നാവിക സേനയുടെ വന് ലഹരി വേട്ട. ഇന്ത്യന് മഹാസമുദ്രത്തില് 2500 കിലോ ലഹരി വസ്തുക്കള് പിടികൂടി. 2386 കിലോ ഹാഷിഷ്, 121 കിലോ ഹെറോയിന് എന്നിവയാണ് പിടികൂടിയത്. സംശയാസ്പദമായ നിലയില് കണ്ടെത്തിയ ബോട്ടില് നടത്തിയ തിരച്ചിലിലാണ് ലഹരിവസ്തുക്കള് കണ്ടെത്തിയത്.
പിടികൂടിയവരെ മുംബൈയിലെത്തിച്ച് വിശദമായി ചോദ്യംചെയ്യും. അതേസമയം ലഹരിവസ്തുക്കളുടെ സ്രോതസ്സുകളെ കുറിച്ചുള്ള വിവരങ്ങള് ലഭ്യമല്ല. ഇവ എങ്ങോട്ടാണ് കൊണ്ടുപോകുന്നത് തുടങ്ങിയ വിവരങ്ങള് അന്വേഷണത്തിനു ശേഷമേ വ്യക്തമാകുകയുള്ളൂ. വെസ്റ്റേണ് നേവല് കമാന്ഡിന്റെ കീഴിലുള്ള യുദ്ധക്കപ്പല്- ഐഎന്എസ് തര്കശ് ആണ് ലഹരിവസ്തുക്കള് പിടിച്ചെടുത്തത്.
മാര്ച്ച് 31ന് നടന്ന പട്രോളിങ്ങിനിടെയാണ് സംശയാസ്പദമായ ബോട്ടുകളുടെ സാന്നിധ്യത്തെകുറിച്ചും അവ നിയമവിരുദ്ധ ഇടപാടുകളില് ഏര്പ്പെട്ടിരിക്കുകയാണെന്നത് സംബന്ധിച്ചുമുള്ള വിവരം നാവികസേനയുടെ പി81 എയര്ക്രാഫ്റ്റില്നിന്ന് ഐഎന്എസ് തര്കശിന് ലഭിക്കുന്നത്. ഇതിനു പിന്നാലെ നടത്തിയ പരിശോധനയിലാണ് ലഹരിവസ്തുക്കള് പിടിച്ചെടുത്തത്.