍ തന്നെ സ്ഥാപിച്ചു. റാഷിദീ, അമവീ, അബ്ബാസീ, ഫാത്വിമീ, സല്‍ജൂഖി, ഉസ്മാനീ ഖിലാഫത്തുകള്‍. കേവല ജനസംഖ്യാരാഷ്ട്രീയ വളര്‍ച്ചകള്‍ മാത്രമല്ല വൈജ്ഞാനിക വളര്‍ച്ചകളും അവര്‍ നേടി. അല്‍ജിബ്രയും ക്യാമറയും ഗ്ലോബുമെല്ലാം ഉണ്ടാക്കിക്കൊടുത്തവരും അല്‍ ജാബിറിനെയും അവിസന്നയെയും റാസിയെയും ഗസ്സാലിയെയുമെല്ലാം അവര്‍ ലോകത്തിനു സമ്മാനിക്കുകയും ചെയ്തു.

ഇതൊക്കെയുണ്ടായിട്ടെന്താ എന്ന ചോദ്യമുണ്ട് എന്ന് സമ്മതിക്കുന്നു. അതു വേറെ ചര്‍ച്ചയാണ്. ഇവിടെ ഇവ്വിധം ഒരു പ്രബോധനം വിജയിച്ചതിനുപിന്നിലെ രഹസ്യമാണ് ചികയുന്നത്. അത് കേവല പ്രബോധനമായിരിക്കാന്‍ വഴിയില്ല. ആണെങ്കില്‍ മറ്റു മതങ്ങളും പ്രത്യയശാസ്ത്രങ്ങളും എന്തുകൊണ്ട് ഇത്ര വിജയിച്ചില്ല എന്ന ചോദ്യം ഉയരും. അത് പ്രബോധനത്തിന്റെ വേറിട്ട രസതന്ത്രം തന്നെയാണ്. അതാണ് നാം പഠിക്കേണ്ടത്. അത് പഠിക്കുമ്പോള്‍ മുഹമ്മദ് നബി (സ) എങ്ങനെ ലോകത്തിന്റെ ജേതാവായി എന്നു കണ്ടെത്താം. അത് ചുരുക്കത്തില്‍ ഇപ്രകാരമാണ്. ഒന്നാമതായി നബി(സ) പരമമായ സത്യത്തെ സ്വാംശീകരിച്ചു എന്നതാണ്. സത്യം നബി (സ)യുടെ ജീവിതത്തിന്റെ ഉണ്‍മ തന്നെയായിരുന്നു. സത്യസന്ധത ഓരോരുത്തരുടെയും വെറും അര്‍ഥമില്ലാത്ത അവകാശവാദങ്ങളായി മാറിയിരുന്ന ഒരു കാലത്ത് ഈ പ്രവാചകന്റെ സത്യത്തോടുള്ള അഭിവാജ്ഞ ആദ്യം അംഗീകരിച്ചത് ശത്രുക്കളായ ഇരുട്ടിന്റെ ശക്തികള്‍ തന്നെയായിരുന്നു. അതുകൊണ്ടായിരുന്നുവല്ലോ അവര്‍ ആ വ്യക്തിത്വത്തെ അല്‍അമീന്‍ എന്നു വിളിച്ചത്. പില്‍ക്കാലത്ത് റോമിലെ ഹിരാക്ലിയസ് ചക്രവര്‍ത്തി ഈ പ്രവാചകനെ നിരൂപണം ചെയ്യാന്‍ അബൂസുഫ്‌യാനിലൂടെ ചോദ്യങ്ങളില്‍ തൂങ്ങിപ്പിടിച്ച് ആഴ്ന്നിറങ്ങാന്‍ ശ്രമിക്കുമ്പോള്‍ അദ്ദേഹം ചോദിക്കുന്നുണ്ട്. നിങ്ങള്‍ അദ്ദേഹം കളവു പറയും എന്ന് സന്ദേഹിക്കുന്നുണ്ടോ?. അതിന് അപ്പോള്‍ ശത്രുവായിരുന്ന അബൂസുഫ്‌യാന്‍ ഒന്നാലോചിക്കുക പോലും ചെയ്യാതെ ഇല്ല എന്ന് മറുപടി നല്‍കുന്നുണ്ട്. അടുത്ത ചോദ്യം അദ്ദേഹം ചതിക്കുമോ എന്നായിരുന്നു. അതിനും ഇല്ല എന്നായിരുന്നു അബൂസുഫ്‌യാന്റെ മറുപടി. അപ്പോള്‍ ശത്രു പക്ഷത്തായിരുന്ന ഒരാള്‍ ഇങ്ങനെ സാക്ഷ്യപ്പെടുത്തുമ്പോള്‍ പിന്നെ നബി സത്യത്തെ അവര്‍ ചേര്‍ത്തുപിടിച്ചതിന് മറ്റു തെളിവുകള്‍ തെരയേണ്ടിവരില്ല.

തന്റെ ജീവിതംകൊണ്ട് സ്വാംശീകരിച്ചെടുത്ത ഇതേ സത്യത്തെ മറ്റുള്ളവര്‍ക്ക് സ്‌നേഹത്തോടെ കൈമാറുകയായിരുന്നു രണ്ടാമത്തെ ചുവട്. സ്‌നേഹം ഒരു വികാരമാണ്. രണ്ടെണ്ണത്തിനിടയിലേ അതു രൂപപ്പെടൂ. ഏകപക്ഷീയമായ സ്‌നേഹം വെറുമൊരു ബലപ്രയോഗമായിരിക്കും. അതിനാല്‍ കൊടുക്കുന്നവനും വാങ്ങുന്നവനും സ്വാശീകരിക്കുന്നവനും കൈമാറുന്നവനുമെല്ലാം ഈ മധുരം ഉണ്ടായിരിക്കണം. എവിടെയെങ്കിലും ഒരിടത്ത് അതു മുറിഞ്ഞുപോയാല്‍ അവിടന്നങ്ങോട്ട് മധുരമാണെങ്കിലും സ്‌നേഹം കയ്പ്പായിരിക്കും. ഈ അര്‍ഥങ്ങളെല്ലാം സമ്മേളിച്ച സ്‌നേഹമാണ് നബി(സ) സ്വീകരിച്ചതും അവലംബിച്ചതും പഠിപ്പിച്ചതുമെല്ലാം. അതിനാല്‍ നബി തിരുമേനി(സ) പ്രപഞ്ചത്തിലുള്ള തന്റെ ദൗത്യം നിര്‍വഹിക്കാന്‍ ഉപയോഗപ്പെടുത്തിയ ഒറ്റമൂലി ഈ സ്‌നേഹമായിരുന്നു എന്ന് ഒറ്റവാക്കില്‍ പറയാം. സ്‌നേഹത്തിന്റെ സ്പര്‍ശമില്ലാത്ത ഒന്നും ആ ജീവിതത്തിലുണ്ടായിരുന്നില്ല. സ്‌നേഹം എന്ന വ്യാഖ്യാനത്തിന്റെ പരിധിയില്‍ വരാത്ത ഒന്നും ഉണ്ടായിരുന്നേയില്ല.

വിശ്വാസം, സ്വഭാവം, സമീപനങ്ങള്‍, കടമകള്‍, കടപ്പാടുകള്‍, ബന്ധങ്ങള്‍, ബാധ്യതകള്‍ തുടങ്ങി ഇസ്‌ലാം ഉദ്‌ഘോഷിക്കുന്ന എല്ലാ കാര്യങ്ങളുടെയും അടിത്തറ സ്‌നേഹമാണ്. സ്‌നേഹത്തിന്റെ രൂപത്തിലാണ് ഇസ്‌ലാം മനസ്സുകളിലേക്കും ബന്ധങ്ങളിലേക്കും വീടുകളിലേക്കും കുടുംബങ്ങളിലേക്കും അയല്‍പക്കങ്ങളിലേക്കും അന്യ മതസ്ഥരിലേക്കും ജന്തുജാലങ്ങളിലേക്കും പ്രകൃതിയിലേക്കുപോലും ഇറങ്ങിയത്. സത്യം, സ്‌നേഹം എന്നീ മഹദ് ഗുണങ്ങളെയെല്ലാം ഒരു സദ് വിചാരമായി പരിവര്‍ത്തിപ്പിച്ചെടുത്ത് അത് മൊത്തം മാനുഷ്യകത്തിന്റെ സ്വഭാവമാക്കി പരിവര്‍ത്തിപ്പിച്ചെടുത്തിടത്ത് നബി(സ) യുടെ ദൗത്യം മൂന്നാം ഘടത്തിലെത്തി വിജയം അയാളപ്പെടുത്തുന്നു. ഇതാണ് ആ പ്രബോധന രഹസ്യത്തിന്റെ മൂന്നാം രഹസ്യം. അറിവ്, ഓര്‍മ്മ തുടങ്ങിയവ സദാ പിന്തുടരുന്ന ഒരു തിരിച്ചറിവായി മാറുമ്പോള്‍ അത് വിചാരമായി മാറുന്നു. ഇസ്‌ലാം ഈ വിചാരങ്ങളുടെ സമാഹാരമാണ്. ആശയങ്ങള്‍ മനുഷ്യമനസ്സുകളില്‍ പകര്‍ന്ന്‌കൊടുത്ത് അതിനെ ജീവിതത്തിന്റെ അടിസ്ഥാന വിചാരമാക്കി പരിവര്‍ത്തിപ്പിച്ചെടുത്തതോടെയാണ് കൂട്ടം കൂട്ടമായി ഒഴുകിയെത്തി നിറയുന്ന ഒരു സംഹിതയായി ഇസ്‌ലാം മാറിയത്.

മകന് പതിനെട്ട് വയസ്സ് പൂര്‍ത്തിയായതിനാല്‍ വിദ്യാഭ്യാസ ചെലവുകള്‍ വഹിക്കുന്നതില്‍ നിന്ന് ഒഴിവാക്കിത്തരണമെന്ന ഹര്‍ജി തള്ളിക്കൊണ്ടാണ് കോടതിയുടെ നിരീക്ഷണം. വേര്‍പിരിഞ്ഞ ഭാര്യയ്ക്കൊപ്പം നില്‍ക്കുന്ന മകന് 18 വയസ്സ് പൂര്‍ത്തിയാവുന്നത് വരെയോ സ്ഥിരവരുമാനം നേടുന്നതുവരേയോ പ്രതിമാസം 15000 രൂപ നഷ്ടപരിഹാരം നല്‍കണമെന്ന് നേരത്തെ ഹൈക്കോടതി പുറപ്പെടുവിച്ച വിധി പുനഃപരിശോധിച്ചുകൊണ്ടാണ് കോടതിയുടെ ഉത്തരവ്.

ഭൂരിഭാഗം കുടുംബങ്ങളിലും സ്ത്രീകള്‍ക്ക് സാമൂഹിക-സാംസ്‌കാരിക കാരണങ്ങള്‍ കൊണ്ട് ജോലിചെയ്യാന്‍ സാധിക്കുന്നില്ല. അതിനാല്‍ പലര്‍ക്കും സാമ്പത്തിക സ്വാതന്ത്ര്യമില്ല. വരുമാനം നേടുന്ന സ്ത്രീകള്‍ ഉണ്ടെങ്കിലും പിതാവിന് മക്കളുടെ വിദ്യാഭ്യാസത്തിന്റേയോ ജോലിയുടേയോ ഉത്തരവാദിത്വത്തില്‍ നിന്ന് ഒഴിഞ്ഞുനില്‍ക്കാനാവില്ല.

മകന് പ്രായപൂര്‍ത്തിയായിട്ടുണ്ടാകാം, പക്ഷേ സാമ്പത്തിക സ്വാതന്ത്ര്യം നേടാന്‍ കഴിഞ്ഞിട്ടുണ്ടാവില്ല. പതിനെട്ട് വയസ്സില്‍ മകന്‍ ചിലപ്പോള്‍ പഠിക്കുകയോ പഠനം പൂര്‍ത്തിയാക്കിയിരിക്കുകയോ ആവാം. മകനുവേണ്ടി പണം ചെലവഴിക്കുന്ന ഭാര്യ്ക്ക് നഷ്ടപരിഹാരം നല്‍കാനും പിതാവിന് ഉത്തരവാദിത്വമുണ്ട്- കോടതി ചൂണ്ടിക്കാട്ടി. 1997-ല്‍ വിവാഹം കഴിഞ്ഞ് 2011-ല്‍ വേര്‍പിരിഞ്ഞ ദമ്പതികളില്‍ പിതാവാണ് ഹര്‍ജിയുമായി കോടതിയെ സമീപിച്ചത്.

ഒക്ടോബര്‍ 16ന് ശനിയാഴ്ച കോട്ടയം, ഇടുക്കി ജില്ലകളിലുണ്ടായ ഉരുള്‍പൊട്ടലിന്റെ കാരണങ്ങളെക്കുറിച്ച് ചിന്തിച്ചാലും നാമെത്തിച്ചേരുന്നത് മുന്‍പറഞ്ഞ കാലാവസ്ഥാവ്യതിയാനമാണെങ്കിലും അതിനെ പ്രതിരോധിക്കാനും നാശനഷ്ടങ്ങള്‍ കുറയ്ക്കാനും എന്തുകൊണ്ട് പരാജയപ്പെടുന്നുവെന്ന ചോദ്യത്തിന് ഇനിയും ഉത്തരമില്ല. ജനങ്ങളേക്കാള്‍ ഭരണകൂടമാണ് ഇക്കാര്യങ്ങളില്‍ പരിഹാര-പ്രതിരോധനടപടികളുടെ അന്തിമവാക്ക് എന്നിരിക്കെ അവര്‍ സ്വീകരിച്ചിരിക്കുന്ന നിലപാടും നയങ്ങളും തീര്‍ത്തും ദുരന്തങ്ങള്‍ക്ക് എണ്ണ പകരുന്നതിന് സമാനമാണ്.

അതിലൊന്നാണ ്2018ലെ കേരളത്തിലെ മഹാപ്രളയത്തിന് തൊട്ടടുത്ത മാസങ്ങളില്‍ കേരളത്തിലെ ഇടതുപക്ഷഭരണകൂടം കേന്ദ്രസര്‍ക്കാരില്‍നിന്ന ്ക്വാറി ഉടമകള്‍ക്കുവേണ്ടി പരിസ്ഥിതിലോലമേഖലകളെ ഒഴിവാക്കി ഇറക്കിച്ച ഉത്തരവ്. 2018 ഓഗസ്റ്റിലായിരുന്നു മഹാപ്രളയം. 1924ന് ശേഷം അതാദ്യമാണ് അത്തരത്തിലൊരു പ്രളയത്തിലേക്ക് കേരളം പതിച്ചത്. 500 ലധികം പേര്‍ കൊല്ലപ്പെട്ട നൂറോളം ഉരുള്‍പൊട്ടലുകളുടെ ചൂടാറുംമുമ്പാണ് 2018 ഡിസംബറില്‍ ക്വാറി ഉടകമള്‍ക്ക് പ്രത്യേക ഇളവ് അനുവദിക്കാനും ക്വാറികളുടെ പ്രവര്‍ത്തനാനുമതി പുനസ്ഥാപിക്കാനും കേന്ദ്രസംസ്ഥാനസര്‍ക്കാരുകള്‍ തയ്യാറായത്. 2013ല്‍ കേന്ദ്രസര്‍ക്കാര്‍ തന്നെ പശ്ചിമഘട്ടമലകളുടെ കാര്യത്തില്‍ ഇറക്കിയ ഉത്തരവ് മറികടന്നാണ ്‌സര്‍ക്കാര്‍ പുതിയ ഉത്തരവ് ഇറക്കിയത്. കോട്ടയം കൂട്ടിക്കലിലും തൊട്ടടുത്ത കൊക്കയാറിലും 25 ലധികംപേരുടെ മരണത്തിനിടയാക്കിയ ദുരന്തത്തിന്റെയും മുണ്ടക്കയത്തെ നിരവധി വീടുകളുടെ നാശത്തിന്റെയും പശ്ചാത്തലത്തില്‍ ഈ ക്വാറികളുടെ പ്രവര്‍ത്തനം പുനപരിശോധിക്കപ്പെടേണ്ടതാണ്. എന്നാല്‍ സര്‍ക്കാരുകള്‍ ഇക്കാര്യത്തില്‍ അനങ്ങാന്‍ പോലും തയ്യാറല്ലെന്നതാണ ്‌വാസ്തവം. ഇതിന് മികച്ച ഉദാഹരണമാണ് പ്രളയത്തിനുശേഷം ക്വാറികളുടെ ദൂരപരിധി 200ല്‍നിന്ന് 50 മീറ്ററാക്കിക്കൊണ്ടുള്ള സര്‍ക്കാര്‍ ഉത്തരവ്. ദേശീയഹരിത ട്രിബൂണല്‍ ഉറക്കിയ വിധിയെ മറികടന്ന് ഇതിനായി സുപ്രീംകോടതിയെ സമീപിക്കുകയായിരുന്നു പിണറായിസര്‍ക്കാര്‍. ഇതുസംബന്ധിച്ച കേസ് ഇപ്പോഴും സുപ്രീംകോടതിയില്‍ നിലനില്‍ക്കുകയാണ്. എന്നിട്ടാണ് പ്രളയത്തിനും ഉരുള്‍പൊട്ടലിനും ഉത്തരവാദി കാലാവസ്ഥാവ്യതിയാനം മാത്രമാണെന്ന ്സ്ഥാപിക്കാന്‍ സര്‍ക്കാരും ഭരണകക്ഷിക്കാരും പരിശ്രമിക്കുന്നത്. മാധവ് ഗാഡ്ഗില്‍ 2011ന് സമര്‍പ്പിച്ച പശ്ചിമഘട്ടപഠനറിപ്പോര്‍ട്ടില്‍ നിര്‍ദേശിച്ചതനുസരിച്ച് തയ്യാറാക്കിയ പരിസ്ഥിതിലോലപട്ടികയിലാണ് കേരളസര്‍ക്കാര്‍ തിരുത്തല്‍വരുത്തിയത്. 1986ലെ പരിസ്ഥിതിസംരക്ഷണനിയമത്തിന്റെ നഗ്്‌നമായ ലംഘനംകൂടിയാണിത്.

കോട്ടയം, ഇടുക്കി ജില്ലകളിലാണ് ഉരുള്‍പൊട്ടലുണ്ടായതെങ്കിലും ഒരേ മലയോരപ്രദേശമാണിവ. ഇവിടെ ഏഴോളം ക്വാറികള്‍ പ്രവര്‍ത്തിക്കുന്നുണ്ട്. കൂട്ടിക്കലിലെ ദുരന്തത്തിന് കാരണം പൂര്‍ണമായും മലമുകളിലെ ക്വാറികളാണ്. കോട്ടയംജില്ലയിലെ നാല് പരിസ്ഥിതിലോല വില്ലേജുകളില്‍ പൂഞ്ഞാര്‍, മേലുകാവ്,തെക്കേക്കര, കൂട്ടിക്കല്‍ എന്നീ വില്ലേജുകളെ ക്വാറിഉടമകള്‍ക്കായി ഇ.എസ്.എ പട്ടികയില്‍നിന്ന് ഒഴിവാക്കിനല്‍കിയത് റവന്യൂസെക്രട്ടറി പി.എച്ച് കുര്യന്റെ 2018 ജൂണ്‍നാലിലെ ആവശ്യമാണ്. ഇതിനൊപ്പിച്ച് കേന്ദ്രപരിസ്ഥിതിമന്ത്രാലയം 2018 ഡിസംബര്‍ 3ന് ഭേദഗതി ഉത്തരവ് നല്‍കുകയായിരുന്നു. വെറുതെയല്ല, കേരളം ദുരന്തങ്ങളെ ക്ഷണിച്ചുവരുത്തുന്നുവെന്ന് മാധവ് ഗാഡ്ഗില്‍ തുടരെത്തുടരെ അഭിപ്രായപ്പെടുന്നത്.

നഷ്ടത്തിലോടുന്ന കെ എസ് ആര്‍ ടി സിയുടെ ടിക്കറ്റേതര വരുമാനം വര്‍ധിപ്പിക്കുന്നതിനായി സ്റ്റാന്‍ഡുകളിലെ ഒഴിഞ്ഞു കിടക്കുന്ന കടമുറികള്‍ ബെവ്‌കോക്ക് വാടകക്ക് നല്‍കും. ഇത്തരം കടമുറികള്‍ ബെവ്‌കോക്ക് വാടകക്ക് നല്‍കുന്നതില്‍ തടസ്സങ്ങളില്ലെന്ന് ഗതാഗത വകുപ്പ് മന്ത്രി ആന്റണി രാജു പറഞ്ഞു. പലയിടത്തും ആളുകള്‍ മദ്യശാലക്ക് മുമ്പില്‍ ക്യൂ നില്‍ക്കുന്നതാണ് തടസ്സമുണ്ടാക്കുന്നത്. മദ്യ വില്‍പ്പന ശാലകള്‍ തുറന്നാല്‍ യാത്രക്കാര്‍ക്ക് ബുദ്ധിമുട്ടാകുമെന്ന വാദം ശരിയല്ല എന്നും അദ്ദേഹം പറഞ്ഞു. ബെവ്‌കോ കേരളത്തില്‍ നിരോധിക്കപ്പെട്ട ഒന്നല്ലല്ലോ എന്നായിരുന്നു അദ്ദേഹത്തിന്റെ ന്യായീകരണം. ഒരു സ്ഥലത്തും കാണാത്ത അച്ചടക്കമാണ് മദ്യശാലകള്‍ക്ക്
മുന്നില്‍ മദ്യ ഉപയോക്താക്കള്‍ കാണിക്കുന്നത്. അതിനാല്‍ കെ എസ് ആര്‍ ടി സി സ്റ്റാന്‍ഡുകളില്‍ മദ്യം വില്‍ക്കുന്നത് യാത്രക്കാര്‍ക്ക് ബുദ്ധിമുട്ടാകില്ലെന്ന് സര്‍ക്കാര്‍ തീരുമാനത്തെ മന്ത്രി ന്യായീകരിച്ചു. ബെവ്‌കോക്ക് മാത്രമായി പ്രത്യേക പരിഗണനയുണ്ടാകില്ലെന്നും ഡ്യുട്ടി സമയത്ത് മദ്യപിച്ചു ജോലി ചെയതാല്‍ കര്‍ശനമായി നേരിടുമെന്നും മന്ത്രി മാധ്യമങ്ങളോട് പറഞ്ഞു.

എന്നാല്‍ ഈ തീരുമാനത്തോട് കടുത്ത എതിര്‍പ്പാണ് വിവിധ ഭാഗങ്ങളില്‍ നിന്നും ഉയര്‍ന്നിരിക്കുന്നത്. കെ എസ് ആര്‍ ടി സി മദ്യപരുടെ സുഖവാസ കേന്ദ്രങ്ങളാക്കുന്നുവെന്നാണ് ആരോപണം. ഈ തീരുമാനം പുറത്ത് വന്നതിന് പിന്നാലെ എല്‍ ഡി എഫിന്റെ പഴയ തിരഞ്ഞെുപ്പ് പ്രചാരണ പരസ്യങ്ങള്‍ വീണ്ടും സാമൂഹിക മാധ്യമങ്ങള്‍ കുത്തിപ്പൊക്കിയിട്ടുണ്ട്. അന്ന് മദ്യ വര്‍ജനത്തിനെതിരെ പരസ്യങ്ങളില്‍ അഭിനയിച്ച് പിന്നീട് ഇടതുപക്ഷത്തിന്റെ ചിലവില്‍ സ്ഥാനമാനങ്ങള്‍ നേടിയെടുത്ത കെ പി എസ് സി ലളിതയുടേയും ഇന്നസെന്റിന്റേയും വിശ്വാസ്യത കൂടിയാണ് ഇപ്പോള്‍ ചേദ്യം ചെയ്യപ്പെട്ടിരിക്കുന്നത്.

നിയന്ത്രണം വന്നതോടെ ചൈനീസ് യുവ ഗെയിമര്‍മാര്‍ പ്രതിഷേധത്തിലാണ്. ഗെയിം കളിക്കാന്‍ 18 വയസ്സ് എന്ന നിയമം ഒരു തമാശയാണെന്നാണ് ഇവര്‍ അഭിപ്രായപ്പെടുന്നത്. സ്‌പോര്‍ട്‌സിന് ഏറ്റവും മികച്ച പ്രായം അവരുടെ കൗമാരത്തിലാണെന്നാണ് സാമൂഹ്യമാധ്യമങ്ങളില്‍ പ്രചരിക്കുന്നത്.

ഗാര്‍ഹിക സിലിണ്ടറിന്റെ പുതിയ നിരക്ക് 891 രൂപ 50 പൈസയാണ്. 1692 രൂപ 50 പൈസയാണ് വാണിജ്യ സിലിണ്ടറിന്റെ പുതിയ വില. തുടര്‍ച്ചയായി മൂന്നാം മാസത്തിലാണ് പാചകവാതക വില വര്‍ധിപ്പിക്കുന്നത്. ജൂലൈ, ആഗസ്ത് മാസങ്ങളിലും വില വര്‍ധിപ്പിച്ചിരുന്നു.

66 ശതമാനം പുരുഷന്‍മാരും 34 ശതമാനം സ്ത്രീകളുമാണ് സര്‍വേയുടെ ഭാഗമായത്. കഴിഞ്ഞ ജൂണില്‍ നടത്തിയ സമാന സര്‍വേയില്‍ 76 ശതമാനം മാതാപിതാക്കളും സ്‌കൂള്‍ തുറക്കുന്നതിനെ എതിര്‍ത്തിരുന്നു. എന്നാല്‍ രണ്ട് മാസത്തില്‍ സ്‌കൂള്‍ തുറക്കുന്നതിനെ പിന്തുണയ്ക്കുന്നവരില്‍ മുപ്പത് ശതമനാത്തോളം വര്‍ധനവാണ് ഉണ്ടായത്. അതേസമയം സ്‌കൂള്‍ തുറക്കുന്നതിന് മുമ്പ് അധ്യാപകര്‍ക്കും മറ്റ് ജീവനക്കാര്‍ക്കും വാക്‌സിന്‍ നല്‍കണമെന്നും രക്ഷിതാക്കള്‍ ആവശ്യപ്പെടുന്നു. സ്‌കൂളുകളില്‍ നിരന്തരം കോവിഡ് പരിശോധന നടത്തണമെന്ന് 74 ശതമാനം മാതാപിതാക്കളും ആവശ്യപ്പെടുന്നു. രാജ്യത്തെ കോവിഡ് കേസുകള്‍ കുറവുവന്നതോടെ നിരവധി സംസ്ഥാനങ്ങളില്‍ സ്‌കൂളുകള്‍ തുറന്നിട്ടുണ്ട്. പലയിടത്തും ഇന്റനെറ്റ് ലഭ്യത ഇല്ലാത്തതിനാല്‍ ഓണ്‍ലൈന്‍ ക്ലാസുകളും ഫലപ്രദമായിരുന്നില്ല.